旺角Le Viet餐厅地方好大，空间感非常好，每张格都有透明胶板隔开，疫情期间，令食客食得十万个放心。

香茅猪颈肉纸米卷 - 上面铺满劲多花生碎碎，增加香味同口感，猪颈肉烧得好香，中间嘅粉丝清清地，balance番整个味道。

咖哩牛腩煲，用个火㷫住黎食，煲入边有牛腩又有牛根；牛根大大旧，已炆到好似啫喱状，好林滑，咬落烟烟韧韧，超级正；牛腩肥瘦均匀，牛味算重，又唔会起渣，煲入边另外嘅配料都唔好放过丫😆⋯⋯尤其系薯仔🥔，大大旧，好粉糯薯味重，而个咖哩汁如果再辣🌶啲就更prefect，印度薄饼蘸点呢个汁食就系超级无敌咁好味，薄饼又唔会油腻，最终encore多一客，捞埋啲咖哩汁😋一啲都冇嘥😆。

重头戏，牛油焗大头虾，十分诱人嘅橙红色卖相，整只虾开边，每边都有手掌咁大件，虾身铺满蒜蓉牛油，蒜蓉焗到脆卜卜，巨大嘅大虾头藏住丰腴嘅虾膏，味道浓郁香气十足，虾身爽口弹牙，呢个菜色、香、味同卖相都一流，打卡攞赢晒💯。

为甚么旺角甚么人都有？因为这里甚么餐厅都有，美食天堂非浪得虚名！就算是越南餐厅，也不只有河粉吃！

明炉烧乌头就听过，但这种烧法就是第一次看见，把一整条香茅由鱼嘴放入去，里面还放了其他材料一起烧制，鱼肉自然变得很香，加上微微刺激的酱料，吃一口便知甘香。

超载椰青饭果然名副其实，真的满泻了整个盘子，酱汁和海鲜随时比饭更多，吃完米饭，可以刮下绵绵的椰肉！

黑白糯米饭的结实，外面不常见，不是软软的，所以蘸上椰汁也不会散开。芒果甜得自然，就算很饱还能吃得下。

绿豆冰比较罕见，每颗绿豆也没有衣，不喜欢豆衣的朋友可以一试！吃了两款饭都是甜的，喝一杯咸味十足的咸柠梳打中和一下！

今日出开旺角想食越南野就黎左呢度
餐厅都几大
餐牌上既野食价钱唔算贵 中等价钱
我哋叫咗香茅烧乌头，炸虾饼，猪颈肉炒金边粉，牛颈脊汤河。

香茅烧乌头超大条， 烧到好香，中间有条香茅，一拆开出烟，闻到成条鱼都好香肉质食落几Juicy， 唔会dry，同埋无乌头既泥味👍
配果个个汁好辣，我最后点左虾饼个酸汁😂

炸虾饼都系好推介，炸得热辣辣好弹牙好好食，配埋个酸汁一流。4件岩岩好2个人食！

牛颈脊汤河好正，汤头好甜，牛颈脊好冧👍
配菜有埋 芽茶 几新鲜爽口，同青柠 辣椒🌶️

猪颈肉炒金边粉，对比其他菜式就相对普通
呢间餐厅既调味比较啖口 唔会好重口味我几欣赏👍平时出街食劲怕落好多味精 佢又唔会

嘢饮就叫咗杯Mojito
同青柠梳打
Mojito 好好饮 好Fresh 酒精唔算好重
薄荷同青柠既野饮真系无得输
青柠梳打佢系无落糖浆果款，都几中意，戒甜既我饮就一流，无乜罪恶感。

唔系讲玩笑，旺角越南菜LE VIET 真系经常吃，原因好简单，好食又更抵食，哈哈。当然仲有些其他因素既。皆因离地铁站好近，系正银行中心里面，而且地方阔落又舒服，来到旺角想揾个地方坐得舒服d, 就第一时间唸到le viet la。
今次再来朝圣，第一样野点既就系条乌头鱼，呢条香茅烧乌头基本上我每次来都会点，因为成条乌头鱼大大条，烧🉐️真系好惹味，而且少骨易入口，加上d越式酱汁真系好好味，完全越南特色。
因为唔系太肚饿关系，都系唸著同朋友食下野chitchat 下，所以点了几款甜品，有越南绿豆拉椰糕，焦糖炖奶同埋烧菠萝配朱古力酱。
唔好以为呢个越南绿豆拉椰糕图片中细细件，其他都几full 下架，切开两个人食刚刚好。
焦糖炖奶就系我最爱，甜甜的焦糖烧系面头，连埋炖奶一起吃，真系正爆。
最好生果烧菠萝加埋朱古力酱一样咁甜咁好味，块块菠萝都大大旧，甜到心坎里。
今匀埋单$350左右，算系唔错选择。

餐厅装修简洁明亮， 座位宽敞舒适 ，透过餐厅的一排大玻璃，采光度十足之余， 亦可看到旺角热闹的街景。

牛油焗大头虾$228
牛油焗大虾真系超级大只，上枱时， 香气十足 ，大虾铺满海量的蒜蓉及牛油， 大虾已开边，因此更加入味， 虾肉鲜甜弹牙，入口散发著香浓牛油及蒜香 ， 十分诱人， 舐舐脷爆灯，垫底的薯角， 吸收了酱汁的精华， 增添吸引。

海南鸡饭配例汤(午餐)$68
肥美的海南鸡，油光亮丽，配上金黄色的鸡皮， 卖相令人垂涎， 鸡皮爽弹， 鸡肉嫩滑细致， 十分滋味， 再配上香香的鸡油饭，别有一番风味， 跟配的例汤， 清甜唔肥腻。

三色冰(追加)+$8
雪白的椰汁冰，冰爽蜜甜， 甜度适中， 还有彩色的啫喱粉条点缀， 卖相吸引，粉条口感 QQ弹牙， 入口散发着迷人的椰香，甜度不会随冰溶化而减退， 十分欣赏。