虽然疫情期间取消live show，但听住音乐，配埋柔和嘅光线同枱面上嘅烛光，依然好有气氛！

✨威灵顿牛柳配法式伯拿西酱佐意大利鲜香芹及甜醋初榨橄榄油(必须半日前预订)(2人用) $788
Book位时预订埋嘅威灵顿牛柳，是夜最期待嘅菜式果然冇令我地失望，绝对系必食推介❤️
卖相摆盘精美！金黄色嘅酥皮非常酥脆松化！酥皮切开后唔会甩皮甩骨保持完整。内里包住酒红色嘅牛柳，牛柳多汁，而且肉味香浓，肉质冇筋冇渣，入口软腍鲜嫩！酥皮紧紧包住牛柳，中间夹住一圈鹅肝酱同蘑菇蓉，香气浓郁，味道丰富有层次！

✨刁草牛油香煎澳洲深海盲鰽鱼柳配轻煮意大利烟燻培根伴蔬菜佐热带风味莎莎 $248
盲鰽以刁草牛油煎香，鱼皮脆脆地，肉质雪白，结实有咬口又好嫩滑，非常鲜味！配上菠萝芒果煮成嘅莎莎，酸甜清新，味道开胃之余更有提鲜作用！

✨韩国松叶蟹膏龙虾汤配自家制牛油烤西班牙水晶包$188
松叶蟹膏龙虾汤浓稠香滑，蟹膏鲜味满泻，一上枱已经闻到！真系啖啖鲜甜！
水晶包外皮香脆，内里烟韧，点埋橄榄油黑醋好正！

✨铁板水牛城鸡块配岩浆芝士 $168
大量岩浆芝士铺满鸡块，鸡块啖啖肉，肉质嫩滑juicy，配埋芝士，非常惹味！

✨法式焦糖炖蛋配爱尔兰奶油利口酒及雪糕 $118
卖相有特色，用咗中国风蓝白瓷碗。大大碗焦糖炖蛋，焦糖薄薄一层，金黄香脆，炖蛋非常绵滑，蛋味浓郁，甜度适中。

✨饮啦孝顺 $68
独家碌柚叶鸡尾啤！香气独特，味道清幽易入口。
用上碌柚叶、桂圆、杞子、红枣等慢煮4-12小时提取当中天然甜味，并将其加入配合以12种天然草本植物酿制的英国琴酒 Beefeater Gin 进行发酵，以提升整体香气，最后以接骨木花香的St. Germain Elderflower Liquor 和100％麦芽酿制，口感轻盈的 Helles 啤酒收结入罐。

逢星期二至四，红酒、白酒、气泡酒，Free Flow 2小时，$198起！大家一齐 Happy Together !!

餐厅室内环境好有气氛, 好有格调, 适合二人浪漫晚餐或同好友聚餐～

食饭前, 先饮罐 Lost Stars x HK Lovecraft <#饮啦孝顺>!
碌柚叶鸡尾啤 - 入口有清爽既感觉, 有接骨木花香气, 甜甜地, 口感轻盈

//威灵顿牛柳配法式伯那西酱 (二人前)//
制作需时, 但好值得等待, 因为超级好食, 大力推荐!
酥皮好松化, 但唔松散, 厚薄均匀, 菌酱紧贴酥皮, 又带菇菌香气~ 威灵顿牛柳会配上意大利鲜香芹及甜醋初榨橄榄油, 牛柳好粉嫩, 肉味浓, 肉质超鲜嫩, 肉汁相当丰富, 个人觉得唔洗沾酱汁都已经好好食!

//米兰烤龙虾 • 手制宽条面//
烤龙虾上面布有半溶芝士, 龙虾新鲜, 肉质弹牙。宽条面上淋上12小时淆制既赤米蟹膏龙虾汁, 食到蕃茄酱汁味, 酸甜之间又带点芝士既咸香。宽条面挂汁, 带点嚼劲, 渗著小麦味及蛋香。

//36小时海盐风干种子薄脆配羽衣甘蓝沙律//
沙律伴上印度芒果油醋汁, 海盐风干种子薄脆好香口, 蕃茄味好香, 微酸既蜜柑及红石榴令人开胃。

//韩国松叶蟹膏龙虾汤//
龙虾汤质感滑稠, 味道浓郁, 香味十足! 配上牛油烤脆包, 好味!

有时候想去D有情调，环境又好既餐厅，仲要用靓食材真系好少。之前去过【Lost Stars Livehouse Bar & Eatery】，环境又好、餐厅设计又有格调，不过对上系食午餐/下午茶，食物上唔系好食得出食材既特别，所以今次就趁晚市开返就去食！Lost Stars定期都会改下menu，出下新野。今期推出新招牌菜就系威宁顿牛柳，呢道菜超花功夫，而且难得有得食就叫。

威灵顿牛柳 配法式伯那西酱佐意大利鲜香芹及甜醋初榨橄榄油：酥皮包住原块牛柳去焗，外面酥脆、里面软嫩啖啖肉。酥皮同牛柳中间涂左一层秘制酱汁，如果无食错，应该系芥末、香草同鹅肝。非常香浓！就算唔配其他3款酱都好够味！虽然睇上黎有D生，但完全唔会血淋淋禁，而且唔会硬！个人最推荐搭配意大利鲜香芹，里面有蒜蓉同橄榄油，可以带出肉既鲜味之余唔会抢左D味！

Dinner Set
烧美国安格斯肉眼扒佐法式伯那西酱：安格斯肉眼扒超级嫩，虽然叫五成熟之后出黎系七成，但都唔会硬，好香牛味但唔骚！搭配既蔬菜一D都唔马虎，有半条番薯、一大块南瓜、一个茴香同一D豆，全部都好新鲜清甜！
配餐汤及饮品
蘑菇浓汤：好香浓，而且有蘑菇蓉~

黑松露薯条配黑松露巴马臣芝士豆乳酱：薯条分量好多，热辣辣好脆，黑松露既味道好浓好香，不过略嫌价钱有少少贵
瀑布芝士白菌手制宽条面配素肉Artichoke : 香甜素肉酱意粉加超级多芝士。手制宽条面好烟靭，好香麦味，超级好包裹D酱。里面超多馅，有唔同种类既菇同Artichoke，因为有素肉，所以完全唔似食紧全素意粉！
传统意大利朱古力及榛子雪糕伴白朱古力薄脆及野莓：超级精致既雪糕，朱古力榛子雪糕外面包裹住一层朱古力粉，超级浓朱古力味。下面白朱古力薄脆甜甜脆脆好特别！
Happy (Mocktail)：使用荔枝、青瓜、西柚和tonic water而制成既mocktail，非常清新，而且好香水果味，青瓜味唔浓。

【Lost Stars Livehouse Bar & Eatery】本身系有Live Band聼既餐厅，但疫情期间取消左Live演出。

晚市开翻同朋友去咗气氛好好嘅「LOST STARS LIVEHOUSE BAR & EATERY」食下嘢
.
是日餐汤杂菌忌廉汤，菌香浓郁食到粒粒蘑杂菌
.
威灵顿牛柳配法式伯那西酱佐意大利鲜香芹及甜醋初榨橄榄油酥皮焗得酥脆中间嘅牛柳上系鹅肝，然后涂上鹅肝酱蘑菇泥牛柳煮至3成熟，粉嫩软熟肉汁丰润一次过食到3种配搭，旁边亦有配上薯菜
.
米兰烤龙虾手制宽条面伴12小时淆制赤米蟹膏龙虾汁(全只)龙虾肉弹牙鲜甜但比较细只表面加上芝士同番茄粒粒酸酸甜甜，宽条面扁身挂汁
.
刁草牛油香煎澳洲深海盲鰽鱼柳配轻煮意大利烟燻培根伴蔬菜佐热带风味莎莎盲鰽鱼柳嫩滑鲜香，鱼皮微脆带鱼油香加上杂菌、青豆、菠萝粒非常夹
.
法式焦糖炖蛋配爱尔兰奶油利口酒及雪糕焦糖脆卜卜炖蛋香滑带云呢拿味
.
Margarita入口有Tequila嘅苦，然后柠檬嘅酸同盐嘅咸入口感到咸味同火辣后又被酸味冲淡了
.
Merry Peppermint入口先系薄荷清凉嘅感觉然后甘草回甘嘅甜味浮现☺️
.
<#饮啦孝顺>碌柚叶鸡尾啤入口香甜清爽，麦芽味重同时饮到碌柚叶桂圆、杞子、红枣等味道❤️易入口

同朋友黎到LOST STARS LIVEHOUSE BAR & EATERY食个Light dinner。餐厅既环境同气氛都好好，最近仲出左新既晚市套餐menu。今次就叫左个晚市套餐同一个意粉同朋友一齐share食。

刁草牛油香煎澳洲深海盲鰽鱼柳配热带风味莎莎套餐

套餐送餐汤同一杯饮品。鱼柳好大块煎得好香，皮脆肉质又滑又结实又有牛油香。

瀑布芝士白菌手制宽条面配素肉雅支竹@Impossible

个宽条面一上枱就见到d芝士劲厚劲彭湃。拨开芝士之后见到劲似肉酱既酱汁，食落既味道都似肉酱，不过其实系素肉黎既。芝士味道好浓郁，仲有好多菌类既配菜。

见到有新啤酒推出左，我地决定叫一罐试下啤啤佢。
＃饮啦孝顺 系用碌柚叶，桂圆，杞子，红枣等等加英国琴酒beefeater gin同St. Germain Elder flower Liquor，仲有Helles啤酒制成。口感特别又丰富。
。
。
LOST STARS LIVEHOUSE BAR & EATERY
大角咀利得街11号利奥坊一期地下506号舖
。
。