呢个系喺荃湾店嘅不愉快用餐经歴。
我订左枱六点，
攞位嘅时候reception 话用餐时间两小时，
但七点半要还枱，
因为佢话七点半到下轮用餐。
原来呢间大排档都好似放题咁行时段制，
够钟要还枱。
好彩我唔系订七点，
如果唔系我就得半个钟食
餐牌上话制作时间需要20-30分钟，
我哋未齐人，
谂住叫咗等得嚟啱啱好，
但唔驶10分钟啲嘢已经嚟齐，
好似去咗快餐店。
食物无特别，
唔难食亦唔系话好好食咁。
份量偏少，
价格偏贵。
到六点九左右，
啲员工开始好积极咁收嘢，
我有几碟仲有少少未食完，
佢哋一个问完两三分钟后又有另一个同事嚟问我收得未，
好心急要收晒你啲嘢，
最后有一个直接收，
问都费事
终于俾佢哋收到七七八八，
佢哋就问可以上甜品未，
其实我仲睇紧餐牌，
谂紧试唔试下个寿桃。
后尾我嗌多两个寿桃，
包都未上，
佢哋又车轮式过嚟问我哋啲嘢上齐未，
上得甜品未。
时我爸爸去咗食枝烟，
我答佢等埋我爸爸返嚟问埋佢食乜先一齐上甜品，
然后佢哋五分钟入面再有三个人过嚟问我哋上得糖水未。
个感觉好差，
好似逼你快啲食完快啲走咁。
未到七点半，
我哋未叫买单时，
有个黑色西装女人已经俾张单我哋叫我哋俾钱。
大佬，
我糖水未食完，
啤酒未饮完。
不过既然你都送客送到出面，
我唯有嗱嗱声食完还返张枱俾你囉。
我由入座到离座大约一个钟头三个字咋，
说好的用餐时间两小时呢？
又话七点半先还枱？
黄店有好多，
如果大家想舒舒服服食个无压力嘅饭，
我建议大家去第二间。
拥有或管理这家酒店？ 免费获取您的详情页以便回复点评、更新资料或者进行其他操作。