餐厅：Milu Thai มิลู่ไทย (铜锣湾)
地址：铜锣湾耀华街3号百乐中心2楼

今次喺第2次嚟铜锣湾嘅Milu Thai食饭，再嚟嘅原因系因为见到最近好多人介绍佢地嘅火山排骨好吸引，所以就有个冲动试吓

火山排骨 $178
呢个火山排骨份量超大，成家人四至五个人分都仲得，两大排肋骨肉好轻易就拆到出嚟食；除咗肉质非常软腍之外，餐厅仲用咗秘制嘅泰式青椒辣酱去醃制，食落香辣惹味，不过唔太食得辣嘅人可能就食唔到喇。虽然咁大旧食落有啲论尽，但系戴上手套一条条肋骨肉放入口「损」真系够哂滋味，呢个价钱、呢个份量、呢个味道，真系值得一试

泰式串烧(半打) $88
串烧可以自由拣选猪、牛、鸡肉，串烧烧得可口，即叫即烧热辣辣，加上边边稍微烤脆，蘸埋沙嗲汁冇得输，系咪望见都好吸引呢？

泰式海南鸡(半只) $128
呢度嘅海南鸡颜色睇落几新鲜，亦都有足半只嘅份量，鸡髀、鸡胸、鸡翼样样齐，鸡肉嫩滑无雪藏味，都有阵阵鲜鸡香，最重要系骨唔多啖啖肉，食都食得过瘾

蒜蓉通菜 $78
呢碟通菜都几大碟，落足蒜蓉同油去炒，不过我就略嫌有少少油腻，但对比起出面嘅蒜蓉通菜嚟讲，都真系炒得几香几好食

泰式奶茶 $28
去泰国餐厅梗系唔少得饮杯泰式奶茶喇，以往对泰式奶茶嘅既定印象就系好甜好多糖，但餐厅为咗迎合香港人嘅口味，用咗少糖嘅方法去整呢杯泰式奶茶，既有泰式风味，亦唔会因为太甜而觉得唔好饮

整体嚟讲呢度嘅推介菜式——火山排骨都真系几引人入胜，价钱唔算贵而且味道都真系几适合香港人，抵我再返嚟帮衬多次

今日同朋友过咗嚟铜锣湾买衫，行完街想喺附近食埋lunch，经过百乐中心，见到呢间泰国菜，好似好吸引咁，就同朋友一齐上去食☺️

火山排骨 ($178)
- 一上枱就俾佢外型震撼到，好大份，每条排骨都大过我只手掌，果然系必点招牌菜之一
- 排骨肉质鲜嫩，配搭埋酸酸甜甜嘅酱汁，非常开胃
- 店员仲提供左手套，方便我哋去食排骨，超级贴心

泰式蛋包金边粉 ($108)
- 金边粉份量超级足，仲有三只大虾，都几啱两三个人一齐share
- 金边粉味道酸酸甜甜，几惹味，令人食唔停口
- 金边粉外型摆盘都好靓，好吸睛

炭烧猪颈肉 ($88)
- 猪颈肉烧到好香口，非常吸引
- 猪颈肉嘅周边烧到好香脆，肉质亦都好鲜嫩，唔会干争争，好有咬口

蒜蓉牛油鸡翼(6件) ($68)
- 鸡翼大大只，外皮炸都到超级香脆，香喷喷，闻到流晒口水

芒果糯米饭 ($78)
- 芒果超级香甜，对于钟意食芒果嘅我，味道简直系一绝，食得好开心
- 糯米饭烟烟韧韧，口感十足，啱晒作为饭后甜品

椰青 ($48)
- 椰青水超级清甜，好refreshing，同泰菜果然系绝配
- 椰青都好大，可以刮侧边既椰子肉出嚟食，非常满足

龙眼冰 ($28)
- 龙眼冰饮落甜甜地，好解渴
- 一杯入边有好多龙眼肉，咬落好Q蛋弹，好好味

室内设计都几有特色，墙壁嘅画都几新潮，仲有少少泰国嘅elements，而且卫生都唔错，舒服阔落

泰菜嚟讲非常高质，味道一流，下次有经会再encore

限聚令最近放宽了，终于可以约朋友聚旧食餐好的，食肉兽朋友建议去Milu Thai。
当晚去到全场爆满，好在我们之前已经订左位。

火山排骨　$178
这里的名菜，每枱必点的。
见到实物真的不敢哗一声，排骨叠在一起仿似一座山，好震撼！
肉质软腍湿润，配上泰式酱汁加大量，味道酸酸辣辣，好醒胃。

青咖喱软壳蟹（配（蒜蓉包）$158
蒜蓉包蘸上香浓青咖喱食好惹味，炸软壳蟹大只又香口。

飞天椰菜苗 $88
泰式炒椰菜苗，辣得极度滋味

泰式青咖喱烧羊架(3件)
肉质嫩滑，香口而且不羶

-
同男朋友、姊妹整完d 结婚野
劲肚饿
见到附近有间泰国菜
钟意食泰国野我哋又点会放过
即刻上左去milu 试
系cwb 地点好就脚
招牌火山排骨 $178
劲打卡，劲大份
食肉兽必叫
肉质几柔软但酸酸辣辣甘
好开胃

青柠酸辣明炉乌头 $178
又系酸酸地辣辣地
好好味
宜家唔会好老
同埋佢放咗劲多粉丝喺面头
粉丝朔埋啲汁更加正

黄咖喱炒大头虾 $238
比我想像中大碟
只大头虾好大只
同埋脆脆蒜蓉包一齐点咖喱食
简直一流

呢间cp 值高
食物样样都好好味
而且大大份
绝对可以encore
好适合大班人share 食

约左好友饭聚，
一早BOOK定Milu Thai，
呢间餐厅想试好耐，
好友力推泰菜好味!

六点几去到已经接近全场满座，
获安排坐四人卡位，宽敞舒适。

火山排骨
必点招牌菜之一，上枱好震撼，
排骨叠到劲高份量劲多，
餐厅仲贴心附上手套。
排骨肉质嫩滑无筋，
秘制酱汁酸酸甜甜好醒胃。

柚子鲜虾沙律
清甜柚子配弹牙鲜虾，
再淋上又酸又甜酱汁，
清新开胃，岩哂炎炎夏日食。

泰式串烧
可以拣选牛肉、猪肉、鸡肉各两串，
肉味浓郁，肉质嫩滑弹牙，带点焦香，
配以香浓沙嗲酱汁，辛香开胃，味道一流。

马拉盏炒通菜
通菜新鲜翠绿口感细嫩，
辣度适中，咸香可口。

泰式蛋包炒金边粉
金黄色蛋网卖相诱人，
金边粉炒得干身，镬气十足，
口感烟韧弹牙，炸虾外酥内软。

蒜蓉包
金黄香脆，热辣辣好香口。

蒜蓉牛油鸡翼
充满香浓蒜蓉牛油香，
口感酥脆惹味，鸡翼嫩滑多汁。

椰汁冰
椰浆味道香浓，口感爽滑。

龙眼冰
清甜香醇，入口清爽。