元气牛小排🐂
牛小排都好厚身，用盐醃可食到原有味道，呢款要烧耐少少，肉质嫩带点咬口，无筋好易食，烧肉都好保留到肉汁，牛味浓郁
.
元气牛五花🐂
牛五花较薄，好快烧熟，肥美有牛脂香，入口多肉汁同非常嫩弹，而且好有烧肉香味
.
大崎蟹柳沙律🦀🥗
蟹柳份量都多，椰菜好爽脆，沙律酱份量偏多
.前菜的芽菜同菠菜都醃得够入味，仲有麻油香，好开胃又爽口
.
牛骨蛋花汤🐂🥚🥕🍄🥣
过份咸，冇咩牛骨味，但有萝白、冬菇、蛋花……配料几多
.
菠萝🍍同蜜桃🍑梳打都好冰凉好清爽，🍍前者酸甜味会重d，后者有桃味好香甜🍑
.
草莓雪糕🍓🍨同牛乳雪糕🍨都好冻硬，要d时间先溶到黎食，不过味道好浓又香滑
1 - 5 条点评，共 29 条
突然间好想食日式烧肉就去咗👉🏻牛繁👈🏻 呢间由日本过嚟香港嘅烧肉店，食下高质牛肉先👅.
.
🗣餐厅入面每张枱都有个小小嘅烤炉，楼上面有个大透明胶罩，令到油烟快啲吸走，咁成个餐厅都唔会烟雾迷漫👍🏻 讲返野食先...”葱烧盐香牛舌”(HK$98) 唔好睇佢薄薄一层，好有牛味，超juicy ❣️.
.
“特上牛五花”(HK$158) 肉质结实带油筋，而且油脂丰富，口感好好食😋.
.
“极上霜降和牛肩翼板朳”(HK$178) 上台就见到油脂分布均匀，食落啖啖肉，肉质软嫩适中，正🔥.
.
“猪肉鸡肉三款盛合”(HK$168) 有特选猪颈肉、严选鸡肉同猪五花🥓 醃料入味，咬落有肉汁，唔会好韧，唔错喇🙈
.
.
—
难得今日个午饭松动
可以嚟个烧烤 慢慢食都得
落完单就上前菜同牛骨蛋花汤
芽菜/菠菜 加咗芝麻粒好香
薯蓉沙津/大崎蟹柳沙律
虽然个名有d颓 但其实沙律球入面系有蔬菜丝
所以食落都轻盈唔滞
元气牛五花($138)
放上炉即刻嗞嗞声 油脂烧至焦香
同埋好贴心嘅系 安装咗个罩从而减少油溅到食客
特上牛胸腹肉($128)
相比起牛五花要咀嚼多几下
不过都算系软腍嘅
————————————————
牛繁
尖沙咀金巴利道40号MW Plaza地舖
趁暑假就嚟完，请咗日假带埋小朋友出去去街街，老公钟意食烧牛，特登揾吓尖沙咀边度有，发现呢间牛繁的lunch set只需$128 ，似乎几抵食所以就去视察下。
原来牛繁系来自日本，有超过150间分店，历史悠久，所以相信有一定质素保证。
lunch set有六款选择，部份要另外加钱，每个餐都包含沙律、白饭、汤同饮品，仲可以追加配料，白饭升级或加甜品。
我哋两大两小，最后叫咗三个set再追加两份配料。套餐包嘅沙律可选薯蓉沙律或者大崎蟹柳沙律，薯蓉沙律顾名思义其实就系一旧薯蓉，但除咗薯仔之外，里面仲有红萝卜丝、洋葱丝和青瓜丝等等，淋上胡麻酱，都几好食。蟹柳沙律就系蟹柳丝、粟米粒加生菜丝加汁，都ok。
除咗套餐嘅沙律，佢仲端上了一碗芽菜前菜，应该是送的，作为餐前小食都不错，开胃。
今日嘅汤系蛋花汤，好多蛋花味道一般。
主角终于出场，分别有「特上牛胸腹肉」、「元气牛五花」（加$10 ），同埋「元气牛小排」（加$20 ）。每份份量都唔少，头两款，每款有八篇，牛小排可能因为每块面积大，一共有五块。
牛胸腹肉颜色较深，油花不多，肉质有点韧，但都有牛味。
牛五花相对薄身，脂肪均匀，肉质嫩腍，我自己最钟意呢个。
牛小排就比较厚身，中间有块骨，感觉就真系似食牛扒，冇五花咁腍，但系亦冇牛胸腹肉咁韧。
除咗以上套餐，我哋仲加咗一份「葱烧盐香牛舌」（ $68 ）同埋「严选樱姬鸡腿肉」（ $58）。
牛舌切得好薄，有啲酱汁醃住，份量好多，要快烧上碟，否则会变老就太韧。
鸡腿肉有五条，食落都好滑。
相比之前食过嘅烤肉，呢度嘅肉醃得唔算浓味，可能系日式同韩式嘅分别，大家可以跟餐牌上嘅指示点调味料，悉随尊便。
跟餐可以选择炭烧乌龙茶或柠檬茶，柠茶都好大杯，烧肉配冻饮是一流的选择。
除咗一般烤肉店都会有嘅抽风系统、夹，佢仲有铰剪、围裙、除味剂、牙签、湿纸巾、漱口水（喺洗手间里面）等等物品提供，另外亦有储物服务和免费叉电（喺张枱下低有差电位，唔使用佢另外𠮶个尿袋），我觉得相当细心，值得一赞。
食咁多嘢，连加一都唔使$600 ，算好抵！如果夜晚嚟，仲可以like佢Facebook，会送一份澳洲和牛里脊肉！
