老公话见到呢一间LOST STARS LIVEHOUSE BAR & EATERY，系10大推介榜，一早同我预约咗庆祝生日！

一去到喺餐厅门口就知道呢度超高级，好有情调，气氛浪漫。餐厅入面灯光比较昏暗，每张枱上面都会放住一小个烛光，好romantic。场上播放住音乐，唯一好可惜嘅系见到有啲band show器材， 但系原来疫情期间暂时暂停咗live band show...如果有埋live band,气氛一定更加好。

烟三文鲜凯撒沙律
而家习惯去到餐厅第一件事嗌既就系沙律，冇谂过原来咁大碟，连烟三文鱼都好多。

Lost Stars 精选小食拼盘
见佢个小食拼盘有4样唔同嘅小食，手工白啤酒浆炸牛油果条，自家制金民毕芝士球，自家制蟹饼，单骨棒棒鸡。4样听落都好特别，所以我哋都叫咗一个嚟试吓。冇谂过份量又系咁多，每样都有3，4旧。

手工白啤酒浆炸牛油果条。唔系几食得出有白啤酒味，但系炸左嘅牛油果又几好食㖞，可能因为炸过，成条牛油果食都唔觉得好滞。

自家制金民毕芝士球，一口咬落去，口感丰富，最中意入面既芝士粒粒，啱晒我呢个芝士控

米兰烤龙虾手制宽条面伴12小时熬制赤米蟹膏龙虾汁(全只)
老公最钟意龙虾，呢个成只龙虾，龙虾肉超爽口弹牙，老公话宽条面如果可以再煮冧少少就perfect la。成个面龙虾汁先系精粹，经12小时熬制赤米蟹膏龙虾汁好鲜甜香浓。

我呢个牛控就当然都要叫个牛啦，威灵顿牛柳配法式伯那西酱佐意大利鲜香芹及甜醋初榨橄榄油，次次去街唔系食肉眼就系西冷，今次老公话我生日一于叫呢个威灵顿牛柳，呢个要预早预订嫁~~

第一次食，原来煮法咁特别。包围住牛柳上系一层薄薄的酥皮，酥皮烤得酥脆，裹面的牛柳呈粉红色，一ＣＵＴ开就溢出肉汁，我几中意呢个生熟度，肉嫰。而且酥皮同牛柳仲夹左一层厚厚的酱料，食落似系黑松露酱，非常浓香惹味

Lost Stars Beer IPL手工啤酒
见好多人都叫佢地嘅手工啤酒，我地都试下，口感好顺滑，留于口腔有点点柑橘果香及花香调，果香比较重~ 值得一试

之前左一段时间嘅餐厅 终于都试左☺️
餐厅都好大下 座位都好多
但闲日嘅晚餐时间去到竟然
建议大家想食就早啲

$
鱼肉十分鲜甜嫩滑！
而且配料都很丰富呢～
除左杂豆 仲有菇类 菠萝 烟肉等等
令鱼肉食落无咁单调

. $
牛排整得十分软腍入味 带微焦 肉香十足！
不过我地果旧筋位比较多～
伴菜嘅南瓜十分爽甜
第一次食扒会配芥兰
特别得黎又意外地㖞～

当日除左主菜 佢地餐汤都好正！
饮落好之余 口感都好好呢～

仲有仲有 都试左佢地嘅手工啤☺️
麦香唔系太重 但果香十足
当日都见到唔少客人饮呢☺️

整体黎讲野食好食之余 店员服务也很好～
食气氛都好正！
如果想听记得约
再留意翻佢地嘅通告 就知道演出者

工作咁忙，放假要食好D奖励自己!

今晚约左闺蜜一齐去
LOST STARS LIVEHOUSE BAR & EATERY，
位于大角咀利奥坊一期地下，
环境昏暗充满情调，
播著悠闲音乐，浪漫有气氛~

而家逢星期二至四，更有红酒、白酒、气泡酒
Free Flow 2小时，价钱由HK$198起，正!

36小时海盐风干种子薄脆配红石榴、
蜜柑、羽衣甘蓝沙律佐印度芒果油醋汁

沙律相当清新特别，羽衣甘蓝新鲜爽脆，
加入红石榴、蜜柑，酸酸甜甜够哂开胃，
薄脆微咸有咬口，清新健康之选!

⿊松露薯条配黑松露巴马臣芝士豆乳酱

必点菜式之一，薯条即叫即炸，
金黄酥脆，配以特制香浓惹味既芝士豆乳酱，
令人忍唔住一口接一口，好邪恶!

威灵顿牛柳配法式伯那西酱
佐意大利鲜香芹及甜醋初榨橄榄油

半日前预订就可品尝到，
招牌菜式果然名不虚传!
酥皮层层松化好香口，
牛味浓郁细腻，油香十足，
肉质柔嫩多汁，鲜甜甘香。

晚市套餐价钱相宜，附送餐汤及饮品，更可半价享用甜品。

刁草牛油香煎澳洲深海盲鰽鱼柳配热带风味莎莎
煎至外焦内嫩，啖啖肉，
肉质嫩滑无比，鲜味十足。

黑松露意大利烩饭伴牛肝菌、大啡菇及野菌
菌香扑鼻配以浓厚黑松露香，
饭粒外软内韧，有咬口，湿润度好刚好。

@loststars.livehouse

#loststarslivehouse #loststars #livemusic #livehouse #hklivehouse #hkmusic #livehouserestaurant #taikoktsui #大角咀 #西餐 #音乐 #relax #高质西餐厅 #音乐场地 #晚宴场地

估唔到大角咀都会有咁摩登既Live house~ 夜晚嚟到，灯光昏暗，相当有情调。枱同枱之间距离唔太远，但胜在楼底高，都坐得几舒服。

逢星期五至日嘅夜晚 都会有唔同既乐手驻场，品尝美食美酒嘅同时，亦可以陶醉于live music当中！不过呢几日最后预先book位，通常都full house ~

星期二至四有两款精选晚市套餐，随餐附送餐汤及一杯无酒精饮品。

椰菜花薯蓉汤
浓稠带颗粒，调味恰到好处。

▪️烧美国黑安格斯肉眼 佐 法式伯那西酱 (8安士) $328
肉眼嗌左五成熟，切开会见到粉嫩嘅红色，完全无overcooked。薄切既黑安格斯肉眼 肉质唔柴有咬口，富肉汁，亦带微微焦香。
肉眼底下有爽口芥兰、南瓜、蕃薯。每种蔬菜调味都唔错~ 蕃薯香甜，不过如果再软绵啲就好啦。

▪️刁草牛油香煎澳洲深海盲鰽鱼柳 配 热带风味莎莎 $248
盲鲈鱼柳外皮煎得好脆！可惜面层舖满莎莎酱，令到部分鱼皮变淋左。盲鲈鱼柳肉质结实，质地唔太滑溜，但胜在调味恰到好处。热带风味莎莎有唔少菠萝粒，酸酸甜甜好清新。底下仲有好多菇、青豆、烟肉。特别钟意条条粗身烟肉，咸香十足有口感。略嫌青豆粒偏硬。最顶层既风干西柚片，虽然只作装饰之用，但诚意十足。

▪️India pale lager 手工啤酒$68
Lost Star x H.K. Lovecraft 合作推出
100% 香港制造，口感轻盈，好滑好顺口。
饮落有柑橘果香，余韵有少少麦芽甜味。

整体嚟讲，估唔到live house氛围唔错之余，食物都有返咁上下质素！可惜嘅系枱同枱之间距离较近，有意无意会听到隔离枱既对话。不过会为左佢既live music回头！

今晚约了几个朋友谈心，难得食肆可坐四人，要找一间环境舒服的餐厅，朋友提议大角咀Lost Stars, 除了适合谈天，食物也很上档次，价钱会贵些。
餐厅灯光昏暗微黄，桌上蜡烛掩映，环境的确又大又舒服，气氛令人完全进入放松状态。我们见到有舞台，原来星期六日晚上会有 live band表演。职员先为我们介绍优惠，逢星期二至四，红酒、白酒、气泡酒，Free Flow 2小时$198起，能多喝几杯的话，其实很划得来。
不过我们不太喝酒，反而另一手工啤：饮啦孝顺，更适合我们，以碌柚叶、桂圆、杞子、红枣等材料酿制，味道清新，有接骨木花香味，微甜，质感轻柔，女士们很适合。
先来餐汤， 是香浓的蘑菇汤，菌打得够碎，喜欢质感够浓，磨菇味突出突，又没有苦涩味。
晚市套餐黑松露烤农家鲜三黄鸡佐黑松露鸡油278, 鸡已经帮你砌好一半，中间夹着烧蔬菜，很有心思。黑松露味极香，切开鸡肉很鲜嫩多汁，滑滑的鸡肉，每口都吃到黑松露香气！烧杂菜份量也不少，有烧薯仔和芥兰，烧过后很香甜又爽口，觉得烧蔬菜质素也很高。
另一套餐丛林风味烤乳猪配烧天然蔬菜佐蜜糖芥末籽酱$348, 套餐的烧蔬菜都是一样的，我们见到这么多蔬菜，都很喜欢，全部吃清光。烧乳猪份量很大件，皮脆肉厚，不会只得一层肥肉，非常好。喜欢乳猪皮烧得脆卜卜的，点上蜜糖芥末籽酱，增添清新味道，与酒楼吃的乳猪酱很不同呢！乳猪肉又爽又滑，咬下还有点爆汁的感觉，非常爽口，不觉肥腻，烧得很不错。
威灵顿牛扒$788, 外层酥皮烤得非常漂亮，金黄香酥，易令人垂涎欲滴。切开了的威灵顿牛扒，见到里面是四成熟，熟度刚好，口感十分鲜嫩多汁，肉质非常软滑，又不会觉得腥。中间包裹着的蘑菇蓉很香，切得够细碎，黑椒味完全渗透，与酥皮和牛扒混在一起，味道不会太咸，口感层次丰富，绝对是美食的享受！
点了餐饮两杯热茶，洋甘菊蜂蜜和甘草薄荷， 清新一下口腔，为之后的甜品作好准备，值得一提，点晚餐可以半价点甜品啊！
是日甜品苹果批$44,半价可以食到真的超值。苹果批卖相漂亮，外层洒上糖霜饰面，里面苹果蓉爽甜，带轻微肉桂香气，作为饭后甜品很不错。还有一球云呢拿雪糕，以焦糖脆脆垫底，味道与口感齐备！
法式焦糖炖蛋，半价$59。这个卖相更特别用中式碗盛着的焦糖炖蛋，很有风味！面层糖浆烧成脆片，但没有烧焦味，烧的程度刚好。炖蛋质感幼滑够挺身，与焦糖味道就是绝配，而且够大碗，可以与朋友一起share ,另外还有云呢拿雪糕、红桑子等，觉得口味与层次感很丰富。其实甜品创作，也要很讲究艺术感的！
整顿饭的食物，觉得除了味道好，也很有创意，都是心机之作，偶尔来chill 一下亦无妨。