见到openrice订座有全单85折优惠，
小编梗系唔可以执输啦！
今次已经系第三次黎「柞木炭家」，
「柞木炭家」卖点系用柞木炭作韩式烧烤，
而柞木嘅特性就系耐火烧，
所以可以系保留返食材嘅原汁原味，
又可增添炭烧风味～

食物除咗单点之外，
仲有二人或四人套餐可选，更抵食呢！
我同小妹order左个二人套餐—王道（$698），
真系好丰富嘅！

和其他韩式餐厅一样，
上菜之前都会提供多款前菜，
有凉拌小黄瓜、茄子、芽菜、芝士粟米等，
最欣赏嘅系自家醃制嘅泡菜！
每枱都有一砵，钟意食几多就剪几多，
感觉更新鲜，更卫生。
食完仲可以refill，真系食前菜都够饱啦！
包肉食嘅菜都系免费追加架！

跟餐仲有一份大酱萝卜牛舌，一食就知系焖煮得好够火候，好入味！☺️
一口厚切牛舌口感丰富，肉汁丰腴，正！

⭐️是日雪下觅炙·四款部位推荐❗
一碟有4款精选牛肉，
有和牛牛胸腹肉、和牛牛板腱肉、方切和牛及韩牛牛肩肉，
一睇油脂分布尤如雪花般，就知道全部用料有几上乘！
牛胸腹肉系肋骨靠腹部内侧嘅肉，又称牛五花，肉味最浓，肉汁多，
牛板腱肉肉质细嫩，油花密布，有细密嘅大理石纹路，
口感比较油润，鲜美多汁，又不失有嚼劲～
方切和牛虽然冇specific咩部位，但依然肉嫩甘香，
牛肩肉为前腿嘅上部嘅部位，
因为呢个部位嘅肌肉比较发达，
兼附牛筋和牛筋膜令其更有口感！

⭐️黑毛猪五花肉推荐❗
上等嘅黑毛猪五花肉，
红白相间，肉嫩香口～

⭐️ 最上等牛肋骨（原味）（加配$205）推荐❗
有半节手臂咁长嘅牛肋骨，
肉嫩甘香，啖啖浓郁牛味，
口感丰富，加钱都抵食！

⭐️红虾配大墨鱼
红虾好大只，肉质爽弹鲜甜，
大墨鱼份量唔多，但胜在厚身，口感佳！

⭐️海鲜豆腐汤
泡菜汤微辣惹味，
海鲜有青口、虾，豆腐又嫩滑，不错吃！

⭐是日精选甜品
为蜂蜜蛋糕，口感松软，带着淡淡蜂蜜香气～

我地点左二人套餐，非常丰富，可以食到韩国和牛同黑毛猪，还有海鲜，仲有一食难忘的和牛西冷，最后有满足的海鲜豆腐汤和甜品，很满足的晚餐。

大酱萝卜牛舌
牛舌炆得好腍好入味，大酱味道浓郁，萝卜清甜多汁亦无筋，仲有软绵南瓜，前菜已经好好味。

薄切的牛肉，很快熟易于烧，先烧一面唔好郁住，待血水开始出黎，就可以反转烧另一面，烧到两面都有油香同转色就得，唔好烧太耐，入口的好香烧烤味同牛脂香。

韩牛牛肩肉，口感较扎实，牛肉味浓。

和牛牛腹胸肉，脂肪较少，肉质嫩又多汁，较有咬劲。

和牛牛板腱肉，入口柔软带点咬口，油脂特别丰富，所以脂香较强。

方切和牛，最多肉汁，牛脂香味扑鼻，厚切所以口感佳，啖啖牛肉好滋味。

黑毛猪五花肉，五花肉充满油脂香同弹性，烧完特别香口，用爽脆生菜、微辣带酸泡菜、生蒜片及酱料包著食，口感同味道都好丰富。

韩烧和牛西冷，最特别最吸引就系呢款由店员专人烧俾客人食嘅西冷，薄薄一片的西冷，轻轻烧数十秒，放入酱油拌生蛋黄中拌匀，再放上小饭团上，入口超级嫩滑，西冷和牛快要溶化，满口牛脂香，令人回味。

红虾配大墨鱼
超大只红虾，烧来食特别香，虾肉爽弹又嫩。大墨鱼好厚身，有两款口味，原味非常香口，好弹牙肉嫩；醃制过的大墨鱼，微辣好惹味，味道更浓。

海鲜豆腐汤
有青口及蚬肉，用大酱煮成的汤，温和顺喉好好饮，配超嫩滑豆腐同蛋黄，融合的味道更浓郁，仲有脆肉瓜、萝卜……配料，增加咬口同令味道更清爽。

是日精选甜品
蜂蜜蛋糕，香甜松软有弹性，加左蜜糖令蜂蜜味更强。

假日陪妈妈行 SOGO 周年庆，买完野行过对话就发现此店。见有韩烧好吸引就试试。餐厅环境唔错地方阔落，侍应仲安排大卡位我地坐。虽然系韩烧但抽风系统几好，食完唔觉衣衫有味。王道套餐 $698 够二人食，加 $205 有份牛肋骨间中豪下也不过份嘅。

王道套餐包括：
大酱萝卜煮牛舌、黑毛猪五花肉、红虾配大墨鱼、海鲜豆腐汤、是日精选甜品
是日雪下觅炙四款：韩牛牛肩肉、和牛牛胸腹肉、和牛牛板腱肉、方切和牛

前菜
有四小碟，韩式泡菜、菠菜、洋葱、海带。当中以泡菜爽口唔辣最为好食，伴生菜牛肉一起食唔错，泡菜仲可再添。

大酱萝卜煮牛舌
萝卜好入味，牛舌咬落爽弹，煮得唔错。

红虾配大墨鱼
新鲜红虾两只中虾大小，墨鱼片有切花刀容易烧易熟。

海鲜豆腐汤
落了唔少海鲜，青口、蚬、虾、金菇菜、洋葱碎、芽菜、翠玉瓜和豆腐配料十足，个汤好鲜美。

黑毛猪五花肉
五花肉薄片肥美爽口，肉质充满油香好味。

韩牛牛肩肉、和牛牛胸腹肉、和牛牛板腱肉、方切和牛
牛肩肉脂质少肉汁丰富。胸腹肉肥瘦交替有层次，肉味浓厚鲜甜。和牛牛板腱肉口感软嫩。

最上等牛肋骨
牛肋骨味道浓郁好大块，侍应主动帮手剪，服务贴心，

是日精选甜品
松软的蜂巢蛋糕加了蜜糖味道唔错。

高质韩食
最重要讲先：一定要叫 鳗鱼猪皮 牛舌

烧鳗鱼要成条烧到佢定晒形，接近五成熟时，就即刻煎成细嚿
鳗鱼多骨要小心呀，但真心好好食，佢嘅皮偏厚，同香港食到嘅鳗鱼系唔同㗎！

一定要讲个猪皮，其实我第一次食猪皮，同行食家话要我一定要认住呢一只样嘅猪皮只有呢一只系好好食。的确，食完第一啖就想再食第二旧，食落去唔系油腻嘅感觉，而系好黏口嘅感觉，好特别呀!!!

食得出啲牛系韩牛，真系比较有牛味，然后牛舌最好食，记得一定要叫。
其他食物例如泡菜饼啊韩牛饭都正正常常。

旺角T.O.P越嚟越多好嘢食啦！
主打高级韩烧嘅「柞木炭家」，
系全港首家用柞木炭作韩式烧烤嘅餐厅，
柞木嘅特性系耐火烧，
而且炭烧仲可以最短嘅时间将食材嘅精华锁在其中，保留返食材嘅原汁原味，
仲可以增添炭烧嘅香气～
钟意食烧烤嘅foodie唔可以错过呀！

餐厅采用全落地玻璃，装潢感觉几摩登，
环境阔落，每个座位都有独部嘅抽风炉，
食完就唔怕个身成阵烧烤味啦！
外面仲有个小平台，可以出去呼吸抖抖气。

「柞木炭家」严选各地新鲜嘅原材料，
主打高级韩牛和和牛，
选择多样化，
有猪、牛、鸡、海鲜等，
仲有唔少韩式料理，如煎饼、年糕锅、拌饭。

和其他韩式餐厅一样，
上菜之前都会提供多款前菜，
有凉拌小黄瓜、菠菜、南瓜、海带、芝士粟米，
最后梗系唔少得自家醃制嘅泡菜啦！
每枱都有一砵，钟意食几多就剪几多，
感觉更卫生和新鲜，赞！
全部都好好食，食完仲可以无限refill，真系食前菜都饱呀！

食韩烧点少得用黎包肉食嘅菜呢，
又系免费追加，全部都新鲜爽脆！

情人节成日都食西餐，
今次终于可以搞搞新意思，
韩烧都有情人节套餐啦！☺️
仲有韩牛、和牛、海鲜，
$782/两位，都几抵㖞！
菜名全部都好应节。

❤️情窦初开酱油鲍鱼
鲍鱼好入味，口感软腍，又不失嚼劲！

❤️情意绵绵牛肉稀少部位
酱油牛小排油花纹理集中且雪花均称，香浓入味，嚼劲十足。
韩牛牛柳肉香最浓！
和牛牛肋骨肉雪花纹都几靓，
油脂分布得均匀，肉质丰腴鲜味。

❤️天长地久是日精选 可二拣一，
鲍鱼配龙虾 或 最上等牛肋骨
我同小妹拣左鲍鱼配龙虾，
平日单点一客龙虾都要$198，
而家套餐包埋仲唔洗加钱，好抵呀！
因为太多牛肉，食下海鲜都好！
记住烧龙虾唔需要反转再烧，
否则调味料会掉晒入去炭炉里面。
龙虾以葱花和蒜蓉来调味，简单而美味。
虾肉又够扎实新鲜！

❤️主菜可拣天作之合 和牛咖哩饭或 一往情深 牛肉水冷面
小编最钟意食面，梗系拣水冷面啦！
水冷面配上薄肉片、水煮蛋、水梨和小黄瓜，
系好正宗嘅配搭！

❤️甜甜蜜蜜 韩国烧馅饼
第一次食韩国烧馅饼，感觉好新奇有趣！☺️
外皮煎得微脆，里面嘅花生糖馅几香口，
不错嘅体验！

❤️最后，食烧肉点少得烧酒！
仲要系小妹最爱嘅士多啤梨味呀！
衬托埋韩国士多啤梨系里面，
系完美嘅配搭呀！☺️

整体来说，
呢个情人节套餐相当抵食，
食材用料用心，
会再黎帮衬！