小编向来对咖啡店情有独钟，除咗食物有时有惊喜外，亦都系一个朋友嘅聊天之地。

今次小编有幸被一个抽中咗Giveaway嘅朋友邀请，嚟到中环一个楼上Cafe享受午日时光。

🍝咸蛋黄鸭胸肉长通粉
第一啖食落去的确有惊喜，咸蛋黄嘅香味提升咗意粉嘅层次，配料亦都非常多，份量好大。不过食咗一小半后，咸蛋黄嘅口感加上冇太多酱汁嘅意粉，有啲食腻。

🍳是日牛肋条蛋包饭
份量一如已往地大，热乎乎嘅蛋中和咗牛肉嘅咸味，同白饭一齐食，就多重滋味。侧边放上咗小小沙律，食起嚟添上几分清新，好快食完喇。

🍗玫瑰鸡翼
小编不嬲都唔太钟意花嘅味道，不过被强烈推荐嘅玫瑰鸡翼就打破咗我对佢嘅固有形象。玫瑰香味同蜜糖甜味，为鸡翼添上独特风味。除咗单叫有少少贵之外，都系值得试下嘅。

饮品方面不过不失。

🍫朱古力半溶麻糬Brownie
呢间Cafe最出色嘅就系甜品，我哋就以最高期望迎接啦~
由于前面已经食到好饱，所以都系有啲怕食唔落。食咗第一啖，小编就知道女人。。。的确系有两个胃咖。
烤棉花糖嘅外脆内软，配上Brownie，加上上面嘅杏仁片，超！级！好！食！小编绝对可以一个人食晒成个甜品。当然如果棉花糖再加多啲，就更满足、更幸福。

总结嚟讲，食物不过不失,得闲去食个甜品都系唔错嘅。环境都好好，好安静，室内装饰亦都好可爱，就系地方有少少难揾。

Sogno Cafe+
地址：中环威灵顿街97号威利大厦2楼D室
电话：27579878

中环楼上cafe Sogno Cafe
装潢简约 走少女风 放有多个Fluffy House云朵公仔 相当之cuteee 几适合约埋两三个女仔朋友黎闲聊 Cafe有提供wifi同水 重点系吧枱张凳几好坐

▪️原条鳗鱼滑蛋丼 $128
用木盒装住鳗鱼饭又几有feel
鳗鱼软嫩无骨 略嫌唔够肥美 无入口即融既油脂感 鸡蛋嫩滑 食落偏甜 配埋带甜味既鳗鱼 同 底下偏苦沙律菜 味道有小小奇怪
米饭粒粒分明有咬口 加上饭素 就咁食就已经好够味 不过饭量就比较少 建议大家加饭
除左丼饭 旁边仲有味噌汤同配菜
味噌汤非常重口味 同朋友都觉得偏咸左啲
而白萝卜 就醃得好入味 又唔会盖过本身既清甜

▪️红酒牛肋条炖饭 $118
系酥皮既红酒牛肋条 酥皮好脆之余 亦有保温功效 等食野慢既朋友 唔洗担心啲野食好快冻晒
牛肋条软腍入味 肉味都几浓 份量比想像中多 红萝卜同样非常入味 朋友表示汤汁酸酸地好开胃 不过个人就唔太好 米饭同样粒粒分明有咬口 旁边仲有新鲜沙律菜 面头淋有我最钟意既芝麻酱
木板摆盘影相唔错 不过想汁捞饭既时候 就唔系太方便

▪️朱古力半溶麻薯brownie配雪糕 $78
Brownie外层焗得微脆 内𥚃绵密湿润 朱古力味浓郁 甜度唔会太高 中间既半溶麻糬偏软 如果可以烟韧啲就好啦
当热辣辣既brownies遇上云呢嗱雪糕 真系会有冷热交融既感觉 再配埋拉丝棉花糖 基本上系不败组合
甜品大小适中 两个人share岩岩好

呢排肺炎咁严重
好多餐厅都会保障番客人既健康
所以一入座就会帮你量体温 同埋会准备埋信封比客人 放自己既口罩入去 防止细菌四散
同埋都系提供即弃既餐具 以确保卫生

坐低就会有杯welcome drink 果日系山楂苹果汁黎
我果杯应该系最底 好浓 同好多沉淀物 浓到有d酸 所以饮到一半之后再自己沟水沟淡d

当日收工唔太肚饿 所以我就嗌左个all day breakfast
女朋友就嗌左个菇菇pasta

我都系钟意食d creamy d 杰身d既pasta
女朋友嗌呢个就正合我地口味！

首先是被店内可爱的装潢所吸引，一直未有机会来试。反而是趁朋友生日，订了个日式柚子芝士蛋糕，很惊喜。味道清新，和芝士蛋糕很搭，是个不错的选择。

下午茶本应想食梳乎厘，上纲找揾中环区，没有特别一间好，反而找到一间有戚风蛋糕的楼上cafe，睇过相片几吸引，直踩上去，好彩有位。
地方不大，有点杂乱，算吧！只想食物好的话就无所谓啦，反正不会坐很久。
叫了一件伯嚼茶味戚风蛋糕，质感软熟，像风的口感，有茶香，放上了玫红花碎，味道更上一层，好味。