位于铜锣湾既惊喜楼上舖
@kobekyu.hongkong
当然又系要试下招牌菜
吉列牛定食
定食包左沙律 ,芝麻酱冻豆腐
加左饭素既白饭同面豉汤
吉列牛扒 份量都好大份
配以铁板煎炉
视乎番自己喜好烹调生熟度
呢个做法可以将牛肉表面极快封锁
肉汁就唔会甘易流失食落外脆内嫩

忌廉咖哩乌冬
满满左厚忌廉底下藏住咖哩乌冬
搅匀后食落好creamy同好香咖哩味
乌冬好弹牙而且好挂汁

牛舌鸡肉串
烧得好香脆 食落肉质好juicy
舖头仲洒左啲7味粉好惹味

蜂蜜菊花蜜
好浓菊花味 甜度岩岩好
用黎解油真系一流

吉列牛定食 + 咖喱忌廉乌冬 + 2 汽水 $246
二人餐系抵食啲，唔使多谂，可以试哂呢度2款招牌菜；

吉列牛放上石烧烤炉，，每边轻轻烧吓就够，不宜烧太耐，以免肉质过韧

咖喱忌廉乌冬，可选牛肉或鸡肉，我哋拣咗牛肉，忌廉打圈铺满乌冬面，如要影相就趁早，放耐咗忌廉慢慢会塌 忌廉令咖喱乌冬更滑，咖喱味浓

牛舌鸡肉串
肉质少少弹牙，估计咬到一粒粒嘅就系牛舌，配埋佢嘅酱汁丶七味粉，味道会更好

Rose Garden
玫瑰味爱嗜者，应该会拣呢杯Rose Garden，淡淡粉红色，仲有几粒玫瑰花，卖相加分，好香玫瑰味，梳打水底，几好饮

蜂蜜菊花蜜
朋友话呢杯菊花蜜都唔错，甜度啱啱好

吉列牛忌廉乌冬专门店 (铜锣湾)
-
想来呢间吉列牛忌廉乌冬专门店好耐啦！除咗有好吸引嘅吉列牛之外，佢嘅忌廉乌冬仲要超级吸晴！大大碗白雪雪嘅忌廉睇落都够晒邪恶！入到餐厅，每张枱都摆咗烧吉列牛嘅铁板座，虽然主打吉列牛，差唔多台台都有叫，周围烧住肉都唔会觉得好焗，通风好好～
-
吉列牛定食加咖喱忌廉乌冬 $246
系嚟到呢度必食嘅吉列牛仲有忌廉乌冬！呢个餐系吉列牛定食再配搭乌冬，两个人食啱啱好，仲可以一次过试吓呢间嘅招牌菜添 吉列牛肉嘅份量适中，而且铁板亦都好够热力，反而要小心唔好烧得太耐添 定食配一碗白饭，白饭食落去好香，而且一粒粒好有珍珠米嘅感觉 仲有就系超吸晴嘅咖喱忌廉乌冬，睇落都觉得邪恶 虽然本来都担心忌廉嘅话会唔会太腻，但估唔到食落去可能因为忌廉配搭咖喱，食落去一啲都唔腻之余，仲要因为有忌廉嘅配搭，所以成个乌冬都食落去好滑好creamy 好特别嘅配搭但食落去好match!
-
牛舌鸡肉串 $38
好香好吸引嘅牛舌鸡肉串！食个牛舌味唔系好重，但好香嘅鸡肉味，啖啖肉，感觉好满足！
-
Passion punch (+$18)
超fresh，清新又解渴，饮落劲香嘅百香果味，食住热辣辣嘅吉列牛，配呢杯清新嘅嘢饮简直一流
-
吉列牛忌廉乌冬专门店 (百乐中心) (铜锣湾)
铜锣湾耀华街3号百乐中心22楼

早排食过旺角分店，食完发现实在太好食，佢地个乌冬又只系得呢到有得食，所以今日encore再食过不过今次就去咗铜锣湾分店，餐厅位于百乐中心22楼，可以饱览维园嘅景色。
.
今次同样都叫咗吉列牛定食同咖哩忌廉牛肉乌冬，乌冬同样keep到一样嘅水准，咖喱汁浓厚而不漏，相当挂汁，乌冬弹牙。可惜吉列牛套餐却未如上次于旺角分店的体验，牛肉味道略嫌不足，肉质实身，口感略过韧，炸粉较厚，炸得过火咗，吃起来冇咁过瘾，但石烧炉火力更猛更持久，能更快速锁住肉汁。
.
吉列牛列牛定食（$148）
咖哩忌廉牛肉乌冬（$78）
.
牛舌鸡肉串（$38）
个汁咸咸地非常之特别，带来一种日本味道，肉质爽口弹牙，像丸的口感一样，鸡牛味道融洽，美味无比。
.
Rose Garden ($18)
Rose加荔枝嘅梳打味道，淡淡清香，味道非常适合女仕，而且颜色靓爆镜，打卡一流，同埋唔好睇佢望落细细杯，饮起上嚟竟然饮极都仲有
.
Citrus Ocean ($18)
柠檬柚子味梳打，唔会太甜，而且有柚子肉食，颜色又系好梦幻好靓。

昨日突然很想吃吉列牛， 于是带妈咪一齐到 位于铜锣湾百乐中心22楼的吉列牛忌廉乌冬专门店。 我们大约两点到达， 原先预计午饭过后应该没有太多人， 谁知预计错误原来餐厅都有很多客人还在用餐。 很喜欢餐厅座位靠向窗边， 有自然光渗入环境舒适。 两母女点了一个套餐吉列牛定食＋ 香辣忌廉鸡肉炒面$246、蜂蜜菊花蜜$13、 韩国蜂蜜红枣茶$8 、 蒜片牛舌芯$58。

吉列牛定食～定食有麻酱豆腐、蕃茄仔、沙律菜、面豉汤和饭，客人可以用枱面上的迷你铁板火炉来烧吉列牛， 控制自己喜欢的生熟度。 吉列牛的面层布满木糠粉， 放上火炉烧的时候大约每边8至10秒， 牛肉味香浓， 肉质粉嫩，外层带点脆。 配上沙律酱和芥末，好好味啊！

香辣忌廉鸡肉炒面～ 之前食过咖哩忌廉乌冬， 超级好食！ 今次试下香辣忌廉鸡肉炒面， 味道带点辛辣口味， 忌廉口感滑溜， 面烟韧有咬口， 炒面和乌冬各有特色。

蒜片牛舌芯～牛舌芯嫩滑又弹牙， 肉质爽口 ， 搭配炸过嘅蒜片，口感完美。

蜂蜜菊花蜜～ 菊花清清地， 加上蜂蜜感觉滋润。

韩国蜂蜜红枣茶～ 红枣味道浓郁， 饮落顺喉不太甜。

食了一餐丰富的午餐， 最喜欢吃吉列牛和忌廉炒面或乌冬， 今次发觉这里的服务质素提升了， 店员亲切友善值得一赞。

吉列牛忌廉乌冬专门店 (百乐中心)
地址: 铜锣湾耀华街3号百乐中心22楼