我们不支持您使用的这种浏览器。TripAdvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“六合之道 - 小厨驾到!”
六合小厨的点评

六合小厨
香港排名第5,037 (共13,926家美食)
餐厅详细资料
2019年9月4日点评

今晚临时有兴,挑起条筋想食辣蟹,就去到尖沙咀
海港城附近呢间楼上私房菜-「六合小厨」。
原来呢到除左有好多私房菜套餐同小菜外,
仲有特色车仔面、川菜、下午茶餐。睇黎
一条龙服务、照顾唔同口味需要。听闻佢地黎紧
仲会推出潮州菜餐单,值得期待呀!
-
香辣蟹经济2人套餐 - $668/For2
▪ 明火例汤
▪ 丝苗白饭
▪ 榄菜肉碎四季豆
▫ 话明为左辣蟹而黎,就紧系要点个套餐咁就紧
加抵食啦!首先黎两个靓仔加两碗例汤,个汤饮落
唔觉系味精,仲几清甜。再黎就肉碎四季豆,
炒得够镬气,干身爽口。加左榄菜带到个味道,
软腍猪肉碎,味道几浓郁,整体份量十足,
用黎送饭真系一流。
-
▪ 霸王鸡
▫ 其实霸王鸡就系将盐焗鸡加埋姜葱呈上,
要大赞既系餐厅呢道鸡既味道比一般铺头既整
得特别嫩滑,而且比较新鲜,鸡味相对较浓郁!

▪ 招牌香辣蟹
▫ 轮到今晚主角出埸!红卜卜既卖相配搭
一大众炸蒜,气派十足。以避风塘既手法炒得
非常干身,但完全唔会油腻。炸蒜提升蟹肉既鲜味,
令蟹肉更加入味脆口。我要求师傅我整微辣就OK,
毕竟我朋友唔系食得辣。而蟹钳肉系超饱满,
绝对唔姑寒。呢个质素净系计只蟹出面都起码
讲紧要至少HK$600-HK$800,整体成个套餐
真系非常抵食,食得过!

感谢 lankiman6330
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
撰写点评点评 (9)
旅行者评分
旅行者类型
时节
语言

1 - 5 条点评,共 9 条

2019年6月19日点评 通过移动设备发表

喺尖沙咀附近行街,行到肚饿就试网肠下附近有咩食,于是今次就嚟到「六合小厨」。

因为今次两个人食饭所以食唔到太多野,叫3样就够了。

泰式燻蹄
因为出面街太热,所以叫碟泰式燻蹄开开胃。其实都喺平时粤菜嘅冷盘燻蹄咁整法,不过就多咗一碟泰式虎虾嘅酸辣酱。个酸辣酱够晒酸够晒开胃,第一啖以为会好辣,点知喺辣一下跟住就会散晒,非常啱唔食辣嘅朋友。

呢道燻蹄喺厚切,非常好咬口感,绝对喺良心店,唔似出面其他店咁薄切切。

秘制口水鸡
呢碟口水鸡印象好深刻,因为佢嘅辣好耐都唔散去,食完一旧会不断有连绵嘅辣渗出嚟。呢碟口水鸡,送送酒超一流。

蜜椒土豆牛腩粒
真心推介呢碟蜜椒土豆牛腩粒。呢道嘅土豆牛腩喺有一层薄薄嘅蜜汁喺表面,所以食落口有食焦糖布甸果种糖烤嘅香味,超超超级好食。因为喺用牛腩,所以食落好软绵,而且每一旧牛腩都大大旧,性价比蛮高。

感谢 tastyscreen
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年5月13日点评

向尖沙咀Apple Store买完手机,向正隔离橦大厦就有几间食物馆,唔驶拎住d野四围腾。

呢间店,最抵赞系海鲜小菜的份量,套餐的份通常系例牌,甚至乎会扣番些少,终于套餐价比散叫会平dd。

先上个中式眉豆瘦肉汤,好有味,而且唔系劲落味噌只。

叉烧切鸡份量虽无特别加大,胜在d鸡够滑够嫩。

西兰花炒带子,我数过带子足足有10粒,而且是完粒,不似一些餐馆为悭成本将带子切细。

这是二人套餐,即是话只系预左两个人食。有图有真相,我向出面食的例牌边有咁大碟。 这里的套餐都抵食,下次要食吓个香辣蟹先

感谢 bettyli0518
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年4月29日点评

尖沙咀人多车多,特别系假期,买野系咁,食饭都系咁。好不容易揾到间中港城附近既唔驶逼爆既楼上舖。客流一定冇地舖咁多,始终冇咁当眼,我反而钟意咁,始终坐得舒服d。

呢到都几多野食---小菜、碟头、烧味、海鲜、台式卤肉饭、桥底辣蟹...。 地方唔系好大,但每枱唔会放大多櫈,就算饭市都唔会好逼夹。

弹带子配鲜嫩西兰花, 口感一个爽而有嚼头,另一个烟韧而有弹性。

香茅猪扒已斩开,香料味已入晒块肉里面,块扒肥廋位皆有,所以不会廋得太靭,也不会太腻。

感谢 kma118
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年4月16日点评 通过移动设备发表

餐厅:六合小厨 (尖沙咀)
地址:尖沙咀广东道116-120号海威商业中心7楼

尖沙咀广东道出咗名系游客聚居嘅地方,尤其是呢度有中港城同港澳码头,唔少内地游客糖过澳门嘅旅客都会经过呢一头,加上广东道都有唔少嘅新派菜式同楼上餐厅,亦吸引左唔少附近嘅打工仔食晏食晚饭。

广东道Apple store隔离嘅海威商业中心有唔少嘅楼上餐厅,而今个晚上就去咗7楼嘅六合小厨,呢间中菜馆茶餐厅喺网上亦大受好评,所以决定嚟呢度试一试佢哋嘅撚手小菜

同一般茶餐厅唔同嘅系呢度会有唔同嘅外国游客同内地旅客,而最神奇嘅系餐厅店员都精通两文三语,无论讲英文定普通话都十分流利,当见到外国游客都会嚟呢间中菜馆,就知道呢间六合小厨应该有唔少嘅知名度

由于呢度出名嘅菜式太多,包括辣川菜、海鲜、私房菜等,另外呢度嘅蟹、牛四宝都系好多人推荐同大赞嘅菜,所以我都拣唔落手。当问老板有咩好推介嘅时候,佢就介绍咗我试下呢度啱啱新出左半个月嘅毛血旺,大厨亦系国内嘅大饭店做过,有相当嘅经验,所以我就试咗呢一个新菜式。

六合毛血旺——辣酒煮大虾球锅$188
毛血旺入面有大虾球、猪红、猪大肠、牛柏叶、墨鱼须等。辣味可以按个人口味要求小辣大辣,迎合唔同人嘅需要,而我就点左正常嘅辣度,辣得嚟又唔会好麻痹到食唔落,而且汤底系餐厅大厨独家炮制,要试呢个独门秘方梗系要试一试呢个毛血旺喇,呢个汤底捞饭已经好正,用黎煮埋公仔面一定一流

大虾大概有七至八旧,每一旧都已经挑走虾肠,食落都系新鲜干净嘅,大虾亦都好爽口弹牙,睇得出大厨准备材料是有落到功夫墨鱼须亦都唔会好难咬开,最重要嘅系唔会好痴牙同难吞☺️猪红唔会有血腥味,而猪大肠亦都洗得好干净,每一款材料都好容易入口同好易咀嚼,真系冇牙都可以食得到

原来呢度仲欢迎打电话预约私房菜,无论你系想豪食定系食家常小菜,只要你比人数同预算,餐厅就会帮你准备餐单同食物,唔啱改到啱,无论系一大班朋友嚟食饭定同屋企人食团年饭都一样咁方便

感谢 hinsonfoodhk
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.co.uk 查看原文

去过六合小厨吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页