Leb eat

旺角食晚饭，T.O.P商场间餐厅，搵厨师发板唔使头痛。

先呢两只生蚝

朱莉美国生蚝 清甜可口

黑珍珠 纽西兰生蚝 略带咸味

百香果 ，清润香口，人见人爱，女士最喜欢，男士，白酒一杯餐饮，慢慢唔使急。

海胆多士，见到个海胆已经好想食，因为丰丰满满，睇唔到件多士，食落真系好有意思。

章鱼烩饭，意大利式烩饭，用章鱼真系好味 ，烟韧入口，会饭香口。

伊比利亚猪肉架 ，呢件猪架，好大件少个人，都食唔晒 ，好彩都慢慢叹，可以装得落，好饱好味，值得回味。

 巧克力球配生姜 ，呢个好特别，上台慨时候 ，好多烟霞， 再加埋啲朱古力配生姜，真系有苦有辣有黑有白。

愉快一餐回归自然。

旺角大多数餐厅都好逼夹，Lab Eat就系例外，环境宽敞舒适，坐得好舒服㗎！三道菜午餐定价合理，百零蚊就有交易，好适合同朋友嚟叹个lunch倾吓计！

是日沙律
估唔到辣酱可以配沙律，有创意！酸酸辣辣几开胃，沙律菜新鲜，烤肉唔太肥唔会腻，好有泰式风情！

酥皮焗威灵顿三文鱼及温泉蛋
威灵顿牛扒就食得多，三文鱼就第一次。金黄色嘅酥皮颇松脆，一上枱就要即刻食，淋晒就嘥咗！要赞下酥皮同馅料卷得好实，切开唔会散。如果三文鱼厚身啲就更好！

炭烧美国安格斯肉眼牛扒
唔知有冇人同我一样都觉得有网纹烤痕嘅牛扒特别吸引？外国进口嘅Rib Eye脂肪丰富，鲜嫩多汁。五成熟啱啱好，唔需要花巧，点少少岩盐就能够带出鲜味！

绿茶海绵蛋糕 / 黑白朱古力二重奏蛋糕
呢度嘅自家制蛋糕唔会太甜，两款都好啱我口味！个人比较钟意前者。上面嘅butter cream质地软滑，加埋红莓脆脆好refreshing，如果蛋糕松软啲就perfect！

一于下次夜晚黎试吓泡泡鸡尾酒！

门外有很多圣诞装饰，见到圣诞装饰心情都开朗点。

炭烧美国羊扒配薄荷酱
家姐点了羊扒与我分享，五成熟的羊扒充满了肉汁，羊味香浓酥酥的，点些旁边配搭的薄荷酱，甜甜地，又是另一种口味。

炭烧美国安格斯肉眼 | 另加$78
点了同是五成熟的肉眼扒，肉眼扒好大块，烧烤纹清晰，肉眼扒下有几块翠肉瓜。牛肉质地软腍，不会过熟或韧。

薯条 | +$38
薯条热辣辣炸起，粗薯条十分有口感，而且食到啖啖薯蓉，点一些凉凉的茄汁，不会太热气，而且份量够多，两人分享刚刚好。

姜味红茶布甸
布甸是红茶味道，味道清香，旁边一粒粒的是姜粒，配搭起来很新颖。

比利时朱古力蛋糕
朱古力味超浓郁，不会太甜，偏近似黑朱古力味道，而且口感较实，似湿润的布朗尼，是我爱的甜品口味。

餐厅服务员有礼，环境十分舒适，有圆形梳化位，客人自成一角，环境够静，而且有落地大玻璃窗，充满了阳光，是聚会食饭的好地方。

「海胆多士」
用左加拿大海胆，份量一啲都唔吝啬
质感较结实，食落好实在
而且够新鲜
配埋蒜蓉多士一齐食，正

「新鲜生蠔」
只生蠔超大只呀❤️
仲系我最钟意既爽口质感

「Swiss Cheese Carbonara 」
芝士丰富到挂到每一条意粉
意粉煮到好有弹性
呢款芝士完全无腻既感觉

「西班牙黑毛猪架」
猪架好厚肉，但一啲都唔鞋！
肉质好嫩滑
旁边有个苹果蓉酱，
不过我比较钟意食原味

食生蠔当然要配白酒先最perfect❤️❤️

话说同朋友喺旺角买完嘢，谂住去附近揾食，咁啱行过T.O.P.商场，见个set lunch几吸引，每人叫一个慢慢叹 听闻哩度既signature drinks都好有特色，一于下次dinner timer嚟饮先
·
☆ 炭烧美国极黑猪鞍伴山芋紫薯蓉 HKD$188
猪鞍size大过我只手掌，仲好厚肉 肉质软腍得嚟几有弹性，唔错的。而伴碟既竟然系新颖组合 山芋紫薯蓉，一口打得化开既紫薯蓉搭配一口猪鞍肉，感觉几特别
·
☆ 炭烧美国安格斯肉眼牛扒300g HKD$188
午餐食肉眼扒感觉好奢侈 5成熟既肉眼扒 ，生熟程度辣得刚刚好，切开仍有血水但食落唔会好生，如果加多杯红酒一齐食应该会好perfect
·
LAB EAT Restaurant & Bar
旺角 弥敦道700号T.O.P. This is Our Place 5楼502号舖