平时好少嚟银行中心，朋友约我食饭先知原来楼上系有餐厅发现咗呢间食越南特式菜既餐厅，见到佢哋既招牌菜之一 - 牛油焗大虾 ($228) 见今日系2020年最后一日就决定食好啲，每人有一只每只约一斤重嚟到劲香牛油味同蒜蓉味，好似闻紧蒜蓉饱既味道食落虾肉好新鲜，啲肉好实净弹牙，啖啖都系肉旁边啲薯仔都煎得好香脆，外脆内软既口感，不过如果再落多少少调味料就梗好

再叫多个set - 串烧沙嗲(鸡、牛、猪)配香辣炒饭 ($69 )share一齐食就刚刚好，开头以为只可以拣一款串烧，点知原来可以试晒三款，实在太好了，一个价钱试晒，香辣炒饭炒到粒粒分别，好干身，辣度唔会辣到食唔到，好惹味

包一杯饮品(柠檬茶/奶茶/咖啡)，冻咖啡就加$5，特饮就加$8；三色冰，都几抵饮，三色冰椰汁味够香浓，加咗冰都唔会好淡，啫喱都好足料，唯一美中不足既系饮管太幼，如果有粗饮管就更好

Le Viet @leviet23
旺角弥敦道636号银行中心1楼101-106,108-109号舖
.
原来一出旺角地铁站嘅银行中心楼上有一间咁抵食嘅越南菜 环境好开扬，有一块大玻璃窗可以睇到街景 Lunch Set $70 包饮品，性价比高❤️
.
串烧沙嗲配香辣炒饭 (连餐汤) $69
: 好惹味，有齐鸡、牛、猪串烧 点埋沙嗲汁一流 香辣炒饭比较普通，胜在够镬气
.
越式海鲜炒檬粉 (连餐汤) $69
: 炒得干身，唔会好油 而且有鱿鱼、虾、同蚬肉，材料丰富，份量非常足够
.
香茅烧乌头 $173
: 即叫即做等咗30分钟‼️乌头烧到皮脆肉嫩，而且肉质非常厚实 配泰式青辣椒酸汁好开胃 份量好大，可以预2-3人份☺️

疫情底下，揾间宽敞啲嘅餐厅食饭，感觉好似安心啲，呢度系我同同事其中一个指定饭堂。够阔落，坐得又舒服。

第一次食佢嘅海南鸡饭，碗油饭好香，仲好似食到少少姜味，鸡够嫩够滑，啖啖肉，好满足。

另外仲叫咗个菠萝焗饭，好大的一个，一个人应该食唔晒！而且好足料，虾好新鲜，又劲多菠萝，淡淡都有料。

想额外一提佢杯斋啡，一间普通餐厅来讲，佢杯咖啡系好浓好香，有惊喜！

最后就想讲吓呢条乌头，已经系我哋第二次食！每一次食都觉得条鱼好新鲜，一啲都唔霉！而且酱汁好加分，少少酸酸辣辣，好开胃。

晚市禁堂食前夕，食番个宵夜。Le Viet都唔陌生嘅，以前尖咀食过，旺角有分店好似好耐前都同屋企人食过一两次，应该无乜伏。
由于食左饭，唔驶叫carbohydrate喇，叫少少share下过下口瘾就好。叫左一个海南鸡例牌、一个咖喱炒海虾，同一个咸柠七。
咖喱炒海虾炒得几香，有少少好似泰国曼谷建兴餐厅嘅炒法，配料好足，亦都预左你会叫饭或者薄饼去点咖喱汁。至于海南鸡就standard野，中规中矩。值得一提系佢垫底个椰菜都真系几好食！

环境宽敞舒适，员工服务有礼殷勤，全部食物质素都不错，好吃 香茅烧乌头$173 大爱香茅烧乌头，相信喜爱吃越南菜的人都对呢味鱼不陌生，香茅香气扑鼻，打开鱼皮，鲜美嫩滑的鱼肉，在沾上特制酱汁，令我吃不停口！ 海南鸡非常嫩滑，一望到个样已经知好食鸡皮厚薄刚好，鸡肉嫩滑，份量算多，鸡油饭又香，好正呀！！！炸虾分量够，非常juicy,仲要新鲜炸，好好好食！金边粉够镬气，加埋青柠一流！青柠梳打好解渴同埋同个烧乌头好夹！杯咖啡亦都有越南咖啡个种苦涩味，饭后饮，正！