放假拍拖去了D2 place食野行街，见到有间铺好大只‘VR’的招牌，再睇张黄色纸仔写$220可以玩3只game,仲可以慢慢拣game,无限野饮，就试了人生第一次VR!
最先玩的生化炼狱系疯狂打丧尸，拎住支步枪疯狂扫射，因为VR比平时打机真实好多的感觉，打紧左手边的丧尸，望吓右手边见到有只咬紧我，哇！真系吓一跳⋯我玩完见到另一边个男仔太投入玩到行出去差d撞到，好在一直会有工作人员睇住我地玩的，所以好安全！玩完刺激的再玩Q版维景人，都系射击游戏，虽然Q版，但都好刺激，而且支枪仲轻好多！最后玩埋好似Mario kart的赛车，都系食咗法宝再用来对付其他选手，胜在坐系架车到够真实！
玩完我会想下次约多几个朋友来玩，3-4人再挑战玩丧尸，真心正！
原来张卷仲可以保留一个月内玩，今日玩唔晒可以下星期再玩，又几好wor!

平时返工放工经过D2 PLACE 都见到楼下层有间VR Shop好想走入去玩下，男友今日嚟接我放工话带我去玩...其实我知佢都好想玩。

呢度气环境唔错，入面仲有好多打卡位添。

每玩一个game都要1张游戏券，如果1张就＄140，2张就＄200，3张就＄220，买得越多就越抵。我哋2个人total 买咗4张游戏券，可以玩到2个game。

呢度唔单止有得玩，凡购买任何游戏券仲有得任饮添呀，你无睇错呀，系任饮呀，有可乐、芬达、雪碧、水都可以，非常贴心安排，可以玩完一个休息下饮下嘢。

呢度有刺激VR系列同埋啱小朋友玩嘅动漫VR系列。我哋当然系拣刺激VR系列，佢有6款game，有3款都系丧尸射击，一款就系合作射击，一款系多人射击，仲有最后一款就系恐惧鬼屋。

原本我同男友都想拣恐惧鬼屋，不过要多人先玩到，最后我地拣左两个丧尸游戏。一个系生化炼狱，另一个系失控地铁。

喺玩之前仲可以戴上即弃眼罩，然后先戴VR眼镜，确保卫生。

我哋先玩生化炼狱，每人都要拎上一支枪，支枪对于女仔嚟讲都几重下㗎，玩完只手都好攰！呢个game主要系喺监狱入面射杀唔同嘅丧尸，记紧要兼顾上下左右，一眼关七呀！玩得劲仲可以见到爆机画面，大家要努力啲啦！玩完之后仲会出分纸，咁就可以同你partner比试一下啦～

之后就喺public area玩失控地铁，因为呢个game要少少走动，所以需要嘅空间都要大啲。呢个game可以完完全全感受到4D体验，真系feel到好似有丧尸拍你膊头咁，相当迫真。仲可以感受到真系好似上咗地铁射杀丧尸咁，画面超正。呢度啲店员仲好好人，可以比部电话佢哋帮你一路玩一路帮你拍video。

呢2个games都好好玩，故事紧凑，画面好靓，场面够晒迫真，好适合一大班friend嚟玩。

今日男朋友一起床就话带我去玩~~
我地都劲兴奋 听人讲好玩就听得多啦~
自己又真系未试过，难得男朋友兴致高昂话我去，当然应诚啦
$220可以拣3只game
如果惊太刺激嘅话 可以玩小朋友个边~
啲游戏系可爱卡通版!
我哋就玩左怪怪屋有只可爱版嘅鬼飘来飘去！ 一啲都唔恐怖仲觉得几得意添啊！
之后我哋仲玩咗生化炼狱
呢个就偏向刺激恐怖少少
啲僵尸会冲埋黎真系吓咗我几次啊！
超级好玩值得一去架~