呢几日开始凉咗好多入冬之际最啱就系打个暖笠笠既边炉！讲到边炉一定系我最爱既火锅撚 ！

今次一行二人第一次黎到西环旗舰店，主要目的就系西环店有限定既招牌猪肚鸡锅 其他分店都系冇㗎 一坐低即刻叫咗呢个招牌菜，大约等咗15分钟左右，鸡锅终于到啦鸡锅用上成只上等三黄鸡，酿入胡椒猪肚，配上用中药熬制既浓汤，滋补养阴，冬天饮完成身都暖晒

店员悉心帮我地处理好鸡肉同猪肚方便我地食，饮完鸡汤就可以开始打边炉喇！呢度火锅配料嘅份量都可以叫全份/半份，有半份选择就算2个人黎都可以识好多种类 御用手切肥牛、极品安格斯肥牛、脆鲩鱼腩、肥美鹅肠、响铃卷、香菇贝鲍鲜滑、韭菜饺、皇帝菜同稻庭乌冬，大部份食物都好新鲜好有水准，而我最钟意梗系佢哋嘅鹅肠同埋脆鲩鱼腩，真系好鲜味！

最后店家送上芋圆甜品，为呢顿出色嘅晚饭画上完美嘅句号 火锅撚一直喺我心目中食物质素都唔错，价钱合理，评价甚高。

前两日网见西环店重开而且新设一人一锅，一直都想试下火锅撚，所以同朋友去试晚餐。食物质素唔错，白汤 响铃 午餐肉好食，其他就中上。不过依家因为疫情全部都用胶既即弃餐具，唔环保之余，纸碗装住热食物就变软，拎都拎唔起，好唔方便。除左依样，食物同服务都好好！

下昼食完饭返嚟就收到旧同学嘅电话，以为佢有咩大事要宣布啦原来佢只系抽起条筋，话好想收工去打边炉。我见反正得闲，就陪吓佢癫 第一次嚟到「火锅撚」，感觉好似返咗古代咁，我哋四个被安排坐喺窗边嘅卡位，环境都几阔落。 大家见到餐牌上 #蜂巢豆腐白汤锅 注明系「镇店推介」咁紧要，就叫半锅嚟同 #麻辣汤 双并 啖汤又真系几足料嘅，搞到我最终忍唔住饮咗成碗落肚先食嘢 我呢个牛魔王就梗系要份 #A4霜降和牛 先够大满足，油花均匀入口即溶... 正呀 另外我哋仲叫咗花竹花、桶蠔都好新鲜 仲有佢哋嘅水饺、酱爆丸都做得非常出色，搞到我哋把口一路话要减肥，但系又食到唔停得口 埋单嘅时候，餐厅仲送咗每人一杯腐竹鸡蛋沙冰比我哋清吓喉咙，外貌特色之余，味道仲好丰富... 赞！

今次系第二次到此火锅店晚膳，点了未试过的蜂巢豆腐白汤锅，浓厚鸡汤加猪骨汤，有点中药汤的味道，有桂圆、红枣、八角、人参等中药材料，汤喝来很香浓，另外，内充满爽滑的鸭血及蜂巢豆腐，汤底一流。

极品安格斯肥牛
点了一碟，卖相美，份量多，牛肉脂肪分布平均，且厚身，咬口不嚡，牛味很突出。

鲜带子片
份量同样很多，十分新鲜，带子也很厚身大只，颇高质素。

手打丸双拼-蟹籽手打虾丸及蛋牛包心墨鱼丸
虾丸入囗弹牙，不错。包心墨鱼丸，包心用的牛肉吃落像䶢牛肉，颇有创意，吃来特别。

四宝饺拼盘
包括水饺、云吞、鱼皮饺及韮菜饺，四款用的馅料都十分之多，皮簿，尤其云吞用的虾份量很多，其他的也十分不错。

皇帝菜
爽口冇渣，清甜。

甜品方面是送的，点了一个仙草芋圆及一个腐竹糖水。火锅之后吃个冰凉的甜品，腐竹糖水同样以古代的酒杯以冰沙形式奉上，而仙草芋圆用「万寿无疆」的茶杯奉上，同样特别。

我们两人吃，其实点了不太多，但汤底的鸭红及豆腐很多，差点儿完成不了，餐厅白饭任吃，但真的吃下，下次大伙儿再来，应该能够叫多点款式。

汤底和食物整体都中上, 花雕酒几好饮, 最有惊喜系最后个甜品, 超好食腐竹鸡蛋沙冰
装修都几靓, 4人卡位坐得舒服
服务态度几好, 上菜都好快
中等价钱