要成功在楼上舖立足吸引食客的话，除了食物卖相好之余也要味道够好‼️chiba就绝对做到了‼️ 听老板说以前餐厅只做晚市生意，但因疫情关系所以现在午市也会开放 经网上订位还有折扣，真的要再去支持‼️
▫️
❥$ 招牌拼盘 木制盒整齐的摆放5款小点心，卖相精美有点像ᴀꜰᴛᴇʀɴᴏᴏɴ ᴛᴇᴀ ꜱᴇᴛ‼️ 拼盘有什菌酥盒、苹果肝酱、三文鱼莎莎、蟹肉牛油果、烟火腿蜜瓜 味道配搭清新，每款都很喜欢‼️❣️
▫️
❥$ 软壳蟹肉酱千层面 份量很足，每层千层面都层叠著牛肉烹调成的浓浓肉酱 蕃茄酱味道也很突出，酸酸地令人胃口大开‼️软壳蟹炸得香脆可口，很滋味‼️
▫️
❥$ 烟燻西班牙伊比利亚猪扒 店员会在客人面前慢慢打开盖子，烟燻效果很美 (可惜我技术不佳，拍不到那一刻) 西班牙伊比利亚猪扒肉质很嫩很嫩，而且真的有烟燻的淡淡香味 餐厅很细心的用意大利黑醋及蕃茄来伴碟，减低油腻感‼️

我以为尼两个只系花樽
原来系两杯有颜值既特饮
店主真系好有唸头
饮品同花樽crossover都唸得出
够晒特别独特❤️
味道方面两杯都系水准之上
蓝色花樽系水蜜瓜荔枝茶
红色花樽系热情果接骨木花茶
饮落茶底香浓
清爽口感分别搭上水蜜瓜荔枝及热情果接骨木的香气及味道
个人觉得两杯都系必点！
.
同场叫左
烤西班牙猪肋骨：食落口好入味好软淋 肉质鲜嫩美味多汁 配菜仲有海量多既炸薯条同蕃薯条 完美配搭‍♀️
.
软壳蟹肉酱千层面：原只炸软壳蟹放咗系上面吸晴！肉酱同千层面比例均匀
.
吃吧招牌拼盘：一次有齐什菌酥盒、苹果肝、三文鱼莎莎、蟹肉牛油果、烟火腿蜜瓜， 下午茶拎住杯野饮食佢同朋友倾计最岩
.
吃吧 (旺角)
旺角弥敦道566-568号侨建大厦2楼2室

一直都想试呢间餐厅，趁住放假即约埋朋友去食lunch先

吃吧招牌拼盘（$118）
拼盘以中式木底座盛载5款迷你酥盒，包括什菌、苹果肝酱、三文鱼莎莎、蟹肉牛油果及烟火腿蜜瓜，卖相几精致，酥盒又够松脆，味道亦各具特色系一款好啱打卡嘅小食个人最推荐蟹肉牛油果味

慢煮甜酒烩和牛面颊（$188）
和牛面颊唔会好似牛扒咁普遍，呢度有得食就梗系试下啦牛面颊口感同牛腩有啲相似，炆得够腍又入味酒味唔算好浓，就算阿婆无牙都食得到底部嘅薯蓉吸收咗啲酱汁，有牛香之余又好味份量更多到食唔晒

香草蕃茄辣肉肠薄饼（$118）
Pizza饼底烤得香脆又唔会好厚身，唔使怕好快饱而食唔到其他嘢另加入芝士、蕃茄及辣肉肠，食落开胃又惹味值得一赞系Pizza面加咗啲新鲜嘅沙律菜，可减轻Pizza嘅heavy感

水蜜桃荔枝茶（$56）
饮品以中式嘅小花樽盛载，再插上胶花，造型够别致，好啱打卡水蜜桃及荔枝味都几出，味道清清地，唔会好甜我最钟意饮品系无加冰，饮落唔会觉得好冰冻

花露水小麦啤（$70）
卖相充满玩味，似足双妹嚜花露水啤酒则以花露水嘅配方作基调酿制，所以饮落有少少甜之余，仲伴随阵阵嘅花香味，几啱女士饮

餐厅日光充足，环境光猛舒适，同朋友系度Chill吓，过一个休闲嘅下午都唔错

今日同朋友仔庆祝生日所以就同佢食餐生日饭，平时食生日饭喺夜晚，而家因为疫情嘅关系，就要晏昼食，咁啱去油麻地行街街，就上咗侨建大厦楼上Cafe

餐牌上有多款美食任你拣，花多眼乱，每一款都好想食，我哋就点咗两个主菜、一款小食及两杯嘢饮

哗，第一眼就睇到有德国咸猪手，点会唔叫呢
德国咸猪手 $228
德国咸猪手放到上枱，好似表演咁，叉住只咸猪手吊系个架上面，店员淋上烈酒，之后点火哗好正呀，好有气势呀，到差唔多熄火嘅时候，店员就帮我哋切；德国咸猪手啲皮劲香脆，肉质劲嫩滑，仲超厚肉添，真系好好味；仲配埋德国香肠同埋薯蓉真系食到超饱

烤西班牙猪助骨 Regular $188
Cafe做咗样好贴心嘅事，系每条猪助骨都会切一半，当我切嘅时候，就更容易切开；猪助骨嘅肉质够嫩，个烤汁好正，仲有埋鸳鸯薯条除普通薯条外仲有甜薯每条都好香脆，仲有茄汁及芝士酱，点埋一齐食

之后仲嗌咗一碟小食
西班牙鸡中翼 $78
厨师已经将鸡中翼一分为二，变成单骨鸡翼，食嘅时候更方便，仲要刚刚炸起，热辣辣好香脆，配埋个汁就最正

当然唔少得叫饮品
曲奇朱古力奶昔 $65
放系枱上，我仲以为系甜品，用半个椰子壳装住，我最钟意嘅Oreo饼碎加埋爆谷，顶层系忌廉，朱古力唔甜，奶昔仲好滑

炭烧榛子朱古力 $56
面层系溶咗嘅棉花糖，榛子朱古力味好香，仲唔会太甜

两个人都差啲食唔晒，质素高，又大份又好味

Chiba_hk
弥敦道566号侨建大厦2楼2室

呢间真系bookmark左好耐
最近终于有时间去试

嗌咗佢哋嘅招牌拼盘
一嚟到之后个卖相已经好吸引同好丰富
酥皮盒既filling有杂菌，三文鱼，蟹肉牛油果，Parma ham蜜瓜同苹果肝酱，
每样都好好味，
除左个酥皮都好脆，每一个啲filling都好出色，
咁多个个人觉得最好味系苹果肝酱，
酸酸甜甜，真系食晒咁多个都唔够喉

热情果接骨木花茶
饮品嘅杯好靓
系一个花樽装住饮品
嗌尼系绝对系为咗打卡
Elderflower本身已经好清甜
加埋热情果成杯都好清新好适合夏天！