系旺角行街前觅食一番，行经银行中心有姐姐系门口派传单，经不住佢既热情上左一楼食越南菜。

海鲜炒檬粉
材料好丰富，有虾，蛋，鱿鱼等等，炒得好干身，够晒香喷喷，有镇气上滴左啲青柠汁酸酸地好惹味。

猪颈肉捞檬
我同朋友都好中意食檬粉呢样份量好多呀猪颈肉起码都有8大片，性价比之王猪颈肉少肥，有烧过既香味;餐厅仲比左 一樽仔灵魂酸辣汁，我全部倒晒落碗，好鬼正参酸甜适中小小辣。

重头戏一香茅烧乌头
话说我第一次食烧乌头，以为会好多骨，但原来系好多肉咖。 鱼皮沾左好多盐去烧，食果阵别开鱼皮就见到白雪雪既鱼肉，加埋兜越式酸辣酱，超级惹味。 另外两杯椰汁冰都好重椰味，抵赞。

今日晏昼请左半日假，收工后约左个朋友系旺角食lunch，放假mode决定食好啲啲

我地叫左份香茅烧乌头，咸鱼炒芥兰（我两日无食过菜‍♀️）同埋串烧鸡牛猪配香辣炒饭套餐(配餐汤同饮品)

餐汤系鸡汤，似平时食海南鸡饭配果只汤，清甜唔油腻

以往食泰国菜既乌头通常都系明炉煮，今次就试下越式煮法烧～
乌头一上台就闻到超级香！虽然系烧但就算就咁食唔点汁都唔会干身，肉质依然嫰滑，点埋酸辣汁食就系另一种风味，更加开胃

咸鱼炒芥兰嫰绿爽脆，芥兰唔会有涩味，咸鱼味好香好浓郁

串烧鸡牛猪配香辣炒饭有齐晒三款肉岩晒我呢个三心两意既人
串烧烧得好靓，每样一串加埋Ｄ饭其实份量都唔少
鸡肉好滑，炒饭干湿度岩岩好，呢只辣真系几香唔系一味死辣，非常惹味

期间见到有其他客人叫左个卖相劲靓劲吸睛既虾，好似好吸引，下次要试下

原来餐厅宜家出左到会，我觉得新年一班人食呢啲仲吸引过盆菜

出到旺角要揾下去边度食午餐「Le Viet」原来都有分店，就拣咗呢间
.
牛油焗大头虾上枱已经闻到好香牛油同蒜蓉味食落当然超惹味大头虾大只爽弹虾膏劲正薯仔同蕃茄浸过牛油汁之后其实都好味，不过就油腻啲
.
原只大虾菠萝炒饭饭炒得够干身大虾新鲜又有好多料菠萝、萝卜杂豆、粟米火腿、肉松丰富又饱肚
.
餐汤清得尼唔会好淡，无乜味精味
.
冻咖啡☕️浓香又唔会过甜

呢几日天气好似暖返d，可以食返东南亚菜式。今日不如食下越南菜啦，地点系旺角既Le Viet。呢间Le Viet好似黎过两次，今日趁得闲早d黎食个早晚饭先，顺便试下新野。

打开主菜单，见到牛油焗大头虾，几吸引，就试下啦。

牛油焗大头虾 $228＋10％

菜单写明系越南虎虾每只约一斤重，先炸后加牛油同蒜再煮。唔洗等好耐就有得食，卖相几靓！原来系一只虎虾一开二，上面超多炸蒜葱粒。下面垫左七旧薯仔同四块蕃茄片，薯仔明显炸过，外脆内软，正！。虎虾唔算好大只，但系肉质有d似龙虾级，好好味既虾味，个头仲有膏㖭，用刀叉自己起肉食就得。连壳都可以咬，因为炸得香脆。非常香口既一道菜！

惊食虾未必好饱，所以叫左个相对heavy既越式咖哩软壳蟹锅配法包。

越式咖哩软壳蟹锅配法包 $93＋10％

一只软壳蟹新鲜炸好切左件，非常香脆，肉都有唔少，无论就咁食或者沾咖哩汁食都好好味。咖哩汁用锅上，唔洗怕越食越冻。咖哩锅有洋葱，青椒同红辣椒，都有d辣，好好味。伴软壳蟹碟上有五大旧薯仔，同另一碟既伴碟薯仔一样咁好食！法包一大条，切开左几个开口，摆系个架度几靓仔。法包微暖，外脆内软，沾咖哩食好好味。基本上成个锅餐d野都好食。$93咁多野食唔算贵。

今次食既呢两个都几好味。座位舒适，员工服务态度唔错，隔住大胶板防疫衞生，下次可再黎。

位置优越的越南餐厅 Le Viet今天刚好有一天假期，便到旺角购买年货，准备过年。在旺角地铁站银行中心出口看到Le Viet的宣传单张，派单张的姐姐告诉我们，凭单张午餐有九折优惠。好吧！就让我们试试看吧！

餐厅位于商场一楼，餐厅地方宽敞，座位距离不近，我们被安排靠窗的位置坐下，这里的窗户半落地，看到街景。

我们点了香茅烧乌头，一个咖喱牛腩饭套餐还有越式海鲜炒檬粉套餐。

首先来的是咖喱牛腩配白饭，这个咖喱牛腩上菜十分精美，用炉仔暖着甚有心思。咖喱味浓，牛腩还有少少牛筋，好吃。

接着来的是檬粉，檬粉内的海鲜也不错，虾很爽口，粉亦炒得不油，刚好。

最后来的是香茅乌头，乌头外皮烧得焦黑，看上去有点过火，幸好这些焦黑不影响肉质，鱼肉仍是嫩滑的，撕开鱼皮有少许黄油，鱼的质地也不错鱼，鱼肚内酿满了香茅、香叶及其他不知名的香草。点鱼的酱汁有点辣，喜欢辣的人仕一定不可错过。

我有点心多，所以加了8元，点了珍多冰，珍多冰果然没有令我失望，椰汁味非常浓郁，冰内的绿色粒粒超多，此外还有开边绿豆，好吃！