上到去地方都几阔落，枱与枱之间隔得够，所以坐得好舒服。

牛油焗大头虾
卖相一流，打卡呃like绝对无问题！
牛油味好香，大头虾有膏，肉质爽甜
赞一赞配菜—薯仔，意想不到地好食！

椒丝炒通菜
火喉够！好惹味！

小食拼盘
超钟意个越南扎肉蒸粉包！真材实料！我好想一个人食哂2个
虾饼、猪颈肉都无平均之上嘅水准之作！

串烧
食越泰菜又点少得串烧？！u一次过食哂猪牛鸡3款，大满足！

好耐无食越南菜，旺角一出地铁行几步就到。

见到隔离枱食紧「牛油焗大头虾」卖相好吸引，我又试下先！wow...果然好大只，目测都有一斤份量。拨开少少蒜蓉，已经见到隐藏住好多虾膏。虾肉好爽口，食得出好新鲜，配埋蒜蓉牛油一齐焗好香好惹味。

「越式咖哩牛腩锅」热辣辣，明火滚住食。咖哩都分好多种，呢度嘅咖哩好出色，果然够惹味。配埋牛腩同牛筋，完全无遮盖咗份牛味。
配埋例汤几好饮

每次都一定会饮「三色冰」
红．黄．绿，好有口感，足料。冰冰冻冻嘅椰汁好味...

份量同质数超班下次一定再嚟

现在疫情已渐见稳定，旺角又开始热闹起来了，我也趁热闹的来旺角行吓啦。
晚餐今晚拣了位于弥敦道银行中心的Le Viet。
餐厅装修很舒适企理。

香茅烧乌头$173
香茅烧乌头里面有很多配料，有柠檬叶、南姜、香茅及芫茜、葱…等，乌头都很大条及很厚肉，跟配了2碟的柠檬秘制酱汁，带酸甜的非常开胃美味。

香茅猪颈肉炒檬粉$72
我们要了个香茅猪颈肉炒金边粉，但 侍应告知金边粉已卖晒，所以我们拣了要香茅猪颈肉炒檬粉，里面除了有猪颈肉，还有鸡蛋、葱、芽菜等。
猪颈肉切得都比较厚，入口很香胡椒的味道，带点爽口，檬粉软腍，整个香茅猪颈肉炒檬粉炒得都较香，好味！

香茅烧牛仔骨$95
香茅烧牛仔骨醃得较入味，细细件很香，香茅的味道更增添牛仔骨的滋味，真的香口又美味！

朋友话好想食越南野，于是我地就黎到位于银行中心1楼既Le Viet，餐厅主打新派越菜，餐牌都好多选择，海鲜，串烧，小食，粉饭，甜品都有，价钱又唔贵。餐厅环境都几大，防疫措施都做得几好，枱与枱之间有人咁高既屏幕阻隔开，隔离枱讲野都听唔到

香芧烧乌头 $173
即点即烧，落单时讲明要等半小时，咁唔紧要，要食好野就要等吓，条鱼上枱好大条呀，仲有鱼油，好嫩滑，会每人有碟酱汁比你点黎食，个汁系酸酸甜甜带辣，点酱食更加好味

虾饼 $68
虾饼有4块，都好爽口弹牙，唔错，伴碟仲有蔬菜，可以去腻感

香芧猪颈肉炒金边粉 $72
呢个猪颈肉都有5大片，收收埋埋估佢唔到，另外仲落左鸡蛋，芽菜，韭菜，一齐炒，上碟已经闻到好香点埋辣酱食，更惹味

旺角Le Viet餐厅地方好大，空间感非常好，每张格都有透明胶板隔开，疫情期间，令食客食得十万个放心。

香茅猪颈肉纸米卷 - 上面铺满劲多花生碎碎，增加香味同口感，猪颈肉烧得好香，中间嘅粉丝清清地，balance番整个味道。

咖哩牛腩煲，用个火㷫住黎食，煲入边有牛腩又有牛根；牛根大大旧，已炆到好似啫喱状，好林滑，咬落烟烟韧韧，超级正；牛腩肥瘦均匀，牛味算重，又唔会起渣，煲入边另外嘅配料都唔好放过丫⋯⋯尤其系薯仔，大大旧，好粉糯薯味重，而个咖哩汁如果再辣啲就更prefect，印度薄饼蘸点呢个汁食就系超级无敌咁好味，薄饼又唔会油腻，最终encore多一客，捞埋啲咖哩汁一啲都冇嘥。

重头戏，牛油焗大头虾，十分诱人嘅橙红色卖相，整只虾开边，每边都有手掌咁大件，虾身铺满蒜蓉牛油，蒜蓉焗到脆卜卜，巨大嘅大虾头藏住丰腴嘅虾膏，味道浓郁香气十足，虾身爽口弹牙，呢个菜色、香、味同卖相都一流，打卡攞赢晒。