周六下午餐厅都好多人，幸好一早订了位，整间餐厅阳光充足，令人感觉好舒服写意。周末有早午餐，一份主菜加餐饮都几抵。

南瓜汤
南瓜汤内加了葱粒，好香的葱味，不算太稠。如果不拣餐汤，可以选餐饮。

香酥蟹肉饼班尼狄蛋 | $135
水煮蛋上的蛋黄酱烧焦了闻起来好香，蟹肉饼内一丝丝的蟹肉、红椒，外层煎过。沙律菜加了醋汁，蕃茄仔几甜。

经典肉眼牛扒配薯条 | $158
牛扒七成熟都不会韧，软熟得来有肉汁，牛扒上晒满了黑椒碎，好香。仲有粗身薯条，薯条上有些少辣粉，吃起来很滋味。

苹果柠檬磅蛋糕 | $65
蛋糕四面焗到脆脆地，柠檬味比较重，中间有些苹果肉，整个蛋糕都暖暖的，加上冰冻的云呢拿雪糕及士多啤梨酱，甜甜的。

今日同朋友去尖沙咀行街，经过The One见到间fusion法国菜西餐厅环境几好，就入去食个late lunch。

香煎带子阔条面 ＄128
特色啤酒烤鸡 ＄145
红肉血橙焦糖烤布蕾 ＄78
椰青 芒果 热情果 冰沙 ＄42
杏脯果茶 ＄40

同朋友一齐各叫一份午市套餐，前菜我点左田园沙律，今日嘅dressing系柚子汁，味道清新，朋友就叫左周打蚬汤。

香煎带子阔条面系番茄底，食得出系用番茄膏调出嘅酱，又有四粒带子，份量足够，性价比高！特色啤酒烤鸡，皮脆肉香，食到微微啤酒香味，令人有点失望系鸡胸肉好乾，但配菜蕃薯条加香辛蛋黄酱超好食，炸得刚刚好，酱汁味道层次丰富，酸酸甜甜又有辣吊味。

叫左一份甜品同朋友share，créme brûlée最紧要有云尼拿籽先够香，每一啖炖蛋都有满满蛋味同云尼拿味，上面块橙系可以系食完炖蛋后食，refresh下口腔又会冇咁滞。

另外饮品杏脯果茶唔系就咁用糖浆加水沟出嚟，真系用杏脯干然后再配蜜糖另上，欣赏餐厅会留意呢啲小细节。

餐厅环境采光好好，天气好时打卡一流。

大家滞留香港，放假都喜欢去郊游，有时变得比市区更挤拥喧闹，今个周日决定反其道，与朋友去尖沙咀午膳。

K11的 Odelice是家法式餐厅， brunch set 的款式挺多，我们选了青口及荞麦饼。

是日餐汤是甘笋汤，香滑的汤中可尝到少许甘笋蓉。

法国蓝青口 - 
蓝青口粒粒饱满，非常鲜甜，伴以白酒、洋葱、蕃茄及芫荽煮成的汁，令青口鲜味提升。

芦笋蟹肉荞麦饼 - 
荞麦饼内放满鲜味的蟹肉，十分足料，配以甜椒及芦笋等，还有沙律，美味轻盈之选。

食完 brunch set 还想食甜品，点了 crepe，肉桂香渗透在苹果里，再加上海盐焦糖酱，配以软滑云呢拿雪糕，明知邪恶但食不停口。

周日叹个法式 brunch，很不错的享受。

好耐冇见朋友仔👯🏻‍♀️今日同朋友仔去将军澳食法国菜，位置仲好容易揾到，就系地铁隔离个商场上一楼就见到啦；环境舒服又光猛，地方又大；呢餐法国菜真系抵食又大碟，食完仲劲满足

两个人叫咗2份午市套餐；前菜每人叫咗一样，朋友选择是🥣日精选餐汤：周打蚬汤，够哂浓郁又够滑，好Creamy好好饮；而我就拣咗🥗田园沙律，Fresh 沙律菜🥬，配埋个沙律醋甜甜酸酸够哂开胃

烟三文鱼菠菜意粉 $125
三大块整成🌹玫瑰花形状嘅烟三文鱼🐟；法式芝士白汁做酱汁，劲creamy，仲唔怕油腻；🥬菠菜捞埋落啲意粉一齐食，口感丰富，意粉煮得适中，唔会好淋

橡果级伊利比亚黑毛猪柳 $ 188
伊利比亚黑毛猪柳🐷真系唔错，肉质好松软，仲有成7块咁多，再配埋个红酒酱汁一齐食，好正👍🏻；配菜比较多，有香滑薯蓉，仲百薯蓉粒在内，好有咬口；🥕煎到好香嘅蔬菜🍆半个香煎蕃茄🍅；成碟份量刚刚好，一个人食够哂饱

烟三文鱼拼盘 $78
揶威烟三文鱼，配埋青菜幼苗🥬柠檬肉🍋酸豆，干葱，特级初榨橄榄油

热Latte + $10
个拉花好靓☕香滑Latter，饮一口Latte，咬一口饼干🍪

百香果 + $10
百香果鲜榨果汁，味道一啲都唔甜

Odelice! (PopCorn)
将军澳唐贤街9号PopCorn商场1楼F23号舖

好耐之前食过湾仔、尖沙嘴分店，Set Lunch有Crepe/Pasta加餐饮，都几抵食。事隔多年，喺将军澳开左分店，一于过黎试下晚餐。

《香煎带子荞麦薄饼 $135》
可能因为系荞麦薄饼的关系，Galette颜色比较深色，蛋味无咁突出。不过配料仍然做得几出色，香喷喷的烟肉酱汁，配上煎到金黄色的带子，满有牛油香，口感多汁；加埋重量级忌廉野菌粒，味道非常芳香浓郁，保持到水准。

《经典肉眼牛排配薯条 $155》
用上新西兰草饲肉眼牛排，叫左7成熟，肉质有嚼劲，肉味浓郁，另外提供牛肉酱汁。薯条亦有惊喜，配菜好食真系一个加分位，满有薯香，外脆内软，沾少少番茄酱减低罪恶感。

《Tiramisu $65》
食西餐点都想叫个甜品做Ending，叫左个Tiramisu，口感好Creamy、Rich，酒味突出，蛋糕质感软绵湿润，整体几好食。