九龙城就不嬲出名食泰国野，花多眼乱本身都唔知拣咩好。不过因为之前喺大角咀食过依间，觉得好好食！所以今次见到呢度有就决定食多次。
对依度印象最深刻莫过于佢嘅每日$1菜式，每日嘅选择都系好吸引，亦都唔会因为系$1份量就少啲。

九龙城呢间嘅分店比大角咀阔落，坐得几舒服。
今日个$1菜系飞天通菜，炒得好靓，个酱汁够香，另外加咗啲辣椒炒所以少少辣。几惹味

泰式烤鸡 半只（$118）
今次无我之前食咁好食因为好似烧窿咗少少，但都仲系几滑，调味足够同烧得几香，唔使特别点酱都好够味。

椰青焗海鲜饭（$104）依个饭好有惊喜，一睇卖相已经几吸引，上面系椰汁黎，饭入面仲夹杂住椰子肉，甜甜地好好食！

嘢饮方面叫左芒果沙冰（$36），平时最惊饮沙冰就系啲水果味会好假，但今次依个只芒果味一啲都唔假，所以杯野又唔会话太甜，几好:like:

暂时冇得去旅行就食下泰国嘢揾返泰国嘅味道，依间都系唔错嘅选择！

🇭🇰九龙城区
<为了$1而来的高CP泰菜>
_______________________________________________________
九龙城以往年日是泰国菜胜地相信无人不知，
但经过疫情的洗礼后变得冷清非常，
小编为了慰藉东南亚旅游的情意结，这晚选了一间性价比十分高的戈心人合圬橙象，
因为星期一至日每日都有不同的$1菜款，
所以晚餐堂食变得份外人气! (特别系星期一)hehe....

=̶ 泰式明炉乌头鱼=̶ $1
推介:⭐️⭐️⭐️⭐️⭐️
唔驶谂必点一蚊优惠，真心一蚊鸡食到条百几蚊乌头鱼，
得见店主充满诚意为晚市堂食疗伤，
热烘烘原条新鲜乌头鱼明火上台，
配上大量的椰菜、香茅、南姜、辣椒及青柠等配料滚熟，
乌头鱼肉质滑溜，味道鲜甜，还比想像少骨，
两个人食性价比简直木超哂标。
小编直情开胃到最后食哂所有椰菜，抵上抵。

=̶ 泰式拼盘=̶ $145
推介:⭐️⭐️⭐️⭐️⭐️
丰富拼盘包括两件虾饼、两件春卷、两件鱼饼及两件香叶包鸡。
虾饼弹牙口感点上甜酸酱作为开胃前菜，
香脆春卷馅料惹味丰富。混合咖喱带出辣味，
鱼饼有份柠檬叶香气入口软熟，香叶包鸡散发出阵阵班兰叶清香，
整体系一舍试哂咁多样值得点精彩嘅前菜小食。

=̶ 椰青焗海鲜饭=̶ $104
推介:⭐️⭐️⭐️⭐️
制作需时约15分钟，讲到明即叫即焗，
新鲜椰汁放在成坐山咁嘅海鲜炒饭头上，
配料有青口、虾仁、干果等配料丰富其口感，
两个人食可以话饱得惊人，除了山堆的饭层之外，
还有剂满在椰子内的香饭，椰子片与椰子丝在炒饭中游走，美味。

芒果冰特饮$36
淡淡芒果味透心凉，份外解渴。
另外是友人必点的椰青$42
大只椰青内椰青水满满。

小编暂时食过九龙城四间泰菜馆，整体味道、抵食及餐厅空间是十分满意。
______________________________________________________
👅美味: 8/10 😮惊喜: 5/10
✨环境: 8/10 💆‍♂️服务: 8/10
💡性价: 7/10 🐽饱肚: 9/10
💫回头: 7/10 👍推荐:8/10

又黎到九龙城，想食泰国菜，见到橙象餐厅做紧1蚊菜色优惠，梗系即刻冲入去。

焗大头虾粉丝煲

有2只好大只既开边大虾，肉质鲜甜又弹牙，粉丝炒得好干身，份量相当多，配埋其他配菜同酱汁一齐食超惹味。

辣椒膏炒蚬

落左辣椒膏既咖喱味道浓郁微辣，炒蚬好香又大大只，肉质爽口，如果有饭就好喇送饭一流。

泰式香茅猪扒

是日既一蚊菜色，都唔细件，猪扒炸到皮边都好香脆，食落肉质软稔唔会硬，仲可以配泰式酱汁黎食。

饮品方面就叫左椰青同芒果冰特饮，清甜又清新。
。
。
Orange Elephant Thai Restaurant (启德道)
九龙城启德道31-33号地舖
。
。

禁晚市堂食咁耐，难得近日重开，梗系想出街食下饭，九龙城出名食泰菜，第一时间去觅食，想起橙象每日有一蚊优惠菜式好抵食，尤其是今天是星期一，有老公最钟意嘅泰式明炉乌头鱼。本来百多元，而家一蚊就食到，当然不会错过。泰式明炉乌头鱼：热腾腾原条鱼上台，用明火滚住食，用上新鲜乌头炮制，配搭香茅、南姜、辣椒、芫荽及青柠等材料煮成的，汤底和配菜香浓惹味，味道酸辣，愈吃愈开胃。 乌头鱼肉鲜甜可口。泰式拼盘：有两件虾饼、两件春卷、两件鱼饼、两件香叶包鸡。即叫即做，春卷：外皮香脆，馅料丰富爽口又惹味。虾饼 用新鲜虾肉打成胶，虾味浓,口感弹牙。泰式鱼饼，味道香辣，鱼肉中混合著柠檬叶香气。香叶包鸡：用泰国土产斑兰叶包住鸡肉明火油炸， 淡淡叶香渗入鸡肉里，外干脆而有肉汁，非常香口。咖喱海鲜脆包盅：面包盅内的泰式咖喱浓香，蛋汁炒得好滑溜， 充满葱及洋葱的香气；海鲜新鲜，有2只大青口、鱿鱼、大虾、鱼块， 面包外层香脆，内里软熟， 将面包剪开沾上咖喱酱汁同又香又好惹味！芒果冰特饮：以鲜芒果制作成沙冰， 芒果味鲜香，沙冰磨得幼细，入口即溶，冰冻解喝！

粮尾外出食饭, 总要四出揾平野食, 今晚幸运地行经Orange Elephant,
无意中见到门外MENU指定菜式仲做紧一蚊优惠!!
咁岩今日$1菜式系我至爱嘅虾饼, 即时入去食过个dinner~

餐厅内环境整洁,
一般泰菜餐厅有既款式呢度都有, 拣左几款share食。

【芒果冰特饮】HK$36
沙冰打得绵密幼细, 有淡淡芒果味, 甜度低, 整体味道偏淡

椰香味浓郁嘅【椰汁冰】HK$28

【虾饼】HK$1
虾饼表面香脆不油腻, 质地弹牙, 味道鲜甜

【泰皇咖喱炒大虾】HK$182
大量咖喱汁奄没了两只开边大虾, 虾肉偏林身, 食到虾嘅原味, 沾上了甜甜咖喱汁, 如果加碗白饭捞汁就正!

【原个菠萝海鲜焗饭】HK$104
炒饭做底, 炒饭粒粒分明, 食材丰富, 包括有青口、虾球、炸鱼柳、鱿鱼、清甜多汁菠萝肉, 配上腰果、肉松食, 食落更有层次。