秋风起，除左三蛇肥，大闸蟹都爆晒膏
蛇我无兴趣，大闸蟹就劲钟意
见到利宝阁$488 任食大闸蟹，唔洗就住就住想食几多就几多
一个人闲闲地都食4-5只啦，紧系任食抵

呢到$488除左任食大闸蟹，仲有花胶汤、鲍鱼花菇、片皮鸭、糯米饭等等
非常丰富，仲有5-6款甜品真心抵

螺头花胶炖汤
非常非常足料个汤望落好清，有少少鸡油
饮落好咸香，鸡汤味道够浓，又唔油腻
汤料都好入味，不过食左少少咋废事顶肚

蠔皇鲍鱼花菇
鲍鱼口感几软腍，鲍鱼味好香，配上个蠔皇酱绝配
花菇出乎意料地香，大大旧，唔错

片皮鸭系我至爱
酒楼现场即刻片，包皮用蒸笼蒸住，又热又烟韧
劲受欢迎，次次一出大家都出去排队拎
不过酒楼都有keep住出，我都拎左几round

配料有青瓜 大葱 同片皮鸭酱
食落鸭油充斥口腔，肉质软滑，鸭香味浓
大葱又香又浓，青瓜带番一丝清新
配埋个酱味道浓郁，外皮够咬口
整体非常满意

主角大闸蟹，有花雕蒸、清蒸同埋盐油焗 三款
满足晒我既需要，唔洗惊食死一个味 好易漏

个人最钟意盐油焗，食落有少少盐焗既香味
咸咸地同时又可以提到鲜味，食落比起清蒸更香口
大闸蟹上菜好快，唔会拖，所以一转叫几只就好
叫太多冻左就唔好食☺️
Size都唔细，公乸都有，我地食到比较多公
膏虽然比乸少，但有公蟹独有既啫喱
浓稠黏口，配上浓香蟹膏，超级正！
蟹肉唔算非常多，但蟹肉唔系主角
基本上我地叫只只都系爆膏

黄油味美，蟹膏味浓
真心好好食拆开满满蟹膏，一口咬落去极之幸福
个人最钟意酒楼放既8年太雕醉蟹

唯一既冻蟹食落更加鲜甜，入口系浓浓太雕酒香
酒味浓郁，又同时更加带出蟹肉鲜味
我地每人食左5只已经好饱
但见到酒楼有秋冬必必蒸糯米饭，又忍唔住整左碗

卖相非常吸引，入口香绵软糯
糯米咬落好烟韧，味道浓香，配料都几多
有虾米、爉味等等，成个口感味道都好丰富
另外酒楼仲有好多甜品
有桂花柚子糕、姜汁千层糕、黑糖蜂巢糕、杨枝甘露、雪糕等等

其实全部甜点都出乎预期地好食
祝其杨枝甘露我饮左5-6碗
因为够甜，但唔会过甜
柚子咬落多汁、淡淡柚子香，但唔会苦涩
芒果一啲都唔酸，西米亦好爽口弹牙
忍唔住encore

整体全部既质素都系水准之上
以$488黎讲真系超抵，物超所值
好过用几百蚊买几只又要自己洗自己整，质素仲唔一定有保证

#cassiegotst
-
近年香港有好多各式各样嘅放题，岩哂样样都想试啲嘅香港人。而瘦编系一个好钟意饮茶嘅人黎，因为中式点心真系好好食，今次就俾我发现左依间系尖沙咀嘅高质粤菜放题。
-
首先，佢嘅地理位置好方便，位于尖沙咀The One 17楼，饮茶都可以对住个无敌大海景真系不得了。重点当然要讲下食物，总共有6款点心纸。我最钟意食猪脚姜同萝卜金钱肚，两款都煮得好淋好入味，叫左几次，一碗绝对唔够。
-
时间由即日起星期六﹑日及假日午市上午11时至下午4时。精致菜式总共有成五十多款，依家去食每位仲送原只鲍鱼酥及足料花胶灌汤饺。另外仲有其他抵食美食，包括苹果叉烧酥﹑荔蓉蜂巢带子﹑百花烧卖皇﹑XO酱煎肠粉﹑酥皮焗叉烧包﹑猪脚姜﹑北海道十胜红豆雪糕脆麻花﹑奶皇流沙包﹑香芒布甸﹑奶皇煎堆仔﹑杨枝甘露﹑暗然销魂饭﹑笼仔飘香荷叶饭﹑杨洲炒饭﹑沙田鸡粥等等，听到都流晒口水呀。
-
味道评分▶ (4.5)
抵食评分▶ (4)
回购评分▶ (4)
-
➡ 利宝阁 (尖沙咀)
尖沙咀弥敦道100号The ONE 17楼
-
IG: cassiecwy/ cassiegetfat

好钟意去观塘觅食，贪佢选择够多之余价钱又唔系好贵，但就已经可以食到好多好高质嘅餐厅。今次呢一间占地好大，骤眼睇都有百几200个座位。而且一入到去侍应嘅服务好贴心，会主动行埋你问你哋需要啲乜嘢，加咗好多分呢间就系我去过几次既【利宝阁】啦，粤菜任食放题！有埋「北京片皮鸭」好开心，食完棒住个肚仔走呀...

【利宝阁】「京式片皮鸭和美国谷饲牛柳」任食任点放题
逢星期一至日及公众假期，时间为18:00 - 22:00 (自选2小时)。
价钱：星期一至四：成人$278 (2位起)，小童$139 / 星期五六日及公众假期：成人$298 (2位起)，小童$149
呢个价位，见到妈咪食得咁尽兴，同屋企人黎食佢地真系会好开心，因为日式放题真系可能有D野唔太岩佢地食呢。

系门口就见到师傅手起刀落，拿着只片皮鸭系到片肉， 即烧即片见到都想食，【利宝阁】环境一如概往既阔落呀，店员好快咁安排我地份座后就出去拎野食同睇下点心纸有咩拣啦。

超过50款点心、小菜、粉面、甜品任点任食，不论煎、炒、煮、炸、炆、烤，每款都即叫即做！仲有北京片皮鸭、美国谷饲牛柳任食，超丰富呀！净系听到咁多野都已经知道好抵食！下单纸有好多唔同既特色美食可点选，会心大心细咩都想试。

入座后每位奉送一盅极品佛跳墙和上虎虾天使面。
极品佛跳墙，汤味阵阵肉香，精华出晒黎，入面既料都多，料馅又够腍身，唔怕消化唔到。

而上虎虾天使面，虎虾甘香软滑，肉质鲜甜。天使面都好入味。

北京片皮鸭以地道做法制成，皮脆肉嫩，油香满溢，配搭自家制烟韧饼皮及青瓜、京葱、京酱，香口美味！

美国谷饲牛柳，牛柳真系几厚身下但煎炒完都够嫩滑，一口咬下，啖啖脂肪香味，我地两个女人仔都食左好多件，非常惹味。

另一吸引我地就系呢三样...石岐烧乳鸽，烧得香脆肉嫩，一咬肉汁立即喷出，十分Juicy。脆皮烧腩仔 肥瘦适中，外皮烧得香脆。黑毛猪豚肉叉烧都一样肥瘦得宜。正呀！

仲有好多小食，有咸菜胡椒猪肚、红油抄手、金菇肥牛卷、黄金虾、玻璃咕噜肉、芝士年糕、芝士虾丸、煎酿尖椒、水煮鱼、美味榄角骨及猪脚姜也是人气之选。
.
喜欢咸菜胡椒猪肚，咸菜不会太咸，猪肚爽口烟韧同埋玻璃咕噜肉绝对系会爱上既菜式。

金菇肥牛卷：好吃又好看，金菇肥牛卷是不少人喜欢的小食，既能够尝到肉，又可以食到菇类。剪得够香口。
黄金虾：黄金虾炸得脆口，带有阵阵的咸蛋黄味，加上新鲜的虾， 味道非常配合，令人忍不住食完一只再接一只。

炸物种类也很多好似点心咁都有，就好似迷你软壳蟹盖、脆皮炸虾饺、椒盐脆皮鸡翼、避风塘肉蟹、红枣糕、炸春卷、凤爪、虾饺等等。
.
椒盐脆皮鸡翼： 金黄色的鸡翼经椒盐调味后极之惹味，让人吃不停口，不论是作为家常菜或佐酒小食都一流！
迷你软壳蟹盖：虽然入口蟹味不重，但口感丰富滑溜，香味四溢。脆皮炸虾饺，相当脆口，而虾肉嫩滑爽口。

甜品方面有上次食过既北海道抹茶包、棉花云十胜红豆冰、奶黄西米挞、迷你紫薯、曲奇饼、榴梿布甸、杨枝甘露等等、榴梿布甸、脆麻花雪糕 。
.
北海道抹茶包Encore左，因为好香浓好吃，入面既莲蓉都好多，好彩唔太甜冇盖过个味。麻花就好肉上次咁，唔脆又唔够松脆，配上口感幼滑的雪糕，口感上真系更有层次，一般吧！

奶黄西米挞、榴梿布甸及杨枝甘露好好食！
奶黄西米挞：港式味道，奶黄西米挞是我小时侯回忆。虽然味道一般较甜，但呢个配搭冇得输呀！
榴梿布甸：榴梿布甸奶香味浓，入口即溶，榴梿肉一梳一梳好味至极！ 榴梿迷岩晒呀～

楼底够高成晚都坐得好舒服，环境上又唔会好嘈，相对食得比较放慢一点。之前个次点心放题同爸爸食完，今次晚市同妈妈，两个都带过黎食都话好岩心水，太好了！！【利宝阁】集合多元化的高级粤菜，入面既菜式绝对唔马虎。相信你嚟食都唔会失望呢。仲有仲有，虽然系两个钟但过左基本上唔会赶客走...Nice!

大闸蟹秋节，利宝阁全线分店又推出仼食大闸蟹，订座都不容易。
入座起计两小时仼食，随了大闸蟹之外，每人都有一份鲍鱼送，很扺食

今次去The ONE 的利宝阁食中式自助晚餐，去到几旺场热闹都几多人食，
刚好是片皮鸭牛柳粒主题的放题,全部都是即叫即做,餐纸50款任点任食的中菜,
及2款每位各一份的大虾天使面及佛跳墙
环境就是一个开扬的婚宴的场地,仲有海景睇,店内灯光柔和有调,座位亦宽敞舒适，
餐厅自助晚餐提供的食物款式很多，花多眼乱，不错的是片皮鸭熟食和甜品都同样出色
.
仼食自助放题,战线极长,我1900PM入可2100PM先完毕,可以慢叹而食
.
*佛跳墙
足料鲍鱼花胶香菇,味道香浓丰富,相信煨制时间不短有火喉
*大虾天使面
虾的体积绝对是几大只,味道很鲜甜,天使面忌廉Creamy香滑
*北京片皮鸭
烤鸭只只色泽都好靓，即烤至透嘅鸭胸皮，油香满溢，配上饼皮热辣辣食就最好呢
*香煎牛柳粒
牛柳粒很松软和嫩滑，味道仲很惹味，最好叫碗饭食喇~
*避风塘肉蟹
避风塘香蒜辣椒粒甘香抢口，蟹肉结实甜美，鲜度称心
*玻璃咕噜肉
咕噜肉外皮酥脆，内里鲜嫩，味道酸甜可口
*五香牛展
牛展被炆至软绵容易入口，咀嚼一点也不费力，五香料较重
*瑶池贵妃鸡
鸡肉酥嫩,酒香扑鼻，而且唔会好肥,不错
*甜品 杨枝甘露 榴梿布甸
比较突出的是 杨枝甘露,味道带微酸, 芒果味道清甜,柚子微酸开胃,叫了6-7碗,质量不错~
榴梿奶冻，布甸够滑清新，榴梿香浓香浓可口,香浓与清新感互相冲撃味蕾~ .