我们不支持您使用的这种浏览器。TripAdvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.
TripAdvisor
香港
发布
收件箱
搜索

“食米芝莲人气鸡饭王”

天天海南鸡饭
预订桌位
2
10/22周二
20:00
在线下单
香港排名第180 (共13,928家美食)
周围地区: 湾仔/铜锣湾
餐厅详细资料
周围地区: 湾仔/铜锣湾
2019年9月2日点评 通过移动设备发表

去不了新加坡,去天天也可以。现代中西式装修,有格调,环境舒适,晚市茶位($9),注意: 要食鸡要早点来,9点后已售完。菜单做到杂志咁,仲有食鸡教室。除了主餐牌,还有不少IGable的cocktail选择。Tea Sensation ($68) 百香果和伯爵茶混合的mocktail,茶味带果香,用中式茶杯饮,很有特色。May be you are young ($88) scotch whisky 、加班兰叶糖浆、蛋白、益力多和青柠汁的东南亚风情cocktail,卖相精致,味道好refresh,酒味重,可以慢慢品尝。香茜蛏王 ($128)雾烟出埸,好夺目,除左见得人,都几好味,蛏子肉混入麻油、葱、芫荽,爽口清新的开胃菜。海胆豆腐 ($148)明火上,idea几创新,海胆夹豆腐食都系第一次,有不少海胆,豆腐很嫩滑。天天海南鸡 ($158/例牌)浓鸡汤汁是秘制的,带点甜,鸡用上黄油鸡,好健康,鸡鲜肉滑,而且唔肥,cp值很高。天天石锅鸡油饭 ($48)系另一卖点,唔会太油,粒粒分明,石锅还可以保温,好有水准。餐厅不愧为米芝莲推介,食物有质素,卖相也吸引,推荐!

感谢 852tsuil
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
撰写点评点评 (147)
旅行者评分
旅行者类型
时节
语言
  • 更多语言

29 - 33 条点评,共 147 条

2019年9月2日点评 通过移动设备发表

为左报答嘅爱,今日落堂同佢嚟食好西。上网睇到呢间米芝莲餐厅好似卖海南鸡卖到上天咁,所以嚟试下。一入门口我以为自己去错餐厅,因为佢门口就系个吧台,饮酒果啲,唔系冲奶茶咖啡果啲但入到入边就系正式餐厅,环境几舒服,最重要系成晚播嘅歌都系啲流行曲(英文嘅)全部都系我喜欢嘅歌,美食加音乐,完全唔舍得走。

嚟到天天海南鸡餐厅当然要叫返个海南鸡啦,158蚊例牌,其实两个人嚟讲份量好足,因为佢系冇骨,叠起两层。啲鸡好嫩滑,佢原本已经有鸡汁,所以唔点酱都够味,但海南鸡唔少得豉油同泰式辣酱加埋嘅「海南鸡酱」,辣辣地,味道冇出面果啲咁浓。除左呢个,佢仲俾左个沙姜汁,佢磨到啲姜好幼滑,味道唔浓但好香姜味,佢啲酱冇咁浓令你可以食到鸡嘅原本甜味。

然后重点嚟啦 - 油饭。佢个油饭系我食过最好食嘅油饭,因为佢个饭原本已经好够味,真系斋嚟食饭都唔夸张。佢一啲都唔油,但做到粒粒有味,而且啲饭煮到岩岩好,粒粒分明,真系好好食,两个女仔食到一粒不留。

除左呢两个重点菜,我地仲嗌左个香茜蛏子,因为好喜欢食芫茜,而我又喜欢食蛏子佢将啲蛏子洗得好干净,白雪雪咁,再加埋佢个冷盘麻油汁,好清新嘅感觉,简简单单完全食晒莞茜嘅香味同蛏子嘅鲜甜味。

另外因为都好钟意食海胆,所以试埋佢个海胆豆腐,其实我原本唔喜欢食豆腐,但佢个豆腐实在太过滑,滑到我都唔识形容,加埋佢个汁同海胆真系好好食。

最后头先提过佢呢度有酒吧位置,所以我地都可以饮杯嘢倾下计。佢啲cocktail mocktail都好靓好特别,原本想试下佢杯1950咖啡酒,但可能我地嚟得有点晏,冇晒咖啡。所以我就转左去「饮茶」。
呢壶茶真系好好饮,佢系冧酒加香草柠檬草呢类比较fresh嘅香料,好易入口。而且佢上时会俾两个杯你share饮,真系可以好似饮茶咁,好睇又好饮。

除左酒类胆普通啡茶,佢仲有水果茶,呢度真系乜都有我地仲嗌左杯百香茉莉,酸酸甜甜,茉莉又好香,清一清喉咙

呢餐饭无论色香味同环境都好正,呢个价钱但享受到嘅食物质素同服务,其实我觉得好合理。听住自己喜欢嘅歌,食住美食,真系五官都好忙但今晚我忙得好开心。

感谢 malkayiu
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年9月1日点评 通过移动设备发表

在铜锣湾逛街夜了,经过之前大排长龙的天天海南鸡饭,发觉等待的人数适中,好快就可以入座,于是就选择了这间来自新加坡大受欢迎的餐厅。这间餐厅装修得颇有气氛,外面以酒吧形式装修,内里放满一张张餐桌,但气氛调得偏暗,适合一面饮酒一面倾谈。久仰了这间餐厅的海鲜鸡饭一段时间,看了餐牌后立即就点了一客天天海南鸡饭,另外又点了凉瓜作前菜,尚有水煮牛肉,Not a Virgin和Not a Beer两杯Cocktail。 这个海南鸡饭确实名不虚传,鸡肉肉质不错,有鸡味有口感,鸡饭啖啖鸡味浓烈令人大口食多2啖,食过至明白点解佢系新加坡大受欢迎。至于前菜凉瓜味道清新,每吃一啖都感觉爽趣。水煮牛肉则以肥牛为啖,加上有点辣的水煮汁,食落好剌激非常适合饭。两杯Cocktail味道不会过于浓烈,净饮或边食边饮都合适,而且特别的是Not a Beer以骷髅头作盛器颇有特色。几道已经食得出餐厅的心思和手势,这餐实在感觉一流。

感谢 yckkelvin
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年9月1日点评 通过移动设备发表

话说一早就想试呢间新加坡米芝莲过江龙
但次次行过都好多人排队
呢家好似热潮过咗? 7点唔洗排队即刻试试

入面走 BAR AND RESTAURANT 个种型格调路线
装修靓, 台台凳凳, 餐具等都睇得出花过心思拣选
侍应全部有礼貌

"Not a Virgin" COCKTAIL唔错, 酸酸甜甜酒味唔重, 女仔实钟意
不过友人杯 "Not The 50's" MOCKTAIL, 唔啱我地两个嘅口味

两个人叫咗个例牌海南鸡
饭系要另外叫嘅
鸡胸肉非常嫩滑,肉质完全唔韧,鸡皮爽滑没有脂肪
上面淋咗D酱汁唔会太咸, 仲带出海南鸡嘅鲜味, 好好食

油饭好香, 软硬适中
我以为2个会食唔哂, 但太好味我地嫌唔够添

香茜蛏王 爽口弹牙,

见到海胆就流晒口水, 一定要叫呢个海胆豆腐
超浓海胆, 豆腐又滑
下面有个蜡烛兴住佢, 慢慢叹都KEEP住好味~

食得好满足, 一定会再嚟!

感谢 U9695MXchin
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年8月29日点评

慕名而来米芝莲餐厅,当然要食呢度嘅招牌菜,天天海南鸡饭,相信每一枱的人都会食。

天天海南鸡(例),海南鸡嘅份量好多,系无骨嘅鸡肉, 特别一提就系三个酱汁,姜蓉、辣酱同埋豉油,三只唔同味,但系每只味好独特,都有佢优胜之处。另外配左天天石窝鸡饭$48, 用窝上更显高贵,油饭嚟,不过啲饭有啲硬。

超级果茶,有百香果、红苹果、青苹果、 桔仔、西瓜、青柠、 柠檬、橙等等嘅生果配碧螺春绿茶。就系平时嘅水果茶,有啲酸,都系开胃嘅饮品。芒果奶昔,唔系假嘅芒果味,有啲清新,唔算好甜,不过冻d就更加好饮。

天天特式豆腐花 ,同平时食嘅豆腐花有啲唔同,好浓嘅豆味,入口好滑,好似饮紧豆浆咁,好好味嘅饭后甜品。

感谢 mycloudyblue
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文

去过天天海南鸡饭吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页