早几日无意中发现小房子搬左去大南街，新店有唔少乾花同旧屏风、木钢琴等复古摆设，系一间几雅致嘅茶室。店员热情地介绍menu同甜品柜，原本见到隔离枱个饭团配蕨饼好吸引，可惜当日食左野先黎。提提大家，听日开始会有浮游摄影展~

柠檬磅蛋糕配雪糕
半溶云尼拿雪糕加果乾，卖相好精美，磅蛋糕密度颇高，湿润得黎偏实净，食得出柠檬皮味，我最钟意佢够酸，唔食得酸嘅连埋云尼拿雪糕一齐食就唔怕。

豆腐芝士蛋糕
豆香比想像中浓，质感幼滑轻盈，配消化饼底，仲有啲谷物碎同颇甜嘅抹茶糖浆。

☕️冷泡银毫茉莉绿茶
呢杯正正常常，唔会太淡，茉莉味清香，不过定价有少少进取，14:00 后食tea set会抵啲。

想揾个地方可以坐耐d, 无订位 就直接上咗去。
入口几隐闭吓。
叫咗个鳗鱼饭餐，份量几细吓，所以价钱算偏贵
环境都ok, 有猫，但张椅坐得唔算舒服
所以好快食完 我地又走咗。

店里的布置以乾花为主, 一进去就看到很多一束束的乾花, 很漂亮很清新。店面不是很大, 但难得的是很安静。还有几只傲骄的猫主子, 感觉不像香港的cafe, 倒有几分像台湾的。
食物味道也不错, 当晚吃的是冷面。听说甜点也好吃, 下次再去试试。

旺角文青打卡热点小房子搬家，感觉上空间大左光猛左，依旧有一束束既乾花放系度俾大家睇同拣，环境岩哂过一日Hea周末。成个环境都依然系好文青，除左有好多乾花，仲有大大个书柜系度，一路食野一路睇，仲有灯用上左雀笼设计超有特色。用上左木系家俬感觉白然，有长枱位有梳化位有地台位任君选择，因为只系供应好简单既野食，用左Open Kitchen都唔会有咩味，而新店几面都系玻璃感觉光猛左，仲有唔少花草点缀，最可爱既当然系主子喇，你睇下佢个懒样。

只系去食个下午茶，所以叫左个Light啲既《豆腐芝士蛋糕》($50)，配上左抹茶酱同埋谷物一齐食，质感较为黏身，芝士同豆腐味都淡淡地好清新。

食蛋糕就要配茶《玫瑰桂花乌龙茶》($56)，用左好特别既茶壸，茶壸茶杯二合为一，拎起中间个隔就可以饮得，花茶都几多料饮落几香玫瑰味。