Bookmark左呢间鸟语一段时间，咁岩朋友生日，夹到多啲人黎，可以一次过试多啲款式。以文青Café做主打，多为木系家私，陪衬著多盆绿色植物和抢眼的「Floom as you born to be」粉红色霓虹灯。
《大啡菇薯条 $68》
身为大啡菇Fans无理由唔试，佢地将原只大啡菇切条，切到好似「薯条」咁再攞去炸，新鲜热辣，每条都好厚肉好多汁，炸浆一啲都唔油腻，衬埋牛油果酱同黑松露蛋黄酱真系坚好食（其实有心思思想叫多份）。
《牛油果烟三文鱼春卷 $68》
想试多样小食，见无乜人食呢款，但店员热情推介就试试吧~果然味道无失望！春卷口感香脆，牛油果蓉加埋烟三文鱼非常夹，散发双重香气，大家可以一试。
《蜜糖柚子鸡翼 $58》
柚子味够晒浓，酸酸甜甜，鸡翼大大只够肥美，仲有少许黑白芝麻作点缀，味道醒胃。
《富士山黑豚肉咖哩饭 $118》
蓝白色金字塔卖相已经好吸睛，蓝色饭系由蝶豆花制成，不过蝶豆花本身系无咩味的。日式咖喱用上黑豚肉，口感嫩滑，份量亦不少，反而咖喱可以再浓稠同浓郁啲，食个卖相。
《柏士图青酱雪糕海鲜意粉 $138》
倒转的雪糕筒其实系青酱，捞匀黎食口感好幼滑，真系有啲似食紧「雪糕」𠮶种Creamy，配料有大虾、洋葱、杂菌，加埋淡忌廉，味道又咸又甜算是不错。
《Oreo薄荷朱古力配悬浮棉花糖 $55》
为左造型Cute Cute的悬浮棉花糖而叫左几款冻饮，例如Oreo薄荷朱古力、牛油果奶昔、士多啤梨乳酪等，卖相精美，味道亦唔差，薄荷朱古力的爽凉感更可以中和一下饱腻感觉。
拥有或管理这家酒店？ 免费获取您的详情页以便回复点评、更新资料或者进行其他操作。