又有一段日子冇黎食饭，老公话好挂住D台湾面，于是今日就黎食番个牛肉面!

虫草花杞子鸡汤饭

睇MENU见到有新野，系养生既虫草花杞子鸡汤饭!制作需时所以等左20分钟先上台，一黎到系见到一大碗汤~搅下佢，入面真系好足料，虫草花数量都几多~鸡件食落唔鞋口亦冇雪味，将一匙饭加汤一齐食~又暖胃又满足!

凉拌猫耳朵、上汤浸时菜

另外加$15配埋凉拌猫耳朵同上汤浸时菜~清清地好健康，凉拌猫耳朵酸酸甜甜好开胃，只系加$15有呢个配撘非常之抵!

三盛牛肉面

牛丸、牛腩同牛展呢3盛配埋弹牙既台湾面真系冇得输，牛腩唔会痴牙，牛展大执又够厚，真材实料!

牛肉浓汤水饺

呢排热气唔敢食煎炸野~清清地食个牛肉浓汤水饺作为小食就最岩!水饺Size适中~肉馅鲜嫩，浸汤食一流!皮唔系薄款但咬落有种烟韧感，同肉馅配撘十分得宜~

仙草草莓茶、十胜红豆奶茶

两杯特饮仙草草莓茶同十胜红豆奶茶各有出色之处~仙草草莓茶清新又唔会有药水味，甜甜地女仔好岩饮~十胜红豆奶茶红豆蓉同奶茶融合，红豆既甜同浓郁既奶茶配撘得天衣无缝!

寻日突然好想食台湾菜，听一位住将军澳嘅朋友介绍呢间嘅台湾菜好好食，于是专程去食。去到门口见到好多人等位，本身差啲想放弃，但谂起喺香港多人食嘅野食多数无伏，所以就等左一阵位再入去食啦。

秘坛酸菜鱼米线 $68
首先一定要讲讲酸菜鱼嘅份量，以$68嘅价钱，佢嘅份量真系物超所值，女仔应该唔会食得晒，所以真系好抵食。汤底有少少辣味，加埋酸菜就系酸辣汤啦，鱼好滑同埋唔会有鱼骨，越食越开胃，越食越爽。

腱心牛肉面（地狱汤底）$63
牛肉面我哋叫咗地狱汤底，辣得好香，偏向麻辣，但辣得又唔会太油。好耐无食过咁辣嘅野食，辣得好爽。

盐酥鸡排 $38
盐酥鸡排炸得好香，味粉唔会太多，所以唔会好咸，炸皮亦唔会太厚。鸡排肉滑嫩。

蕃茄浓汤水饺 $28
蕃茄汤好浓好香，好想成碗汤饮晒佢，饺子系白菜猪肉饺，啲肉好浓猪肉味，好夹酸酸哋嘅蕃茄汤。

黑糖仙草冻鲜奶（少甜少冰）$24
加配饮品有得减$5，所以我地两个都加左饮品。食咗咁多辣嘢，叫番杯黑糖仙草冻鲜奶解解辣就最啱。

芝士奶盖玫瑰茶（微甜少冰）$23
奶盖奶味较重，好香好滑，玫瑰茶有种甜蜜香嘅味道，两者几夹。

果然多人等位系有原因嘅，食完我都觉得值得等位，大件夹抵食，又好食。

遇上桂花真系小确幸 😍
休闲的星期日，继续寻找美味好食的台湾料理！排队等位10分钟，终于有卡位坐非常开心！墙上布置简洁精美 🌟
食物美味，服务态度很好👍🏻
特饮准备一个外卖杯，随时饮唔哂可以带走，非常细心 💖

想吃台湾食物，不一定要飞去台湾吃的，近近地将军澳站便能吃了👍

小食是点面及饭加配的，15蚊便能有两样，很抵吃👍手拍小黄瓜,凉伴猫耳朵,凉伴黑醋茄子,款款份量也不少，绝对超值

椒盐花枝丸，很浓郁花枝味，充满台湾味

特盛红烧四宝面,有猪手，牛肉，卤蛋，白萝卜，菜及花枝丸配台湾面，真的是大集会，很满足的一碗面!猪手炆得冧软的，充满骨胶原!牛肉味浓郁，香萝卜滑嫩无渣!

虫草花杞子猪肚鸡汤饭,鸡肉很嫩滑，猪肚也干净冧软，汤头有点像肉骨茶，好味

黑白珍珠豆乳，是豆浆冲的珍珠鲜奶那种，味道也不错，多了豆香味，珍珠冧软QQ

夏日水漾鲜果茶,很清凉的一杯饮料，看得见的水果，感觉较健康

今个冬天实在是冻，加上疫情，所以留在将军澳区揾食，又来到将军澳广场时常人头涌涌的台湾菜餐厅，入内看看桌号到收银处点餐，送餐都算快的。

点了冬天暖笠笠之选-胡椒猪肚汤饭，胡椒味道浓郁，猪肚片亦几多，加上咸酸菜捞饭吃，开胃又暖胃，正！还点了一个三宝面线，这次选的是清汤，比较清淡，也不错。跟餐可加配小食，当然选了最喜欢的紫菜肉丸汤，紫菜多又好饮，必选。另外，还加了一客四只的煎饺子，煎饺子煎得金黄香脆，料亦充足，很好味！