呢间餐厅主打Omakase同铁板烧,所有食材由日本严选再直送到港,确保处于最新鲜状态今日就试下2️⃣6️⃣8️⃣0️⃣嘅象拔蚌铁板烧(二人前)。
前菜
豆腐嫩滑重豆香,淋上香浓黑芝麻酱,非常开胃。面头嘅鲜虾爽口弹牙,以青柠柑橘渍吊起鲜味
沙律
由沙律菜、车厘茄、樱桃萝卜、青瓜同藜麦制成,以芥末汁调味,入口酸甜微辛,爽脆清新
汁煮白鳕鱼
鳕鱼煎至两面金黄,肉质雪白厚身且片片分明,食落细嫩结实,鱼鲜十足,完全唔腥,鱼皮另外煎至香酥脆口配上浓味嘅味醂酱油汁,垫底嘅洋葱仲吸满酱汁嘅甜味同酒香
象拔蚌
鲜甜嘅象拔蚌加入牛油、日本酱油同清酒爆炒,口感爽脆鲜嫩,完全唔韧点埋碟边嘅芥末忌廉酱,只有Wasabi 香味唔会攻鼻,再带Creamy嘅奶香
季节料理
今期系香煎莲藕配忌廉椰菜花蓉。莲藕简单以盐同黑椒调味,食落爽脆拉出藕丝。底下垫有绵密软滑嘅椰菜花蓉,既有蔬菜嘅清甜又有奶香
熊本县产A5和王牛
和王牛嘅油脂分布达最高级12++,5成熟可保留其粉嫩色泽,肉质软腍松化,油脂丰盈,肉汁丰富,入口即化蘸点玫瑰岩盐或黑椒可突显肉味;涂抹Wasabi 或柚子酸汁有助解腻;夹住香脆嘅独子蒜片食好惹味;樱桃红酒汁比较浓郁独特。配菜方面有炒羽衣甘蓝同甜蕃薯
炒饭
选用日本珍珠米,配上洋葱粒、雪菜、葱花、红萝卜粒同鸡蛋,炒至粒粒分明,干爽唔油腻,整体焦香惹味,另外附上额外嘅樱花虾同雪菜
鸡汤
鸡汤味道朴素清淡,带一丝丝嘅酒香,以爽口嘅杏鲍菇片作衬托有助缓和以上菜式嘅负担感
甜品
夕张哈蜜瓜系季节限定,果肉赤红熟透,糖度特别高,食落香甜多汁;柚子雪葩冰凉清新,柚子味酸甜自然,带甘涩嘅柚子肉
拥有或管理这家酒店? 免费获取您的详情页以便回复点评、更新资料或者进行其他操作。