很久没有来几军澳了，这次在附近玩乐后有点饿了，在觅食期间发现这家店舖。看到环境装修挻舒服，藉著晚市未开始，就快快进去吃东西吧🙈。餐牌上有多款食物选择，还有很多台式小吃和甜品供应🤩。

💥现做煎饺子 / 蕃茄浓汤饺子 HKD$28，这一份有四只，有数款不同口味的煎/水饺选择。煎饺子外皮脆脆的，口感烟韧🙈。蕃茄浓汤味道酸酸的很浓郁，饺子大粒肉质不错，而且外皮不易穿挻好。

💥红烧半筋半腩牛肉面 HKD$64，这个可选择汤底和辣度，选择了麻辣中辣。汤底味道浓郁，而且闻到强烈的辛辣味😍。牛肉肉质腍身，牛筋口感烟韧爽口😚。面质软硬适中，整体味道不错的。

💥椒盐花枝丸 HKD$42，这个一份有五粒，金黄色的卖相吸引🙈。这个口感丰富烟韧，里面的墨鱼肉挻多的。味道咸咸的很惹味。

💥紫薯黑糖冰仙草 HKD$35，饭后当然要来个甜品，这个满满材料的甜品，味道甜而不腻，跟朋友分享来吃是不错😆。大大粒的紫薯，配着黑糖珍珠口感更丰富🤤。再吃个仙草既消薯又透心凉。

另外我们点了热黑糖珍珠鲜奶和冻金牌咖啡，这两款也有跟餐加购价。两杯饮品味道香浓，味道不会太甜😆。食物质素不错，跟餐还可以加购小食/升级饮品，性价比不错。

今次帮衬左一间台式店铺《桂花小幸》💛,觉得真系几好食👍🏻想推介比大家💁🏻‍♀️果晚我地大约7pm到,但都要等一阵位先有得入,店铺唔算大,但系地方都干净同舒服😉当然入去前都系要量体温同写纸仔😷

店铺入面装修都令人舒适,有种小清新既感觉🥰
留意番依度系自己系位睇完餐牌再出去收银度落单比钱,所以记得出去前望一望自己系咩枱号⚠️

落完单之后大约8-10分钟内都上餐,餐就唔洗自己拎,会有职员拎比我地😉

今次我地嗌左两个晚餐定食再加一个小食🤤:

🌀盐酥鸡排卤肉饭定食 🐔$76
因为我同老公都好中意食盐酥鸡排,所以依个系我地食台湾野多数必点既🤣佢个盐酥鸡排真系好正😍唔会好厚粉,好酥香,鸡扒醃得入味,重点肉质嫩滑,唔会「鞋」👍🏻配埋个卤肉饭食真系好惹味,个饭仲要系用我中意食既珍珠米饭😍所以我会加分推介🤣

因为系定食所以配埋汤同菜,汤唔系一般既味精餐汤😏而系原盎炖汤,果晚我地系红萝卜椰子鸡炖汤🥕🥥🐓,都几足料,清甜👍🏻而菜就系上汤娃娃菜,无咩特别,但够味唔会系水煮菜咁😉

我觉得个定食份量真系好足够,如果我一个人食唔洗额外再叫小食都好饱🤣

🌀煲仔.塔香三杯鸡定食 $88🐓
因为三杯鸡系台湾名菜,所以我都想试下依度好唔好食🤤可能系要即煮,所以餐牌都写明要耐心等候,但其实我都唔算等好耐😉

卖相几吸引,因为配料有洋葱同九层塔,所以系好香😍鸡既肉质虽然无盐酥鸡扒咁嫩滑,但系都够入味👍🏻𩠌饭一流,如果有多D汁就更好😂另外都系配原盎炖汤同上汤娃娃菜😎

🌀麻辣红油水饺（4件）$28
我地额外叫左依个小食,中意食辣既我都觉得够哂辣🌶🌶但我老公就食唔到觉得太辣😂所以食唔到辣既朋友就要留意🤣

由于我地定食已经有汤,所以系无包野饮既,但可以加$6/$8加餐饮,但我地觉得食得台湾野当然唔少得饮台式特饮💛佢地有得选择加配茶研社既特饮😍😍仲有得正价减$5‼️😎

所以我同老公就叫左两杯特饮：
🌀涷香浓珍珠奶茶🧋(原价：$22）
🌀热日式红豆抹茶🍵(原价：$26）

佢地茶研社特饮系外卖杯上既,我觉得几好又可以饮唔哂拎走,唔洗迫自己要赶住饮👍🏻想赞下个热饮杯好靓😂

其实餐厅外有个茶研社饮品既小卖部,所以有时如果唔系食野但想买杯野饮,都可以系外面买🧋

总括一下先,想食饭倾下计又坐得舒服,我觉得将军澳依间《桂花小幸》都系一个唔错既选择🥰

食物方面,有好多唔同既选择(我下次去会试下佢个红烧牛肉面或特浓蕃茄米线因为见隔离枱都食得好滋味😎）,食物质素都唔错,但价钱合理,份量都好够👍🏻仲有唔洗加一😉

所以如果大家想食下台式野,真系可以去试下😉
推介比大家💁🏻‍♀️💁🏻‍♀️

最近转到去将军澳区出没， 这里很多商场 ，可以在这里尽情shopping， 趁聚百货公司特卖日， 但要来这里就凑热闹。 不经不觉已经到了晚饭时间， 在商场逛逛 搜寻 有什么好吃的餐厅。

这间台式餐厅很多人等候， 应该会是不错的选择， 幸好只是等了十多分钟便有位。

原盅炖汤定食套餐：
盐酥鸡扒 卤肉饭🍲🍚
上汤浸时菜🥗
清润苹果🍎合掌瓜雪耳无花果汤🥄
超值套餐之选， 炖汤非常清润顺喉， 雪耳清爽爽滑， 汤头渗出淡淡苹果清香， 无花果的鲜甜味道， 非常清润保湿。

盐酥鸡扒份量不少， 炸到金黄色脆卜卜， 鸡扒醃得够味， 卤肉饭香浓美味， 但是肥肉会比较多， 女士们又爱又恨😂😂

红烧牛三宝面
(牛筋+牛腩+牛肚）
面质烟韧弹牙， 吸收了汤头的精华味道， 牛筋够淋 又够滑， 牛腩份量十足， 金钱肚可以再淋啲啲就更加好。

现做鲜肉饺子
台南 手工馅饼
两款小食都系啖啖肉好多馅料， 外皮香香脆脆， 馅料充满肉汁， 点辣酱就更加好食。

夏日水酿鲜果茶
水果茶清新爽口， 充满了不同的水果， 香橙🍊火龙果😀蓝莓🍇 草莓🍓柠檬🍋。

脆脆阿华田
浓浓的朱古力味道， 非常香甜顺滑， 上面铺满了oreo朱古力饼。

又有一段日子冇黎食饭，老公话好挂住D台湾面，于是今日就黎食番个牛肉面!

虫草花杞子鸡汤饭

睇MENU见到有新野，系养生既虫草花杞子鸡汤饭!制作需时所以等左20分钟先上台，一黎到系见到一大碗汤~搅下佢，入面真系好足料，虫草花数量都几多~鸡件食落唔鞋口亦冇雪味，将一匙饭加汤一齐食~又暖胃又满足!

凉拌猫耳朵、上汤浸时菜

另外加$15配埋凉拌猫耳朵同上汤浸时菜~清清地好健康，凉拌猫耳朵酸酸甜甜好开胃，只系加$15有呢个配撘非常之抵!

三盛牛肉面

牛丸、牛腩同牛展呢3盛配埋弹牙既台湾面真系冇得输，牛腩唔会痴牙，牛展大执又够厚，真材实料!

牛肉浓汤水饺

呢排热气唔敢食煎炸野~清清地食个牛肉浓汤水饺作为小食就最岩!水饺Size适中~肉馅鲜嫩，浸汤食一流!皮唔系薄款但咬落有种烟韧感，同肉馅配撘十分得宜~

仙草草莓茶、十胜红豆奶茶

两杯特饮仙草草莓茶同十胜红豆奶茶各有出色之处~仙草草莓茶清新又唔会有药水味，甜甜地女仔好岩饮~十胜红豆奶茶红豆蓉同奶茶融合，红豆既甜同浓郁既奶茶配撘得天衣无缝!

寻日突然好想食台湾菜，听一位住将军澳嘅朋友介绍呢间嘅台湾菜好好食，于是专程去食。去到门口见到好多人等位，本身差啲想放弃，但谂起喺香港多人食嘅野食多数无伏，所以就等左一阵位再入去食啦。

秘坛酸菜鱼米线 $68
首先一定要讲讲酸菜鱼嘅份量，以$68嘅价钱，佢嘅份量真系物超所值，女仔应该唔会食得晒，所以真系好抵食。汤底有少少辣味，加埋酸菜就系酸辣汤啦，鱼好滑同埋唔会有鱼骨，越食越开胃，越食越爽。

腱心牛肉面（地狱汤底）$63
牛肉面我哋叫咗地狱汤底，辣得好香，偏向麻辣，但辣得又唔会太油。好耐无食过咁辣嘅野食，辣得好爽。

盐酥鸡排 $38
盐酥鸡排炸得好香，味粉唔会太多，所以唔会好咸，炸皮亦唔会太厚。鸡排肉滑嫩。

蕃茄浓汤水饺 $28
蕃茄汤好浓好香，好想成碗汤饮晒佢，饺子系白菜猪肉饺，啲肉好浓猪肉味，好夹酸酸哋嘅蕃茄汤。

黑糖仙草冻鲜奶（少甜少冰）$24
加配饮品有得减$5，所以我地两个都加左饮品。食咗咁多辣嘢，叫番杯黑糖仙草冻鲜奶解解辣就最啱。

芝士奶盖玫瑰茶（微甜少冰）$23
奶盖奶味较重，好香好滑，玫瑰茶有种甜蜜香嘅味道，两者几夹。

果然多人等位系有原因嘅，食完我都觉得值得等位，大件夹抵食，又好食。