好耐冇食米线了😆 佐敦呢间羊肉汤米线几正下😆 所有汤底都有炸羊皮，充满羊肉味，仲有香葱酸菜配料。环境都算衞生，座位之间有间隔。

凉拌青瓜 $20
青瓜切得几大块，味道酸酸地又爽脆，健康之选👍🏻

口水鸡 $32
口水鸡麻辣惹味，有鸡腿同鸡翼部分，唔会全部系鸡胸，鸡肉嫩，开胃～🤤

羊肉酸辣米线 （大碗）$62
大碗米线份量好多！羊肉一丝丝，有调过味，少少羊羶味，肉质软淋。

牛腩汤锅酸辣米线 （细碗） $40
细碗都唔细，我觉得米线份量都算多。每旧牛腩都有筯同肉，望落去清清地但好够味😃

香港可以食到正宗黑山羊，相信只此一家
朋友推介这间很久，今次第一次终于尝试

门面装修比较简单，但打理得干净，很像国内小店风味

menu 选择多，主打米线

朋友喜欢食羊，当然点了出名的羊肉酸辣米线 细碗$50
一上枱，原来一点都不细碗，很丰满
羊肉十分嫩，黑山羊有香浓羊肉鲜味，跟普通羊肉真的不一样，睇惊喜

牛腩汤锅酸辣米线 细碗$40
牛腩亦很惊喜，新鲜浓厚牛肉味，正

口水鸡 $32
辣味啱我口味，大大旧鸡肉啖啖肉

蒜泥白肉 $30
半肥瘦刚好，如果加点酱油会比较出色

整体好味，黑山羊当然出色，但估不到配角牛腩带给我惊喜

响香港想揾一间主打羊肉汤面的店舖着实不多，但在观塘及佐敦就有一间：云南啊老表黑山羊汤锅米线，未食已经觉得暖粒粒🤪
店舖虽然主打羊肉，但仍然有其他选择，例如牛鸡猪及一些云贵风味川菜小食及车仔面之类。但今日帮衬观塘店，一心都系想食羊肉。
两个人分别叫咗羊肉细碗米粉及羊肉酸辣细碗米线。另外加咗口水鸡及麻辣猪耳，仲有汽水两罐而且可以跟餐👍
羊肉汤米粉，以大量羊骨羊肉及猪骨熬制汤底，奶白色，只有羊肉的香味没有骚味。鱼羊为鲜果然没错，每啖汤都系羊嘅精华。而羊肉分别有瘦肉及带皮的部份，带皮的部份较有咬口，而瘦肉的部份，肉味就比较突出，配以羊油渣韭菜是一个美妙的组合👍
而酸辣汤底的酸菜是另上，可以随自己喜好落多或者落少，而酸菜是自家醃制的，咸酸香微辣齐全。
虽然食羊肉汤面是重点，但都点了两个小食，包括口水鸡及麻辣猪耳，但原来两个小食的酱汁是完全一样的🤣，酸味辣味都齐全，但麻的感觉可以再多一点。
整体而言观塘店的地点都很容易找，在地铁站D4出口直行一分钟就见到，喜欢食羊肉汤面的朋友绝对不能错过👍

最近疫情关系好多朋友都好几个月冇见过了，近排稍为平服，终于可以约个朋友出嚟见吓面食下野！观塘系一个工业区，要揾嘢食其实一啲都唔困难，我同朋友就是但揾咗一间近地铁站而又值得推介嘅一间食店，就系云南啊老表黑山羊汤锅米线！

首先牛腩汤锅米线跟蒜泥白肉，虽然我转左做清汤，但系汤底真系好清甜，唔重精调味。同埋真系无偷工减料，有好多件牛腩啖啖肉好足料。个汤都系清清地，唔会好heavy! 而蒜泥白肉，白肉厚度适中，蒜香味十足，也有点蒜的辣味。作为小食也份量十足！

另外朋友 叫咗个口水鸡米线，米线好弹牙，微辣汤底啱晒我呢啲钟意食辣但又唔系好顶得信嘅人。再叫多一份麻辣猪耳，吃起来口感非常好，柔韧又脆，味道鲜香不腻，且富含胶质！

呢餐真系满载而归，老板娘仲好好人又细心又热情，真系要介绍多啲朋友来食嘢，值得推介！

嚟过呢间官塘道老表好几次。几年前未搬前，在官塘中心时已帮衬过。 食肆本身绝对系简陋，不过卫生都算可以。以我多次食过佢地嘅羊肉米线嚟讲，好有水准。汤头好味，无味精。份量好足够。细食女生可以两人分一碗细羊米线。以前有带皮嘅羊肉米线，现在老表将羊皮炸脆，食味似炸猪皮。因为我喜欢食羊，同时与乜机会同一群朋友去帮衬，所以无机会试其它食品。我相信过咗深圳河可能有更好嘅羊肉米线，不过在香港，如果你喜欢食羊肉，可以试试。请注意，老表嘅羊肉唔"so"。