朋友喺呢间餐厅点过晚市外卖后觉得味道唔错，所以今次就同我一齐去食dinner！

餐厅环境几舒适，员工亦好友善，我哋点咗两客精选套餐（$288/位）

沙律：时令野菜沙律
沙律有两款，呢款沙律有沙律菜及青瓜丝，食落爽脆又新鲜，加入芝麻酱及蟹籽，好味又醒胃或可加$38享用鱼生沙律！

前菜：刺身三款
前菜：新鲜南非矶煮鲍鱼
两款前菜都拣晒谂住一齐开心share刺身包括三文鱼腩、剑鱼腩及油甘鱼腩....竟然全部都系腩位成口都充满鱼油香，真系劲鲜甜肥美，好！很！正！囉
南非鲍鱼炆煮5个钟后再浸矶烧汁，味道甜甜地好入味，而且肉厚又唔韧，炆到好腍身，真系好好食两款前菜都十分推荐

汤类：面豉汤
面豉汤饮得出系自家煲嘅，味道适中，唔会好咸，而且有超多海苔，正

主菜：活鲜蟹鲍鱼汁焗饭（两位起）
卖相吸引，焗饭除咗加入鲍鱼汁，仲用咗原只蟹及蚬肉一齐焗，每粒饭都充满蟹香，食落甜甜地之余仲有少少咸鲜味而且蟹肉及蚬肉都好新鲜

甜品：蜜糖脆脆松饼（+$68）
松饼新鲜热辣即制，大份到食唔晒，脆脆系用蜜糖熬煮，口感似啄啄糖，而自家制嘅朱古力酱味道唔算好甜，整体味道唔错但略嫌有啲干身，加多啲蜜糖或配cream可能会更好！

今日天气唔错，喺湾仔做完运动，见时间尚早，去利东街四处溜跶。行了大半个钟，毫无收获，决定来 QRE Plaza「Misu Seafood Cuisine」买外卖。

其实呢间餐厅之前都帮衬过，觉得食物颇有水准，尤其是鱼生丼饭，大碗又够新鲜，所以今次决定番兜。

问店员攞咗个 Lunch Set 餐牌睇，拣咗客角切鱼生丼 ($138)， 套餐包野菜沙律、面豉汤同时令水果，而家外卖自取仲有 85 折优惠，非常抵食。

味噌汤绝不马虎，汤内有葱花、海带同腐皮，味道刚好，几浓面豉味，又无过咸现象。

角切鱼生丼分量恰好，而且用料亦不赖，有牡丹虾、三文鱼、油甘鱼、吞拿鱼、八爪鱼同蟹籽，鱼生充满光泽，看得出的新鲜。牡丹虾有手指般长，虾肉软绵黏稠。蟹籽带咸鲜味，入口脆卜卜，而三文鱼亦油润有口感。连垫底的米饭都好有水准，烟韧中带弹性。

野菜沙律非常新鲜，面头加咗蟹籽同胡麻酱，诚意十足，入口味道好 fresh。另外仲有哈密瓜作为饭后果，食落爽口多汁又清甜，很不错，食完真系超满足。

外卖海鲜套餐
疫情关系，无得周围去食饭，但又想食海鲜餐，所以我选择买外卖自取回家，外卖自取仲有85折优惠，好抵食呀

呢到既海鲜系即捞即㓥，系由美国、澳洲、北海道等地直送海产 餐厅门口仲有个大鱼缸，啲海鲜好新鲜

鲜蟹鲍汁焗饭(细) $398
用咗原只新鲜活蟹，只蟹劲大只，巨型既蟹钳，鲜味浓郁，啖啖蟹肉，仲有蚬肉在内，够哂鲜甜好味，感觉置身于海洋中央

配上渗入浓郁鲍鱼汁既焗饭，呢个焗饭真系好香，未打开个盖已经闻到香郁既饭味

野菜沙律 x2
蟹籽配新鲜沙律菜，用咗麻酱酱汁，水果仲有哈密瓜，够哂新鲜

鲜甜好味既面豉汤 x2

朋友在中环上班，知道她和我同样喜爱海鲜我上网搜索时发掘到Misu Seafood Cuisine，就决定约到这里相聚。一到埗后发现湾仔QRE Plaza原来有多间餐厅，待疫情好转以后，要逐间来品尝

食物:4.5/5
因为我们有选择困难症，所以点了精选套餐

▪️刺身三款
虽然包括在套餐内，但质素绝对高 三文鱼腩极厚、肥美鲜甜带油香，虾如手掌般长，肉质鲜甜美味

▪️矶煮鲍鱼配鲍鱼肝酱
南非鲍鱼肉质厚实，味道有点像平日吃到真空包装䖠立贝，甜味为主。鲍鱼切成一片片，口感软易咀嚼，方便进食鲍鱼肝酱鲜味十足，另带点甜味完全没有鲍鱼肝原来的甘苦味！

▪️活鲜蟹鲍鱼汁焗饭
店门口放有一个大鱼缸，内里龙虾及膏蟹，看到后已觉得海鲜一定新鲜，品尝过这个焗饭后就更肯定一开盖，大大只膏蟹在眼前，肉质嫩滑、膏亦多！

店员介绍焗饭用了鲍鱼肝酱及蟹汁去煮，味道鲜甜，完全没有放额外调味料。建议要趁热吃，不然饭在锅内会容易变干。

欢迎follow IG: fatsnow02

#日本菜 #湾仔

一行入餐厅，中间系放满日本酒既Bar枱，环境宁静寛敞。
Lunch set包野菜沙律、传统面豉汤、日式蒸蛋同时令生果，以高档日本餐厅黎讲，价钱合理。沙律大份新鲜，小妹觉得只碟好靓呀!!! 蒸蛋嫩滑，加左啲冬菇粒，增加咬口。

日式盐烧鲭鱼 $138
朋友点左热食，鲭鱼烧得刚好，鱼皮香脆，鱼肉厚实，简单用盐调味，配送既酱汁，加左柠檬汁，好开胃。特别一赞，饭粒粒分明松软，唔觉意就食晒成碗。

角切鱼生丼 $138
有多款刺身配料，有甜虾、八爪鱼、鲷鱼…三文鱼份量特别多，好抵食!
面头特别沈左啲白芝麻，增加香味。