好耐冇去铜锣湾，今日去到当然要去mamaday食返个lunch,支持下良心食店啦

炒你鱿鱼薄片沙嗲香港制造虾籽捞面（$118)
一道非常港式嘅菜式，虾籽捞面爽口弹牙，食落有淡淡的虾籽味。加上香港人最钟意嘅沙嗲酱，食落又估唔到系咁夹。另外仲加咗薄片嘅炒鱿鱼，虽然系薄片，但系口感都唔会鞋。

辣㗎傻猪猪猪颈肉泰式肉碎日本蛋包饭($118)
呢个日本蛋包饭使用日本进口鸡蛋，即使鸡蛋唔系全熟嘅状态都可以放心食用。辣㗎傻猪猪猪颈肉泰式肉碎又真系几辣，不过辣得来又好惹味，令人想一啖接一啖咁食落去。猪颈肉嘅份量都几多，大概都有六至八片，食完猪颈肉之外仲有好多泰式嘅肉碎可以捞饭食，真系非常之丰富。

Mamaday读落好似「麻麻地」，意思系唔系太好又唔系太差。餐厅名好似免责声明咁，先小人后君子，话比食客知餐厅食物水准「麻麻地」，唔好抱咁大寄望。的确，冇寄望就冇失望。但食完觉得唔系「Mamaday」，而系好好味！

荞麦面配美利坚合众国草饲牛扒扒扒($152)
虾片劲大块！争d遮住晒个牛扒！食落脆卜卜唔油腻。
Medium rare嘅牛扒够腍身又嫩口。外层有香草煎过，脆脆地，食落好香口。旁边有甜酸酱可以点，但我较喜欢食原汁原味嘅牛。荞麦面软硬适中，配木鱼丝，食落甜甜的。沙律菜新鲜爽脆唔会苦，重有我最钟意食嘅火箭菜添！配搭酸酸甜甜嘅红桑子同蓝莓，有菜有水果，感觉清新～食完牛扒食番d沙律菜同水果，可以平衡番油腻感！

蜜糖芥末炸鸡翼($68)
炸得够脆，食落又甜又辣，滋味十足，忍唔住食完一件又一件！外层有蜜糖，令人感觉冇咁热气。份量都几多。

吃过主菜便到甜品。

见餐牌紫薯窝夫($78)张相影得几靓就嗌个试下。果然系图文相符！一样咁靓！唔系剩系得个样靓，食落都好好味！

紫薯围在碟边，为平平无奇嘅碟添上炫目的紫色色彩。本身惊紫薯会太甜，但食到只系紫薯本身嘅甜味，冇另外加糖，唔会太甜，大家可以放心嗌。窝夫上撒上红色玫瑰花瓣，配上旁边一球圆圆的白色云尼拿雪糕，好似艺术品，靓到唔舍得食啊～中间有个铁兜装住cream cheese，倒落窝夫度食，嗯～有淡淡芝士味但浓度恰到好处唔会太漏。窝夫有四件，份量多，同朋友每人两件啱啱好。窝夫新鲜焗起，上枱时外层重脆，入面口感烟烟韧韧。超钟意呢个窝夫！极力推荐大家试下！

饮品点了热朱古力($48)。嗌呢杯饮品纯粹系被餐牌张相吸引。因为热朱古力个杯好特别，写住「非常一般」，同餐厅名「Mamaday」互相呼应！杯嘅图案有种中国风，用中式杯装朱古力呢种西式饮品，有强烈嘅违和感！

只听餐厅名字，已经觉得很有趣，mamaday（麻麻地），就连餐牌名字及装修也很特别，进餐厅吃过后，却发觉一点也不麻麻地，东西都很好吃!

由于跟家人不想分桌坐关系（疫症下限聚），还是买回家吃好了!点了一个千岛软壳蟹芝士比萨，回到家一开盒，看到原只软壳蟹在pizza中心，心灵真的很治愈!薄饼底很薄脆，千岛酱，软壳蟹很脆口

黑到爆炸墨鱼圈墨鱼滑墨汁炖饭又是很推介，有3件鱿鱼圈，一粒巨型的墨鱼滑丸，再加数件炒鱿鱼配炖饭，只是菜都已很满足，墨鱼滑丸超浓郁墨鱼味，很好吃!

炸墨鱼圈真的很厚肉，外皮也炸得很香脆，一盒有很多件，超抵吃

充满特色的Cafe


Mamaday的装潢十分有风格，店内充满不少打卡位
餐单设计十分有玩味及创意，打卡满分

蜜糖芥末鸡翼

世界级炸鸡翼！（必点）
蜜糖既甜，芥末既惹味，加上炸得香脆既外皮，毫无疑问会令你回味无穷，一只接一只食，好味到停唔到口呀！


点解个个都叫软壳蟹比萨架？

两个人share刚刚好
原只软壳蟹炸得松脆，一口咬下超juicy
薄饼皮薄馅正，配搭芝士及千岛酱，滋味无穷

手工草莓梳打

自家制的草莓酱加上梳打水，酸酸甜甜十分解腻

之前已经去过佢哋喺油麻地同尖沙咀嘅分店，今次再嚟到铜锣湾同朋友一齐食午餐，我哋系平日时段嚟同样爆场，环境装修非常玩味，今次就叫咗几款小食同饮品嚟试吓
_
炸鱿鱼圈 $68
份量非常充足，真材实料真系有鱿鱼㗎，炸粉唔会话太厚好香脆，配埋沙律酱一齐食啱啱好
_
辣味芝麻鸡翼 $68
鸡翼系原只鸡翼，有四只味选择，之前试过佢哋蜜糖芥茉唔错，辣味果然都系够香口
_
士多啤梨果酱梳打
好钟意佢哋嘅摆盘，梳打同果酱本身系分开装大家可以自己整埋一齐，有少少DIY嘅感觉，味道不会太甜
_
热cappuccino
味道正常，今次应该系有一个海马拉花但系上枱嘅时候就有少少散左，呢只杯都几有特色