一直都想试呢间餐厅，趁住放假即约埋朋友去食lunch先🥰

🥧吃吧招牌拼盘（$118）
拼盘以中式木底座盛载5款迷你酥盒，包括什菌、苹果肝酱、三文鱼莎莎、蟹肉牛油果及烟火腿蜜瓜，卖相几精致，酥盒又够松脆，味道亦各具特色😋系一款好啱打卡嘅小食📸个人最推荐蟹肉牛油果味🤩

🍖慢煮甜酒烩和牛面颊（$188）
和牛面颊唔会好似牛扒咁普遍，呢度有得食就梗系试下啦😆牛面颊口感同牛腩有啲相似，炆得够腍又入味👍🏻酒味唔算好浓，就算阿婆无牙都食得到😂底部嘅薯蓉吸收咗啲酱汁，有牛香之余又好味😋份量更多到食唔晒🙈

🍕香草蕃茄辣肉肠薄饼（$118）
Pizza饼底烤得香脆又唔会好厚身，唔使怕好快饱而食唔到其他嘢😆另加入芝士、蕃茄及辣肉肠，食落开胃又惹味😋值得一赞系Pizza面加咗啲新鲜嘅沙律菜，可减轻Pizza嘅heavy感👍🏻

🍹水蜜桃荔枝茶（$56）
饮品以中式嘅小花樽盛载，再插上胶花，造型够别致，好啱打卡📸水蜜桃及荔枝味都几出，味道清清地，唔会好甜😋我最钟意饮品系无加冰，饮落唔会觉得好冰冻😆

🍺花露水小麦啤（$70）
卖相充满玩味，似足双妹嚜花露水😂啤酒则以花露水嘅配方作基调酿制，所以饮落有少少甜之余，仲伴随阵阵嘅花香味，几啱女士饮😆

餐厅日光充足，环境光猛舒适，同朋友系度Chill吓，过一个休闲嘅下午都唔错🤗

今日同朋友仔庆祝生日🎂所以就同佢食餐生日饭，平时食生日饭喺夜晚，而家因为疫情嘅关系，就要晏昼食，咁啱去油麻地行街街，就上咗侨建大厦楼上Cafe

餐牌上有多款美食任你拣，花多眼乱，每一款都好想食，我哋就点咗两个主菜、一款小食及两杯嘢饮

哗，第一眼就睇到有德国咸猪手，点会唔叫呢😋
德国咸猪手 $228
德国咸猪手🐖放到上枱，好似表演咁，叉住只咸猪手吊系个架上面，店员淋上烈酒，之后点火🔥哗🤩好正呀，好有气势呀，到差唔多熄火嘅时候，店员就帮我哋切🔪；德国咸猪手啲皮劲香脆，肉质劲嫩滑，仲超厚肉添，真系好好味；仲配埋德国香肠同埋薯蓉🥔真系食到超饱

烤西班牙猪助骨 Regular $188
Cafe做咗样好贴心💛嘅事，系每条猪助骨都会切一半，当我切嘅时候，就更容易切开；猪助骨嘅肉质够嫩，个烤汁好正，仲有埋鸳鸯薯条🍟除普通薯条外仲有甜薯🍠每条都好香脆，仲有茄汁🥫及芝士酱🧀，点埋一齐食

之后仲嗌咗一碟小食
西班牙鸡中翼 $78
厨师已经将🐥鸡中翼一分为二，变成单骨鸡翼，食嘅时候更方便，仲要刚刚炸起，热辣辣好香脆，配埋个汁就最正😋

当然唔少得叫饮品
曲奇朱古力奶昔 $65
放系枱上，我仲以为系甜品，用半个🥥椰子壳装住，我最钟意嘅Oreo饼碎加埋爆谷，顶层系忌廉，朱古力唔甜，奶昔仲好滑

炭烧榛子朱古力 $56
面层系溶咗嘅棉花糖，榛子🍫朱古力味好香，仲唔会太甜

两个人都差啲食唔晒，质素高，又大份又好味👍🏻

Chiba_hk
弥敦道566号侨建大厦2楼2室

呢间真系bookmark左好耐
最近终于有时间去试

嗌咗佢哋嘅招牌拼盘
一嚟到之后个卖相已经好吸引同好丰富
酥皮盒既filling有杂菌，三文鱼，蟹肉牛油果，Parma ham蜜瓜同苹果肝酱，
每样都好好味，
除左个酥皮都好脆，每一个啲filling都好出色，
咁多个个人觉得最好味系苹果肝酱，
酸酸甜甜，真系食晒咁多个都唔够喉😍

热情果接骨木花茶
饮品嘅杯好靓
系一个花樽装住饮品
嗌尼系绝对系为咗打卡
Elderflower本身已经好清甜
加埋热情果成杯都好清新好适合夏天！

💛🥰
·
🥘西班牙海鲜饭（$168）份量刚好.香浓蕃茄微酸开胃～risotto 不会过于湿润,饭粒有咬口，不错啊🥰
·
🐮慢煮甜酒烩和牛面颊（$188）人气菜式果真没有失望啊！！一直都好喜爱用上慢煮煮法烹调肉类，肉质保持嫩滑👍🏻加入甜酒，味道跟牛肉好夹！
·
🍤特式炸海鲜篮（$86）次次食饭都会忍唔全住点小食炸物😋过过口瘾～篮内有炸虾.蟹饼.带子.鱿鱼圈仲有蠔😋热辣辣，好香口！最喜欢炸虾，虾肉仍然爽口弹牙
·
🍫曲奇朱古力奶昔（$65）我睇中左佢好耐！！终于一试🥰外形特别，以碗盛载沙冰奶昔～不过朱古力味唔算好浓.奶味较重🍼
·
🍺LionRock追求（$64）果味较出，酒精浓度比另一枝梦想较高
·
📍吃吧Chiba
旺角弥敦道566-568号侨建大厦2楼2室

餐厅：吃吧 (旺角)
地址：旺角弥敦道566-568号侨建大厦2楼2室

旺角嘅黄店真系好多，今次去到吃吧呢间位于侨建大厦2楼嘅楼上西式酒吧🍺，听住张敬轩嘅歌🎼，加上有气氛嘅环境，同朋友一边饮下酒，一边倾下偈，真系最适合不过😎

呢到嘅布置略有英伦风🇬🇧，柔和昏暗嘅灯光💡，加上红白砖墙，真系任何一个位都可以轻松打个靓卡😏，仲有唔少文宣，想要苹果创刊号都可以拎返份架🍎

特式炸海鲜篮 $86
以中式嘅蒸笼配上各款海鲜炸物，有中西合璧嘅感觉，海鲜有炸蠔🦪、原只虾🦐、蟹饼🦀、带子同鱿鱼圈🦑，每款有两件，即叫即炸非常香脆，两个人岩岩好咩都可以试匀😆

西班牙海鲜饭 $168
炒饭用咗铁pan盛载，够哂特色😛，除咗有大大只青口，仲有鱼柳、鲜虾等，用秘制酱汁同鲜茄仔炒完🍅，饭香开胃，带有酸甜味道，饭底仲湿湿地唔会好dry

慢煮甜酒烩和牛面颊 $188
最出色嘅一定系呢个和牛面颊🐮，经慢煮后肉质超腍，略带充满胶质嘅筋部，入口有即溶嘅感觉😍，加上每啖都有甜甜酒香，入味惹味，值得再encore🤤

接骨木花味手工苹果酒 $64
Elderflower Craft Cider
黎自苏格兰嘅品牌🏴󠁧󠁢󠁳󠁣󠁴󠁿，入口较fruity，有清甜嘅苹果香🍎，对女士或唔受得太重酒味嘅人就岩哂👍🏼

狮子山啤 梦想 $64
LionRock Beer Dream
属于香港人嘅啤酒🍻，用上桂花酿制，有突出嘅桂花香🌸，比较甘涩，另带有些少柑橘同葡萄柚嘅清甜🍊。「梦想」背后嘅理念系用咗低酒精、薄酒体，意味人人都岩饮，每个人都应该拥有「梦想」🌍