环境都好大，好适合同朋友食野倾计

咖哩软壳蟹锅Curry soft shell crab with baguette，原价$113，而家优惠价$93， 有优惠咁梗系叫一锅啦， 咖哩用锅上，用火热住， 咖哩热住食系特别好食， 都几香，辣度适中， 软壳蟹系另外用碟上，好细心， 用嚟点咖哩，依然食到软壳蟹既香脆又有咖哩味，或者浸喺咖哩度食，会更淋但吸到更多咖哩汁， 除了软壳蟹还有微微炸过的薯仔，配咖哩一绝。 呢个锅仲配有法包， 呢种法包唔系外脆内软种， 而是比较烟韧， 湿润有口感，带微温， 都几钟意呢款法包。

还点了印度薄饼配咖哩($25)

食乌头，之前多数都食叫明炉乌头Grilled grey mullet fish with lemongrass， 呢度有一款香茅烧乌头($173)，即点即烧， 所以由下单道上菜都等了差不多十五分钟，上菜的时候还很热冒着烟，鱼皮非常脆身，但由于还连着鱼鳞，所以还是吃鱼肉为主，鱼肉肉质弹牙，带香茅香，但比较干身， 所以蘸酸辣酱更好味

最后芒果糯米饭($55) 都唔错，芒果香甜带微酸，入口冇渣， 椰汁较淡，有白糯米饭和紫糯米饭，软绵烟韧

系地铁站出黎就会见到有位姐姐拎住大大个牌介绍人食le viet，今日系假日都有lunch set一于去食下

手撕鸡捞檬
炸蒜同葱令捞檬更有咬口同香口，青瓜丝、萝卜丝同生菜配合酱汁非常清新，好耐无食捞檬既我好满足

老公叫既lunch set海南鸡饭$68连饮品，鸡肉底下有唔少菜，健康均衡，肉亦嫩滑，油饭软绵且香

烧香茅乌头，厚厚既外皮底下系嫩滑无比既鱼肉，钟意食烤鱼既人唔好错过

约朋友食饭旺角最就脚，位于银行中心非常方便，美食多款仲有优惠，可算是经济实惠，而且环境宽敞，枱与枱距离疏远可自成一国，食得十分自在。

精选越式拼盆 $98
小食四款非常满足，烧猪颈肉口感爽弹，炸虾饼香脆有咬口，越式春卷脆卜卜馅料肉碎粉丝几好食。扎肉蒸粉包皮薄馅靓，馅料有木耳肉碎蒜片香葱扎肉，口感爽脆味道丰富。

越式咖哩软壳蟹锅配法包 $93
咖哩用火加热食的确好味，咖哩甜而不辣带少少椰香，法包索汁食都唔错，炸软壳蟹食时先沾上咖喱汁保留口感松脆。仲有好多薯仔，食完都几饱。

香茅烧乌头 $173
烧乌头制作需时最尾先上。乌头大条够二人食用，鱼肚塞满香料。揭开鱼皮香喷喷，鱼肉雪白肉质厚实，食落唔腥无泥味，有少许细骨要小心食，醮埋越式酸辣酱，辣酸开胃好食。

Le Viet 令我惊喜嘅系，菜式唔单止系越式咁简单，加入左好多不同风味，泰式法式越式港式，当然佢出众嘅当然是越式河粉，但今次专登约左朋友K嚟试吓佢其他特色菜式。

因为位置真系好方便，银行中心一上电梯就望到，佢唔少人嚟聚脚嘅地方，座位好宽宏，岩多人聚餐，不过，依家就三四个就算啦:mad:！
我地都迟左少少，但好彩系有订位，唔洗等，坐左一阵，人流开始多，不过唔会好迫，铺位相当大，坐落非常舒服唔吵。
两位都系食肉同肉，今日唔叫越南汤河捞檬，我地大胆叫左香茅乌头，半只海南鸡，咖哩炒大蚬配印度簿饼，蒜蓉西兰花，烟三文鱼纸米卷，加两杯椰汁红豆/绿豆，好少餐厅有绿豆冰，但一试爱上。
我欣赏两个主菜，乌头烤得非常香，香茅已入晒乌头度，食落有淡淡香茅加香草清香，另外配上特色越泰酸汁，酸酸辣辣啲，好野味，跟乌头好配搭。
海南鸡值得一赞，太细心同做得唔错，肉嫩香浓，加上黑油同酸辣汁。细心在于，佢连鸡翼都帮你起埋骨，食咁多间，只le viet 系咁，但一啲唔影响口感，都系浓香肉嫩滑。
咖哩咖太嫩岩晒港人口味，加上有滑蛋香浓中加啲滑，配上大蚬鲜甜，是唔错。
总括，Le Viet香烤菜式，咖哩海鲜加埋特色酸嫩汁，系其他越南餐厅食唔到。

今日约左朋友仔出旺角晚餐。想揾个地方不限时，坐得舒服。朋友仔就带左我去这餐厅食越南菜。

餐厅在银行中心，近地铁站，十分方便。蒲进去就见地方阔落，非常光猛。而且每张枱也有很高的透明胶片隔住，无论是除罩食饭或是倾偈聊天，我也很安心。

细看餐牌，很多菜色也融入了海鲜。身为海鲜控的我点了咖喱炒大蚬和香茅烧乌头。
乌头也是一贯风格地以盐焗脆外皮，内放入香茅黄姜等香草料。好不好吃就取决于厨师烧炙的技巧。今次烧到恰到好处，没有太老，鱼肉够弹牙。另外有香草酱点鱼肉，酱汁清新醒神，不过本身鱼肉已经好入味，点了香草酱是锦上添花。

咖喱炒得蚬很入味。咖喱汁加了香草、洋葱和蛋花，这个组合很赞，香料的惹味加上蛋香，令咖喱汁生色不少。我们另外也点了薄饼捞上咖喱汁一起吃。薄饼本身也有浓香牛油，制作并不马虎。

另外点了去骨海南鸡和烟三文鱼纸米卷。纸米卷皮薄馅靓。而且加三文鱼这个fusion很特别，平时多见扎肉和软壳蟹。海南鸡也有惊喜，肉质鲜嫩，没有任何腥味，厨师功不可没

点了那么多肉，也不忘吃一下蔬菜类 - 蒜炒西兰花。蒜蓉炒得焦香，西兰花爽脆香口，镬气够火喉。

餐饮方面，我们各自点了椰汁红豆冰和椰汁绿豆冰。椰汁其实是浓浓的椰奶，配上软糯的红豆，成为一杯喝下去的甜品❤️。本来还想叫多一个芒果糯米饭，因为这杯野饮我吃不下了，要留待下次光顾试试了。

这店除了是聚会好地方，食物也很赞。能在现时飞不了的状态下吃到好味的越南美食，好满足