今日食完饭后，好想食甜品，见到广华街有呢间甜品店，望落去menu都几吸引，就入咗去食😋

经典焦糖炖蛋 ($42)
- 焦糖炖蛋几好味，焦糖脆面甜甜哋，咬落脆卜卜，炖蛋都几香滑，食落超满足
- 焦糖炖蛋上面都有啲水果配料，有芒果同蓝莓，酸酸甜甜，几开胃，同𠮶甜甜嘅炖蛋好夹

水晶仙草芋圆杯 ($48)
- 配料好多元化，有寒天水晶、仙草、芋圆、西米、脆珠，质地偏扎实，所有配料夹埋食，口感好丰富
- 椰汁底都好香甜，甜度适中，作为饭后甜品一流

餐厅内部环境都几干净，老板都几好nice，整体食得都几开心👍🏻

讲到甜牙牙相信好多香港人都唔陌生，甜品都几多选择，而我对佢最大嘅印象系大胃王挑战，超巨型班㦸🥞，食得哂就唔收钱。坐落于旺角嘅佢非常之受欢迎，happy friday night 8:30开始座无虚席，要食都要等位啊。
.
🍨益力多绵绵冰（$55）
呢一道甜品最欣赏佢配料足，由其芋圆，有紫色粉色绿色灰色，几款口味，而且食得出每一只颜色系完全唔同味道，味道突出香甜，口感烟韧Q弹；主角绵绵冰入口即溶，口感绵滑。
.
🍨仙草芋圆芒果露（$46）
芒果露嘅味道就好似芒果冰一样，配搭仙草同芋圆都几好味，不过食到后尾会感觉太甜，因为佢系冇配芒果肉，而且芒果露亦非纯芒制作。

甜品另开心指数提高。疫情下长久郁闷在家中，难得稍有好转，出街逛逛，顺便找甜品店食番啲心爱甜品，转换一下心情再抗疫。

芒果棉棉冰 $60
棉棉冰层层叠叠如丝巾，入口即溶，渗透着芒果的清香。
椰果，芒果爆珠，芒果肉粒，添加了口感。
炎热天气下是最佳透心凉的甜点。

椰汁炖桃胶 $36
曾经自家制造过多次，始终没有呢种融为一体的感觉。
桃胶，雪耳都沾满椰汁，每啖散发出椰香，甜度又恰到好处，感觉皮肤都靓咗啊⋯⋯嘻嘻！

成班朋友食完串烧 个个食到㷫烚烚🥵 一致通过下 齐齐转埸去甜品店 食清凉有劲嘅甜品 降吓温 hea多一阵
-
🍨益力多绵绵冰 ($55)
降温首选 一定系食沙冰 不过绵绵冰嘅做法 有别于沙冰 先将益力多注入并变成冰🧊 食嘅时候 用雪糕机孔啤出条纹状 成为绵绵冰 制造过程并无将益力多稀释 味道丰盈 即使绵冰融化 味道并无变淡 层层叠叠嘅绵绵冰旁边 伴有色彩缤纷嘅爆珠同椰果 芋圆味道十分齐全 有地瓜 芋头 绿茶同紫芋 成个甜品 无论卖相定系味道 非常多样化 目不暇给之余 食落透心清凉🤗 甜入心脾
-
🧇提拉米苏窝夫 ($56)
话Tiramisu系女仔嘅知己良朋 并不为过 心形窝夫上 有经典手指饼 淡忌廉同可可粉 招牌提拉米苏风格 切一旧窝夫连手指饼 点上忌廉可可粉 再放入口中慢慢咀嚼 但觉窝夫软绵绵 手指饼松化 忌廉香滑 女仕们嘅小确幸 纵宠一下自己又何妨 🥰

喺旺角附近食完dinner揾咗间糖水舖食甜品～

油麻地呢边好多糖水舖～我地拣咗呢间甜牙牙

餐牌有几页都系窝夫类～
仲有好多都受欢迎嘅甜品例如芋圆、绵绵冰可以嗌，好多都好吸引～

嗌咗朱古力窝夫派对

呢个窝夫好丰富！有朱古力雪糕、云呢拿雪糕、忌廉、朱古力脆球、曲奇饼碎同杏仁片😛

窝夫外面仲脆嘅～外脆内软，入面都实心嘅唔会空气咁
配埋cream或者雪糕食好夹～唔会腻
仲有好多配料，食落口感好丰富，好满足

我地两个share食啱啱好～ 一个人应该食唔哂