你仲记唔记得电影《食神》入面既黯然销魂饭 戏精既你一定会好想试一试佢，哩个黯然销魂饭已经杀入左沙田 依家除左喺戏入面，你都可以随时食得到啦
·
▪正宗黯然销魂饭 HKD$79
顾名思义，黯然销魂饭就系叉烧、蛋同米饭三样嘢结合埋一齐 叉烧米饭及鸡蛋用料非常讲究 叉烧特别用上梅头肉 并加入玫瑰露酒醃制，以酱料和焦糖上色烤至焦香，过程入面完全冇加入色素 白饭特别选用粒粒分明既五常米，再混入少量北美野米， 煲出嚟既饭粒有咬口又软熟 鸡蛋则用上初生蛋 特别一提嘅系拌饭酱汁，以天然发酵两年既豉油加以红葱头煮成~
·
▪烧味双拼 HKD$109
贵妃鸡 x 油鸡，鸡…全部都系鸡 因为当日其他烧味实在太好卖，老土都要讲句真系鸡有鸡味 又唔会好油腻，啖啖肉用嚟送饭一流!!
·
▪招牌干炒牛河 HKD$75
哩款干炒牛河同平时食到嘅有啲唔同，佢俾我既感觉好似大阪烧既干炒牛河，几特别。 酱汁甜甜地，面头仲加左柴鱼乾，真系有少少似食紧大阪烧既感觉
·
Chop Chop 食神叉烧
沙田新城市广场三期3楼A325号舖

黯然义烧饭之由来是一部电影「食神」，当其时众所皆知是由一名厨师坐镇做顾问。电影之后多了好多茶餐厅，饭店仿效售卖黯然义烧饭。

始终呢间是最啱我心水。

秋风起食腊味，我话加多一个煲仔饭就更加完美啦！

黯然销魂煲仔饭 + 腊肠
制作需时，等了二十分钟左右，热辣辣的煲仔上枱了。煲盖打开即飘来饭香。
义烧少少肥，带出脂香，肉质软熟。
重点在于「初生蛋」，味道鲜美！
混入少许秘制伴饭酱油，无得输！
食后成个人暖笠笠，最合时宜。

每次经过呢间都会俾佢个好光嘅招牌吸引住好想食但系见好多人都冇去食 今日咁啱经过炮台山终于忍唔住去试吓 店舖装修好简单好复古 但系保留左以前旧时香港嘅风味 而且店舖好干净 今次我嗌嘅系叉烧油鸡双拼饭 佢哋嘅叉烧系以玫瑰露酒醃制 再用唔同嘅酱料同焦糖烤死 食落非常浓郁得尼有淡淡的蜜糖香味 梅头肥瘦均匀亦都好软滑松化 简直系色香味俱全 十分推介 油鸡鸡肉好滑 外皮唔会好肥腻 薄薄地啱啱好 日嘅例汤系萝卜猪骨老火汤 味道都唔错 整体来讲呢间餐厅真系几唔错 员工服务态度都好友善 大家经过嘅都可以一试

作为馋嘴一族，最开心当然就是「餐餐食得好，日日有食神」！难得可以夜晚出街堂食，今晚就一于约埋食神一齐去吃至爱嘅叉烧。

餐厅位于炮台山宏安道，门面好 Sharp 醒，以墨绿色为主调，店内装潢亦甚可观，时尚又带点怀旧情怀，墙上的霓虹风格字样相当瞩目，打卡一流！

先细看墙上餐牌，除了有招牌的黯然销魂饭、多款人气烧味如烧鸭、烧腩仔外，还有开胃咕噜肉、干炒牛河、食神炒饭等供应。

唔想动脑筋，就简简单单点个「滋味二人餐」，套餐非常经济，只是 $168 就已经包：烧味双拼、虾仁炒蛋、啫啫唐生菜，例汤及白饭各两碗，仲要免收加一服务费，十分抵食。

是日例汤为一年四季都啱饮嘅青红萝卜猪展汤，汤味非常清甜，而且一点也不油腻，令人喝得很舒服。

烧味双拼有梅头叉烧和切鸡两款，叉烧卖相很吸引，呈有光泽的深红色，未食已令人垂涎欲滴。尝一件，肥瘦比例刚好，入口不会过于油腻，而且吃起来比坊间的叉烧多了一阵玫瑰露香，加上肉质不会过乾，中间位置又够松化，食落有肉香。

切鸡味道亦不俗，外皮金黄顺滑，肉质柔嫩细腻，皮肉之间还夹着一层薄薄嘅透明啫喱，令人回味无穷。

估唔到连白饭都有水准，米饭洒上了芝麻粒，入口外韧内软，粘度适中，带浓浓米香。

接着送上的虾仁炒蛋，用料亦绝不欺场，虾仁大只又鲜爽，蛋炒得滑溜又香口，带浓郁蛋香，用来送饭一流。

平时食啫啫唐生菜多数用煲仔上，虽然呢度改用碟上，但味道亦不赖。唐生菜加咗虾酱、肉碎同椒丝爆炒过，虾酱味道唔错，入口不会死咸。生菜新鲜爽脆，不会煮得过腍，加上吸收了酱汁的精华，热辣又惹味，十分好吃。

用餐期间不停见有人入嚟买外卖，可见餐厅都几受附近街坊欢迎。

终于有机会试吓出名的暗然销魂饭，此店装修十分年青，有霓虹灯光管招牌及播放著流行音乐，饭上枱有托盘，卖相不俗，附上餐汤是蠔豉合掌瓜，例汤来说，是很足料了及顺口，有老火汤嘅味道。主角暗然销魂饭上枱卖相精致，太阳蛋加上半肥瘦的叉烧及菜心，及少少炸过的蒜蓉及红葱头酱（自己估的）。个人觉得太阳蛋可以再生一点，多点蛋浆溶入饭里面。叉烧颜色不俗有少少㶶边，火炉控制很多，梅头肥瘦均匀，加上的黑色酱油味道唔错，但味道太甜，少了叉烧那种辛香及玫瑰露香味。值得一赞白饭中有藜麦混合，口感唔错，食烧味饭都会健康啲。套餐要$80，烧味来说，价钱有点贵。