由于疫情之下，大家都注重卫生，进店量体温、搓手已成日常，这家店还有给员工防疫指引，亦会用热水消毒碗碟，令我们食得放心。
这里的菜单是非一般的菜式命名，有点令人想入非非，开怀大笑。汤底点了玲珑浮凸花胶鸡汤锅，这个鸡的份量很大，花胶份量亦毫不吝啬，汤也很鲜甜。大滚友牛肉拼盘有9款牛，包括贵价的飞驒和牛，一次过满足吃不同种类的贪心。拼盘像一个花篮的布局，还把牛舌片拼成了花的形状，卖相实在大精美。黄金响铃是这里的名菜，必吃无疑，是将响铃加咸蛋黄，新鲜即炸，香口到吃个不停。饺子当中，我最欣赏鲜甜味美的蟹黄饺和菇味浓郁的黑松露蟹肉饺。三款滑捋捋的鲜打滑都弹牙入味。厚切午餐肉不是直接在罐头切出来的模样，而是炸好才上桌，就连这些细微处都很用心，值得一赞!
最后还送我上甜品，这一顿火锅真的吃得很满足啊!
1 - 5 条点评，共 166 条
特色卜卜蚬锅（$188）
清清地辣辣地，都有啲似猪骨汤底味，味道几啱打边炉，仲有埋蚬食。
.
酒香花雕浸牛展（$118）
牛展肥瘦适中，牛味香浓，散发清香酒香，不过其实碌咗落个锅里面呢，个味就已经清得七七八八。
.
牛舌片（$118）
牛舌卷埋成为一个玫瑰状，卖相100分，质感都好爽，同样牛味香浓，好食。
.
牛骨髓（$58）
.
蟹黄饺（$98）
蟹黄饺蟹黄味相当浓郁，粒粒馅料十足，几实身。
.
即炸黄金响铃（$68）
黄金响铃即系咸蛋响铃，碌2秒，食落脆卜卜，条条都好多咸蛋，咸蛋味出，超正！
.
紫菜腐皮卷（$68）
极度推介！！大大旧，紫菜同腐皮都相当多，层次感丰富，外皮趣卜卜内里笑呵呵，绝对食到笑哈哈，加上唔系好多地方有得食，真得一叫。
.
鸭血（$58）
.
天地1号（$18）
.
餐厅够干净，会系客人面前用滚水烚啲餐具消毒，而且有湿纸巾同酒精搓手液提供，几卫生。
已经有半年无出街打边炉😩近日终于按耐不住去咗「大滚友」围炉🤩
呢间火锅店除咗装修和食具骨子外，火锅汤底都有十几款❤️配料选择又多❤️之前间中都有帮衬！疫情期间，火锅店除了有晚市全单78折优惠外，更为每位食客以热水清毒食具，并派发独立包装酒精搓手液及「怀有龙种」湿纸巾，好正😂😂........确保每位食客食得安心👍🏻
👅玲珑浮凸·花胶鸡汤锅（半只$288）
咁耐无嚟，当然点返个我最钟意嘅花胶鸡汤底回味啦😋
中式龙头锅配金黄色鸡汤已经吸睛😍再配同花胶及鲜鸡件就更吸引😍但店员急不及待将所有花胶放晒入锅，嚟唔切相机先食🤦🏻♀️
乜都唔好食住，最紧要饮返碗汤滋补吓先😋增生返多啲骨胶原😆真心想问老板，汤底究竟用咗几多只鸡熬煮，点解可以咁鲜甜！？......结果每人饮咗2碗汤先开始久违嘅烚吓烚吓😆
值得一赞嘅系火锅店会不断为火锅添加浓浓嘅鸡汤，而唔会似一般火锅店好hea咁加水，所以味道绝对唔会变淡，反而随着加添其他配料后，汤底只会更浓更滋味🤤
👅牛胸尖（$108）
朋友嘅最爱，略略灼吓就食得，口感好弹牙，比牛肉更重牛味，朋友果然识食👍🏻
👅西班牙黑毛猪（$128）
每次都必点，而每一次都无令我失望👍🏻肉和脂肪的比例均匀，肉味浓之余又爽口弹牙，肉切得薄身，灼一阵就食得🤤正👍🏻
👅手打鲜牛丸（四粒$68）
真系以新鲜牛肉搓成牛丸，但味道及口感一般，无乜惊喜🤷🏻♀️
👅美浓水莲（$58）
喺台湾就食得多，但喺香港就好似冇乜地方有得食，就算之前嚟过几次打边炉都无呢款菜，依家有得食就梗系必点啦🤩
水莲被扭成一条粗辫，再配同一把金铰剪上菜，卖相几特别🤔落锅时要自行将水莲剪成小段✂️口感一如以往食过嘅香脆爽口，依家无得去台湾都有得食真系好开心😌
烚吓烚吓点可以无冻饮㗎，所以就点了🍺ASAHI生啤（$78）及🥤可乐（$18）Gur一Gur啦💨
最后我哋2条友饮咗n咁多碗汤，又食晒所有花胶及鸡件，差啲食唔晒其他火锅配料，真系饱到晕😅
今日同朋友庆生，岩岩好4个人冇过限聚令，咁朋友想打边炉，我上年食过呢间觉得几唔错，所以我地4个就揸左车入黎食餐劲，咁耐冇黎，都系冇令我失望😎不得不写篇食评介绍下比大家!
本身舖头装修有特色唔再讲，呢排疫症，佢直程每人派一个口罩夹比我地，可以好好安置，而且又有哂消毒搽手液等，我自己都食得好放心！
今次4个人，叫野食既选择多左好多😍咁个锅底叫左个特色卜卜蚬锅，蚬肉同汤底都好鲜甜，个份量都唔少系几抵食☺️
另外，一直都想试左好耐既牛魔王牛肉拼盘，今日终于叫到🥰大家都钟意食牛，上碟时好有气势，相都影左好几张🤣牛肉拼盘既牛肉各有特色！唔同部位都有，有淋、爽口、有入口即溶，好似相中间旧牛，望落似肥肉，但食落系好爽脆！左下碗入面有酒浸既牛肉，牛肉加酒香亦系另一番风味！所以400几既牛肉拼盘我觉得真系几值得食！
另外我地仲叫左
蟹黄饺，渌熟左之后，深深既蟹黄色，加埋簿簿既皮同浓郁既蟹黄味，正👍🏼
而手打蟹子墨鱼丸十分弹牙入味
瑶柱干贝滑就有十分浓郁既瑶柱味，比起平时成日虾滑鱼滑，呢个就另有一番风味
而最正既我觉得系呢个即炸咸蛋黄金响铃，两个系绝配，不过1,2旧我就够，4个人6旧岩岩好😎食得多会有d腻，所以头一两旧真系最正！
最后埋单都系1500有找，平均一个400都唔洗，而且佢地即服务都好好，好热情，呢晚食完大家都饱住开心咁走，香港而家咁，真系出去食餐安乐茶饭都难，但至少今晚都好enjoy!
