身边好几个朋友都强烈推介我嚟试呢间Mamaday，今日终于都嚟试了，听讲平时好夸张的，要排队等位先食到；因为限聚令既关系，无晚市堂食，就同闺密嚟食个fast-lunch先嚟到门面都要确认一下系唔系，要推开门先肯定系无嚟错呢度除咗餐牌上盏鬼既菜式名之外，佢哋既装修设计都好有特式

都几辣既泰式打抛猪乌冬 $118

同个名一样，真系都几辣既肉碎炒乌冬，乌冬口感好烟韧，非一般劣质好厚粉既乌冬，应该系用咗日本既稻庭乌冬旁边既两大片虾片，好香脆可口，脆卜卜，加埋啲肉碎一齐食，会系另一番风味；而另外两片生菜可以用嚟做DIY辣肉碎生菜，又可以变多样另一菜式

真心无乜惊喜黑松露意大利扁面 $106

有惊喜既系上面果一大棵既炸金菇，创意十足，第一次食炸金菇，又会比佢哋谂到，可以摆落呢一碟无咩惊喜既黑松露意大利面，即刻增添不少趣味，而且味道方面系香脆可口

妈Ki哑图 $38

英文即系Macchiato，其实即系用咗少量牛奶或奶泡加上浓缩咖啡制作而成的咖啡饮料，因为系用咗特浓咖啡做个base，如得觉得太浓，可以加入旁边既热水沟稀嚟饮，会比较易入口

Sweet Potato Latte 天然紫薯唔太甜 $48

真系唔太甜既紫薯Latte，但饮落紫薯味比较不太突出，牛奶味道盖过了紫薯，如果紫薯味再浓一点会更加出色

限聚令之下，两个人都费事去得远，近近地去老地方啦。系呀就系老铜既楼上Cafe Mamaday。

今日居然冇午餐餐牌，可能因为系圣诞假期前夕既关系啦。咁我地就试吓主餐牌既新野啦。

今天我咩心情？关你咩事先？比萨 $118+10%

比萨呢度一向都整得几好。今日拣左个是日口味比萨食，有芝士同火腿。比萨一贯超薄底，超脆口。比萨一开6块，每块上面都有一块非常咸香既风干火腿，配上唔咸既芝士，味道都ok。呢个比萨特别在于佢地加左d薯蓉系面，食到薄脆饼底同软绵绵既薯蓉。如果可以都d芝士，等佢冇咁干就更好啦！

荞麦面沾鱼露配美利坚合众国草饲牛扒扒扒＄152+10%

黎过几次都冇试过呢度d扒。原来呢个系早午餐，跟餐有沙律，虾片同水果，好丰富㖞。牛扒叫左5成熟，厨师好细心已经帮手切开左7份，份份都系超厚切，份量十足。生熟程度难得啱啱好半成，牛味几浓，不过咁啱有条筋同埋半生熟所以有d咬口。卖相几靓，唔错。伴碟系一兜少少既荞麦面加左木鱼碎同日式芝麻酱，一啖就食完，清新健康。两块大虾片超脆，可以点伴碟既甜酸辣酱食。两块大虾片下面原来系沙律同水果，原来佢地系平时加钱跟餐既沙律，新鲜沙律菜配上几块新鲜蓝莓和红桑子，再加上日式芝麻酱，清新健康。

午餐时候有好多人walk in 居然要等到第11号，大家想黎就记得订位啦！

妈妈爱新鲜事物。今日天朗气清便带她去人气店Mamaday吃饭打卡。

妈拣了必吃的软壳蟹pizza。Pizza大大个是我们喜爱的薄批，批焗得香脆，有薄薄的薯蓉，蟹柳，菠萝和千岛酱。Pizza上那只炸得香脆的巨无霸软壳蟹真系无得输，好好味!

我选的辣架傻猪猪猪颈肉泰式肉碎日本蛋包饭好食又抵食。大大碟上面铺满肉碎和猪颈肉。初食觉得辣，愈食愈开胃。日本蛋香滑，饭香甜有咬口。妈都赞好。

士多啤梨奶昔又香甜又滑，好味。

吃得满意，每人消费约170元。碟头大，吃不完打包了半个饭回家。

店员服务态度很好，抵赞。

朋友听到我约佢去Mamaday，已经话个名咁特别，上到去无论装修、摆设、以及餐牌都好有玩味，地方选阔落，即使我地Lunch Time去都坐得好舒服。

唔好抱咁大期望蒲烧鳗鱼蛋包饭 $124
鳗鱼烧得好香亦好大块，鳗鱼汁同鳗鱼好夹，加上木鱼碎非常好味，蛋包饭最紧要梗系蛋，蛋香味浓，滑嫩，而且粉量非常多，好抵食。

哇，系鸭肉喇沙蛋面呀 $98
鸭胸肉非常有鸭香，油脂分布平均，有肉汁得嚟唔油腻，喇沙味道带辣，蛋面烟韧
有咬口，炒得好干身，但唔会觉得好Dry。

美式咖啡
午市套餐跟Americano，咖啡味香，唔酸亦唔涩，非常高质。

好有特色的cafe

听过好多人介绍过呢间mama day cafe
今日终于黎试啦
未入到舖头之前已经见到d装修布置好特别
好有feel

唔止舖头装饰特别
佢menu嘅design都好有特色
啲菜名都好搞笑

研究左个menu好耐
最后叫左个鳗鱼饭同埋温泉蛋明太子意粉

呢个鳗鱼饭啲份量好大
性价比超高
而且啲蛋都好滑
蛋入面包住啲饭有甜甜嘅鳗鱼汁 好好味

个人极力推荐呢个明太子意粉
平时我去其他cafe 食明太子意粉都会觉得太咸
不过呢间cafe嘅调味调得啱啱好

最后叫左杯豆腐豆腐豆腐咖啡
佢系咖啡上面加左嘅豆腐雪糕
个豆腐雪糕好好食 豆味好浓 值得一试