葵涌广场多嘢食就系人都知，孖宝车仔面就可以一次过食齐香港地道街边小食😆

🌠墨鱼条碗仔翅
每次嚟都必食！出面大多系鱼肉碗仔翅，但呢间就有墨鱼条碗仔翅😜汤羹口感顺滑，啖啖都有材料，有齐肉丝、 冬菇丝、云耳丝、粉丝，而墨鱼条够晒弹牙可口

🌠烧卖配陈皮鱼蛋
呢间鱼蛋出名在佢真系有陈皮味，再配佢特制辣汁，真系食得好过瘾！而烧卖够晒皮薄，加豉油，咸甜味道控制得刚好

🌠 卤水：鸡翼、鸡肾、鸡脚、鸡翼尖
之后就未食过呢间嘅卤水食物，但朋友极力推介，当然要食啦！好食嘅卤水鸡脚要够淋，呢间真系好淋而且入味😜鸡翼入味而且鸡味香浓、肉质爽弹！鸡翼尖虽然冇乜肉食，但胜在肉质够嫩，不知不觉食晒😆鸡肾卤唔淋而且有咬口，系入味嘅时间控制得好好！

🌠另外，记得要食呢间店菜脯够晒爽口，而且带辣，真系食唔停！

今晚经开葵涌广场，有啲肚饿，于是睇下有咩食，见到有间车仔面，睇佢既野食好似好吸引，于是拣佢做晚餐🥣😂😂

我坐低见到本秘笈，呢本野已经吸引到我去睇😂
我睇完本秘笈，见到个招牌车仔面，有好多𩠌，所以叫左佢，之后再加多个牛什，同埋一杯冻柠茶🥤。
顺带一提，响落单既时候，职员好有礼貌帮得落单，同埋话帮我加埋秘制汁会好食啲，真系好好👍🏻👍🏻

招牌车仔面果然无令我失望，首先萝白好鲜甜，无渣，而且入味，加埋秘制汁，真系好好食😋鸡翼卤水得唔错，好滑同入味，唔会太咸，都系必食既𩠌，加埋陈皮鱼蛋，猪皮，猪红，大肠，真系一碗真正既港式车仔面😌🥣👍🏻
牛什$20，有一大碗，仲要好入味，真心抵食👍🏻👍🏻

今日早左食晚餐，行左阵解饿饿地
就来到葵广揾好野食，外卖返屋企做宵夜
见到呢间车仔面好多人帮衬
一定有保证

唔单止有车仔面，饭类都有
价钱仲好亲民

小食都唔错，竟然还有糖水:D

宵夜同屋企人分，就叫左最方便又惹味既卤水

卤水拼盘 $49
有6大款美食：鸡翼、鸡肾、鸡爪、豆腐、卤蛋
、鸡翼尖

全部都够晒入味，卤水汁很出色，够咸香
八角香料味浓郁

encore左一份鸡翼 $20
鸡翼大大只，性价比超高

卤水鸡脾 $19
食肉兽最爱，轻松KO
感觉完全不油腻，卤水汁甜甜地好惹味👍🏼👍🏼

平快正
虽然已好听话多Stay at home, 但有必要时都要出下去，如买定几日𩠌菜，还有一星期一次睇中医，仲要千里迢迢去到葵芳，虽不太想，但又必要，有时都几挣扎。

这位中医都几旺，预约了时间还要等，至于等几耐就…睇下好唔好彩啦! 今日就…差不多搅到6:00pm多，所以决意不回家煮。葵芳食肆云集，不知是否公众假期，人流都唔少，虽然这店地方阔落，而每枱的距离都甚远，但一见到外卖区，就把心一横，还是外卖回家安心一点。

很欣赏店子划分了一个外卖专区，客人唔驶聚集一齐，清清楚楚。看看餐簿，真系整到秘笈咁，有趣!分别有面套餐、饮品、推介、糖水、多款小食、饭餐、香港特色、特色面和卤水系列等，另有张外卖专用单餐纸。

拣了一份3𩠌面套餐送热餐饮($46)，另加多两款配料($8/一款)。套餐的主食除了可拣粉面饭外，还有肠粉，正合我心意。配料有很多选择，足足有五十多款，今日选了肠粉配卤水蛋、卤水豆腐和萝卜($46)，再加鱼肉春卷(+$8)，而饮品就要冻豆浆(+$3)，当然要加多客蔬菜。
肠粉必定要混酱先好食，所以很喜欢𠮶外卖盒分了两格，一格放肠粉，一格放配料，咁啲酱汁和卤水汁就唔会捞埋，赞!。肠粉滑嘟嘟，配上甜酱、麻酱和甜豉油已好味，但原来加埋葱花和辣菜甫更正，菜甫辣度十足，令肠粉吃起来更惹味。
两款卤水都讨我喜欢，卤水蛋软硬度适中，富有蛋香；卤豆腐就尝到豆香，两者都卤得相当入味，但又不会太咸。
萝卜旧旧厚切，腍嫩无渣，多汁清甜，是我个人推介之一；还有鱼肉春卷，味道稍稍咸香，不干身不油腻。
******************************
蔬菜有生菜和韭菜选择，今日拣了后者。一客韭菜($18)分量都好足，条条翠绿爽嫩，富独有的香味，配上腩汁更添美味。
******************************
冻豆浆(+$3)是樽装，方便外卖携带，更好! 是豆美味品牌，一支380毫升，低糖原味，甜度岩岩好，亦有豆香，好饮!
---------------------------------------
平时真系好少外卖，但现在外出吃饭真系有很多要考虑的事情，今日拣外卖车仔面，由落到拎走都唔驶好耐，快来快走，价钱又经济实惠，真系平快正，正合我心意，下次来睇中医可再考虑。

如果你是旅客，来香港一定要试试车仔面呢！🥰齐来和你eat~

好有水准，酱汁出色嘅车仔面😚

招牌车仔面：大大碗，包罗万有～猪大肠好淋
萝卜无渣，又淋又入味～
陈皮鱼蛋，无得输👍🏻

另外一碗系三𩠌车仔面：咖哩鱿鱼系另上，冻食的，少少辣，好对口味🤤