今年女兒8歲生日，因工作需要未能外遊，因此選擇入住香港海洋公園萬豪酒店staycation，順道使用香港人生日免費入海洋公園優惠。
原來4歲生日時候都係入住海洋公園萬豪酒店，之後被偷走的3年，今年又再度入住。首先感謝Loyalty Manager Joyce細心安排小女生日，front desk Stephen 辦理入住時殷勤招待，M club Johnny 同 kala 100分既lounge 體驗，最後要感謝Marina Kitchen Angis 安排好晒自助晚餐。滿分員工絕對能令每位酒店有更佳既體驗。
此外入住海洋公園萬豪酒店同海洋公園正門只有100米距離，實屬遊覽海洋公園最適合下榻的酒店。

订一晚房庆祝太太生日，一早已预留酒店buffet，由于小朋友刚游完水，跟住就去食buffet，途中小朋友瞓着咗，职员Lewis and carmen law 贴身嘅服务为我们安排两张櫈拍埋当作女儿的床，由于要照顾小朋友，所以唔太方便走出走入，而Lewis 十分贴心地为我们拎左部份食物.

未试过住万豪酒店嘅朋友 可以唔使尝试 事因谂住开开心心咁庆祝男朋友生日 连佢都话两个字：失望
我订咗间行政套房 系4月5号入住 入住之前 我打去酒店谂住安排一下birthday amenities 打左半个钟都冇人听 明嘅 唔够人手 酒店又忙 第二日再打过去 等咗差唔多半个钟 总机听电话 我话想转驳去前台 佢问有咩帮到我 咁好啦 讲完我嘅要求之后我都系想转去前台问吓check-in嘅情况 始终有啲嘢系前台会比较熟悉 总机个男服务生就系咁拒绝我 唔肯帮我转驳 我唔明点解前台系唔可以听电话......
当日大概下午5点去check-in 前台帮手check-in嘅男服务员 有介绍行政酒廊嘅开放时间 仲比咗张卡我哋系for 8:30-9:15pm嘅evening cocktail 讲到早餐 佢就拎咗张纸出嚟介绍话分四个时段 6:30am 8am 9am 10am 佢好清楚讲明因为早餐时间’比较‘full 所以分咗四个时段 亦都冇比卡仔我哋...
夜晚去完街返嚟谂住试佢个cocktail 我都系第一次见酒店个lounge饮酒系自己出去拣同调 亦都系第一次入lounge 冇员工简单去介绍过入面嘅嘢（我唔系熟客呀大哥） 可能你心谂我见识少啦 入去嘅时候 个员工净系问房间号码 连我个性都冇对 好唔专重 亦都好唔安全（其实喺酒店入边做所有嘢对房间号码同姓名系最基本）食物嘅种类唔需要讲 又少 质素又差 酒同野饮嘅种类更加系少之又少 饮品区嘅杯又冇人fill 都明白嘅 假期系忙 但系个位员工小姐会唔会考虑加咗啲杯先再去执走咗嘅枱呢？ 反正都系last round 清枱同放第二朝早餐嘅setting系咪真系重要过当时坐喺度嘅客人？ 比人嘅感觉完全系因为佢赶收工
好啦讲返间房 唔知点解订咗套房 但系个view系对住员工入口 算啦 反正住一晚 点知个梳化几多污迹 想用个熨斗嘅时候全部都系麈 厕所谂住去打开防滑个张地垫出嚟用点知全部都系水 未干 其他地方我都唔够胆仔细睇 我惊我要转房
当时叫咗room service 9pm至9:30pm送蛋糕过嚟
一直等 等到10点先至送到过嚟 想冲凉都唔够胆冲住
唔紧要 个蛋糕系送嘅 系要等下嘅
个cocktail已经令到我哋觉得 第二日嘅早餐唔会好得去边 但我哋都有准时第二朝9am去佢哋1/F嘅行政酒廊度排队等食早餐 9am个round开始入去 结果原来系要有个张‘卡仔’先可以入去食早餐 然后带位嘅男服务生就叫我哋等后面啲人入晒先知仲有冇位 有位先可以安排 唔想等嘅话可以比个盒你哋take away 我想澄清一下 系之前日check-in位男服务员话 早餐比较full所以分时段食早餐 我哋两个都冇听过佢话系full晒要等walk in 我想问我订间套房然后得到啲咁嘅service系为咗啲咩？ 酒店overbook系酒店嘅事 酒店忙点解要我受罪？ 我哋企左系度等左差唔多半个钟 lounge个位男服务员就话：其实你都见到我真系好忙 我真系安排唔到位 至于check-in个位同事点解会误导左你 我哋会跟进返亦都会get back返你 （其实你要怪责前台位同事又关我咩事？你可唔可以解决咗你面前嘅客人先再搞你自己内部嘅事情？）当然 之后个位同事梗系冇get back返我 我谂佢都唔会记得我系几号房 连我个姓都冇称呼过 最后我仲要教揾返佢 可唔可以安排我去cafe或者buffet度食早餐....
最后去咗buffet度食早餐 企系reception个位哥哥仔 衰少少讲句 我以为自己去左揾代客泊车 件西装褛 唔扣都算 可能肥咗 亦都可能佢好攰 其中只手仲要埃喺个枱边度 好似大佬咁 冇greeting都算 交代清楚之后入去 我衰 我唔记得量度体温 我男朋友听错 以为佢问我系同边个一齐 跟住个位哥哥仔就话‘咁都要量体温㗎’ 个‘㗎’字真系好难听 炒散啲态度都冇佢咁差 最好笑系 叫我走个时 记得去签张单 我明 我本身系包lounge嘅早餐 我去咗第二度食 你哋要射数 要有客人嘅签名 咁点解我坐喺度食咁耐你唔拎过嚟俾我签呢？ 系你懒 定系我责任？
好啦 最后 我只想讲嘅系 佢哋外判间扒房啲职员仲好服务过酒店啲职员 同时 我唔认同酒店full同忙就要客人受罪

from 好似系2226号房嘅陈小姐