我们不支持您使用的这种浏览器。TripAdvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“庙街里的高质日本菜”
丼瀛的点评

丼瀛
预订桌位
在线下单
香港排名第4,916 (共13,916家美食)
餐厅详细资料
4周前点评

今日系好多嘢食嘅庙街入面拣咗呢间日本菜同我朋友食晚餐。其中一个原因系因为觉得佢个筑地寿司杯好特别,包罗万有,好想试吓。第一个上既菜式就系佢,先食鲍鱼片,非常爽口弹牙,啲虾都好新鲜好大只,但重头戏系黑松露海胆同埋三文鱼,我认为系黎到必叫!首先比佢地既色泽吸引住,海胆肥厚,浓郁甘甜,再加埋黑松露独特既味道,两者好match,会在口中会慢慢溶化。三文鱼则片片新鲜肥厚、肉质细嫩、口感爽滑。第二道菜黎嘅系牛舌,因为我朋友钟意食所以叫左,几爽口,唔会"韧"。主食先上既系黑松露海胆炒饭,海胆依旧肥厚甘甜,今次比较原汁原味冇咗黑松露嘅衬托但都不失色,但个人较喜爱同黑松露一齐食,炒饭粒粒分明同干身,仲有黑松露增加左炒饭既香味。

感谢 ckn540
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
撰写点评点评 (6)
旅行者评分
旅行者类型
时节
语言

1 - 5 条点评,共 6 条

2019年5月20日点评 通过移动设备发表

蓝鳍吞拿鱼海胆丼饭
两层分别有刺身饭同冷面,上层有蓝鳍吞拿鱼、吞拿鱼拖罗蓉、海胆、甜蛋。下层是冷荞麦面。
吞拿鱼厚切又大块,鱼味较出。但吞拿鱼蓉仲正,由于脂肪多的拖罗位,鱼脂入口溶化好香,拌埋饭食味道更好,再食口甜蛋平衡一下,接着仲有超大块海胆,鲜甜浓郁的海胆,个味久久不散好正。
下层的冷面好清凉感,食完肥美鱼生,食点轻盈清淡冷面,可消除腻感,又饱肚。

炸软壳蟹天妇罗,炸得好香脆,唔会太油,软壳蟹好大好肥,咬落爆肉好嫩腍的蟹肉,香口且不腻,配酒一流。

点左3款串烧,鸡软骨,有咬口的软骨,越咬越出味,香口惹味。月见免治鸡肉,沾上蛋汁食,更滑更香。免治鸡肉多肉汁,烧汁香而惹味,肉质嫩滑带点弹。牛舌劲爽口,厚身都烧得唔干唔硬,反而好弹好爽,加左黑椒好香微辣。

安格斯牛肉寿喜烧,很抵食又好味又大锅。
牛肉超多,而且用上安格斯牛,味道浓重有牛肉嫩同牛脂香,拌生蛋黄汁更滑口,寿喜烧的酱汁甜甜地,很开胃好味,令人想配点饭来食。
配料也很多且较健康,有好多吸满汤汁的菜、葛粉,仲有金菇同甜味爆发的洋葱丝,配埋牛肉同食好夹。

感谢 katw759
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年3月27日点评 通过移动设备发表

瀛丼
今日同朋友行到庙街附近揾食,周围餐庙都系煲仔饭一系食中菜海鲜,唔系咁岩两个人食。
俾我地发现左呢间日本居酒居,啲野又几特别同价钱唔算贵。所以就拣左呢间喇!
见到差唔多每张枱都写左个留枱名已有人订座,都几多人食㖞应该都唔差。

见到呢个一层层既寿司杯,又几特别㖞
岩哂影相打卡呀!
分左六层,每样都几新鲜。
有两只鲍鱼食,食落好味道,咸咸地又烟韧,几好味!
海鲜沙律卷作开胃前菜。
然后我地就一层一层咁食上去
蟹籽鱿鱼,吞拿鱼蓉,鱼籽酱帆立贝,三文鱼籽配三文鱼刺身
刺身既质素都几好,够鲜味同大块。都几抵食。

仲叫左d烧物:
芝士鸡翼 同明太子鸡翼
酿左好多明太子,好足料又惹味。
鸡翼去埋骨,食落够方便

烧茄子
好大碟,茄子烧完唔会话乾,反而有水份。
调味料令到茄子好香。几有口感

烧蕃薯仔
食落甜甜地,外皮有少少脆皮。唔错

三文鱼刺身
好肥美又厚切既三文鱼,好鲜味呀正

炸天妇罗拼盘
炸到热辣辣 好香脆,唔会话好厚粉。
有爽口弹牙既天妇罗大虾,甜甜地既南瓜,同炸茄子 ,食得好滋味。

仲叫左 安格斯牛肉寿喜烧
都几多料,嫩肉既安格斯肥牛,杂菜,生鸡蛋,金菇豆腐等等。
个汤底做得几好,几浓郁,令到啲够哂入味。
都唔错㖞!

呢度既员工服务都几好,又keep住帮我地加茶个d,几nice几满意

感谢 bofboyy
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2018年12月6日点评 通过移动设备发表

隐藏系庙街既日本丼瀛,上次经过见到已经想食,唔洗次次都食大排档,今次约埋朋友黎食;餐厅装潢好有居酒屋FELL,到处都见到日本色彩既旗帜

丼瀛龙虾沙律刺身双层爆丼$268
净系个样已经不得了!原只龙虾上抬旁边配上时令新鲜鱼生,龙虾肉做成沙律里面仲有橙色既龙虾膏
配海胆蒟蒻沾面,蒟蒻以沾面既食法,海胆汁被芝士味抢去,而且面既份量偏小

蒲烧原条鳗鱼双层爆丼$148
鳗鱼原条上有微微焦㶶,味道偏浓肉质好肥美,下层都系配海胆蒟蒻沾面

喜之次一夜干$108
香港好少地方有得食,制造过程复杂,要先将鱼浸泡,再风干再烘烤;鱼既精华被浓缩食起来更鲜甜美味,真的值得一试

蟹盖面豉烧$58
有齐蟹膏、蟹肉、蟹籽……超新鲜,劲满足配埋饭食,好完满

去佢地餐厅个facebook  page like & share每抬都可以送一杯乳酸饮品; 即刻唔汁输like 完就送左杯巨锋乳酸特饮,哈

一共有超过二十款唔同选择,仲有寿司,串烧,小食……不过店员话好快会转menu ,下次又黎试新野先

感谢 ayumiwy
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2018年12月5日点评 通过移动设备发表

我系比个 北极光海胆杯 吸引咗入去嘅~
美观得嚟又好有层次感~色彩缤纷~影相打卡一流~
经历完海胆嘅鲜味再有蟹肉加蟹膏嘅包围~
最后再嚟一层甜甜嘅紫薯蓉~好幸福囉~
小小嘅一杯海胆杯~有7重味觉感受~劲!

感谢 chocong
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文

去过丼瀛吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页