我们不支持您使用的这种浏览器。TripAdvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“七十年代茶餐厅,装潢特别又够靓”

女人街食饭公司
预订桌位
香港排名第2,665 (共13,891家美食)
餐厅详细资料
5周前点评 通过移动设备发表

餐厅:女人街食饭公司 (旺角)
地址:旺角通菜街1A-1L威达商业大厦1楼B室

近年香港越黎越多楼上餐厅,而楼上茶餐厅亦都慢慢成为左一股热潮,旺角通菜街威达大厦1楼有一间叫女人街食饭公司嘅餐厅,以传统怀旧嘅风味包装左成间茶餐厅,营造左六七十年代茶餐厅嘅气息

系餐厅门口就已经见到一对龙同凤,活力十足,餐厅内里嘅墙壁专登布置成车仔面店、理发店等嘅模样,令人妨如置身系几十年前嘅香港咁,而地板嘅砖同每一张枱同櫈都有类似风格,别具特色

一场黎到,餐厅职员推介佢地最近新出嘅餐牌,而招牌菜亦有唔少,我就试左佢地其中一款热卖同推荐嘅女人街鲍鱼拼盘($88),本身以为系唔同品种鲍鱼嘅拼盘,不过原来系一只鲜鲍鱼加上蟹籽,仲有泡椒凤爪、卤水墨鱼同豆角,鲍鱼炆得好腍,同时带有爽口弹牙嘅感觉,墨鱼同豆角配上自家制嘅卤水汁色香味俱全,泡椒凤爪辣味十足,配上另外叫嘅细浓汤鳕鱼肉醉泡饭($58),一啖辣一啖热,真系好过瘾,钟意食凤爪又食得辣嘅包你会钟意。汤饭有满满嘅鳕鱼粒同肉醉,鳕鱼入口即溶,亦不失鳕鱼香嘅味道,好耐无食过汤饭,今餐绝对系大满足

感谢 hinsonfoodhk
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.co.uk 查看原文
撰写点评点评 (15)
旅行者评分
旅行者类型
时节
语言

1 - 5 条点评,共 15 条

2019年8月31日点评 通过移动设备发表

好耐之前见朋友post相,有间装修好怀旧,好旧式香港嘅铺头,而今次终于有机会嚟食「女人街食饭公司」。

黑椒蜜饯茨仔牛柳粒
一上枱就心谂「咪又喺薯仔牛柳粒」,点知食落又真喺有特色。牛柳咬落去以为食紧牛扒咁,居然食到外层有小小肉嘅焦香,内层就仍然嫩滑,食落无鞋口同埋干身感觉,成件事喺好「嫩」。不过因为落咗蜜饯所以薯仔食落会无咁干身,我个人就比较钟意食超干身嘅薯仔。

风沙九肚鱼
呢碟九肚鱼都超有惊喜。整法好似炸豆腐咁,外层有层好豆腐皮包住咁。平时出面食开喺酥炸或者椒盐咁,内层得返好小肉,而呢道喺内层有好厚同好大旧嘅肉。感觉上爱上咗食九肚鱼。

呢道嘅装修真喺好怀旧,以前细个嘅回忆返晒嚟,装修好同埋味道又好。一路食一路通返儿时趣事,睇怕个个上咗年纪嘅都会喺咁。

感谢 tastyscreen
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年8月6日点评 通过移动设备发表

朋友话出旺角食大排档,我仲谂住天气咁热,又落雨、湿粒粒,唔好啦啩...朋友仲话:放心跟我黎!点知嚟到又几惊喜㖞门口一对龙凤,好似以前啲旧式酒楼摆囍宴咁里面嘅装修,就好似旧式楼下大排档咁

招牌杏汁炖猪肺 $148
个汤好靓、奶白色,白果味好浓。我发现原来除咗有煲烂咗嘅白果之外。仲有薏米唔怪得知个汤可以煮得咁杰啦猪肺洗得好干净,白雪雪、无臭味,正而且炖汤好大盅,夹夹埋埋可以分左成11碗呢

马拉盏通菜牛肉煲 $98
呢煲菜上枱时啫啫声、热辣辣,劲有镬气而且牛肉大大片仲好滑送酒一流

乳香藕苗炒猪颈肉 $98
南乳味好香,莲藕苗口感好得意,我以为会好似出面舖头咁,切开细细粒煮,估唔到呢度时会系切成丝。厨师刀工一流,藕苗丝幼得黎好爽口猪颈肉爽口、醃得好入味

生炒和尚肉脆米饭 $98
生炒和尚肉呢个名好特别,所以叫左碟试下。原来和尚肉系牛肉...由来呢?‍♀️后来我查了下,应该系指用和尚头嘅肉黎炒饭。(和尚头即系牛后腿内侧)炒饭配埋少量炸米,口感好好

豉汁蒸鳝 $168
豉汁蒸鳝味道调得好好、好惹味,鳝好新鲜,一啲泥味都无。忍唔住又食多左饭

可能我地早食饭,所以上菜好快。食食下,发现舖头差唔多坐满人我地食完都只系7点半都未够呢好在我地有book枱咋

感谢 allircc
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年8月6日点评 通过移动设备发表

当大家毕业,去唔同嘅公司机构返工,要聚餐一点都唔容易,突别系要返shift嘅旧同学。难得今日可以齐人,当然要揾d叫食饭,又可以啤啤佢既地方啦。系最方便大家食完饭走人嘅旺角,拣咗依间女人街食饭公司。

招牌杏汁炖猪肺 :大家出咗黎做野、自己住,平时都无咩汤水饮,出到黎食饭,好自然会叫汤饮。依个招牌杏汁炖猪肺好香杏仁味,猪肺唔会有味、又大件又多,白果打碎咗落个汤度。大家都好满意。装哂出黎都有成十碗嫁。

生炒和尚肉脆米饭:见个名几得意,所以叫咗黎试下,原来系一个生炒牛肉饭,谂极都唔明点鲜叫和尚肉添所以都唔理个名喇个炒饭好够获气。牛肉好嫩,唔会因为炒个饭而干哂。炒饭加上脆米,好有咬口。

豉汁蒸鳝:豉汁味浓,鳝碌新鲜之如又大又厚,索哂d豉汁,好香浓惹味。呢个配啤酒一流

马拉盏通菜牛肉煲:通菜好嫩,牛肉大大块,好嫩好滑。呢个出面食,好多时会觉得味太重、太咸,而舖头系调味控制得好好,好平衡。

乳香藕苗炒猪颈肉:起初以为乳香系腐乳,上到黎先知原来此乳乃南乳。藕苗起初都以为系细细旧既莲藕,点知又错咗,原来系莲藕苗。成个三样野估错咗两样。颈肉就唔会错喇虽然系估错咗系咩黎,但依味乳香藕苗炒猪颈肉都唔错,藕苗口感都几清新,未试过藕苗嘅朋友不防一试。

后记:餐厅好有怀旧风格,虽然香港都已经有唔少呢种风格嘅肆,但呢种情怀、呢种味道,仍然系厌看不厌。

感谢 mcpig2003
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年7月27日点评

这夜约了阿伯工友到女人街食饭公司来一场怀旧夜,以怀旧街市大排档作招来,跟我之前到过的湾仔某饭店很像样!

饭店真正位处女人街中,以旧式酒楼的龙凤大礼堂作门面好有气势。

星期六的晚上高朋满座不便多拍环境照,只能说很有七至九十年代华Dee的那种味道!

三个女人仔点上餐前小食!可于五款中选三款收费$158,如果合口味比散点便宜了$36!

我选了爽口滑溜的鲜淮山伴以香口的胡麻酱,吃下香口又清爽好合夏天享用。

工友分别选上家乡鲮鱼球和八味脆豆腐!家乡鲮鱼球炸得金黄,吃下冇腥味质感亦算弹牙,沾上蚬蚧酱提鲜更可爱!

另一款是八味脆豆腐炸皮不算很香脆豆味亦不太浓!但内里的豆腐尚算滑溜可以一吃!

另点了青芥沙拉骨$108,汁酱太稠很浆口而青芥味道又不太出,这个菜真的有点失望!

最后还有我很喜欢的怀旧窝贴小棠菜,记得20多年前我最爱到太子X彩酒楼吃这味菜,这儿的出品好足料有厚身的墨鱼胶,但我就略嫌小棠菜不够多!!这店整体不算太突出但环境和服务也挺不错试试无妨!

感谢 maggiemV9544SJ
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.tw 查看原文

去过女人街食饭公司吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页