见weekend冇嘢做，就订咗枱打边炉，仲要早场有折，放题黎讲算好抵啊！啱哂我同男友呢啲咁大食嘅人~稻八面积都几大，座位非常多，餐厅整体感觉干净卫生、光线明亮，呢点好重要，客人都好自律，离开座位都会自动自觉戴番口罩。
自取区主要摆放蔬菜类，其他肉类、丸饺滑类、刺身就填纸仔，由职员送上。最特别，而又系香港少见，一定系呢个自制DIY天妇罗区，食物用竹签串起，客人可以试吓自己亲手整炸物，然后加番钟意嘅调味粉，又几好玩㗎，当日都不停见到家长同小朋友整。
呢度有6款套餐，价钱由$158起，有牛肉放题嘅就每位$178，早场订座位都仲有折，性价比好高。我哋选择咗国产黑毛和牛𠮶款，每位$388~除咗和牛任食，仲可以order安格斯牛小排啊、美国壳饲牛、豚肉片、北海道鸡片同羊肉等，海鲜盛合会成青口、虾同蠔，其实都好丰富。呢个餐仲包咗刺身任食，三文鱼、八爪鱼、北寄贝、油甘鱼、带子、马刀贝等，款式好够。
1 - 5 条点评，共 7 条
大家都被疫情吓得留在家里，可是我们这等穷人没有资格怕呢！每天都要上班，趁出粮食餐好嘅一于去稻八日式火锅，外卖自取特级美国谷饲牛火锅套餐，价钱仲好优惠添！
二人份 $348，四人份 $688；一家人唔使$1000已经食到饱饱，火锅材料靓，包埋汤底，屋企有个炉就食得啦！
点餐之后等左一阵，店员好快手，唔使10分钟已经包好晒外卖走得！
汤底已经准备好，两大支樽，沙嗲汤底香浓美味，不用其他调味包已经够好味。
真材实料套餐主角，当然系特级美国谷饲牛肉，仲有其他猪、牛、羊、鸡肉。
特级美国谷饲牛肉独立分开一盒，清晰见到牛肉脂肪分布平均，肥瘦均匀，放落热腾腾嘅汤底里面滚几秒已经食得，入口充满牛油香，香软松绵。
妈咪就大赞美国自然豚肉，新鲜入口味道鲜甜，肉质柔软鲜嫩。
日本北海道滑鸡片，鲜味道突出而且肉质爽弹鲜美，完全冇急冻味。
羊肉就最啱细佬啦！羊羶系佢嘅最爱，肉色嫩红，口感不腻不沾。
丸类选择同堂食一样多花款，墨鱼丸、牛丸、爽脆弹牙，味道调味得宜。加啲蔬菜就够晒健康啦！
最开心系有时令限定，花胶珍贵食材一样有，滋润又补身。虾滑饱满丰盈，食落爽弹鲜美，yummy!
打边炉又点少得炸鱼皮、稻庭乌冬呢！炸鱼皮最紧要就系薄身，色泽金黄，口感酥脆。稻庭乌冬圆润，入口烟靭。
整体非常满意今次嘅创新外卖火锅，香港人果然够弹性，反应又够快，火锅材料又够新鲜，各方面做得恰到好处！
再嚟食稻八，今次我系特登带朋友嚟呢度食。 一定有原因嘅⋯⋯ 攞咗位坐低，第⼀样要做梗系要拣汤底啦，我地两条友好一致决定要北海道3.7牛乳⽜⾻汤。 朋友唔食牛，海鲜餐啱晒佢！ ⼆人份量海鲜拼盘连任食指定三款肉(猪、⽺、鸡)。
⼀锅奶⽩色嘅汤好快就上枱，滚起梗系要试吓头啖汤先，味道都浓，好饮㖞，但如果冇加啲大葱落去可能会仲啱我地口味。
好快咁到个海鲜盘拎埋嚟，排到靓一靓咁，每款都⼤大只，⼼心眼即刻出现咗啦！尤其青口同帆立⾙够巨型，坚系好鲜好甜。
⾃己拎野食都几烦㗎，乜都想食，蔬菜、丸類、菇類、粉面乌冬通通都有齐，都好多种类，竟然有炸⿂⽪又几特别啵，仲有我好意嘅西洋菜都有，正!
⼩角位有得⾃己整天妇罗，朋友即系冲去玩。 佢话唔难㖞，有图教你逐个步骤整，朋友炸左啲虾俾我，肉质都好爽，⾃⼰炸卖相系麻麻地㗎啦，但好好玩！
因为有呢个⼩玩意，唔知系咪满场食客嘅原因呢?
海鲜食晒就食吓D⾁啦，一定要讲吓个猪⾁切到薄薄哋，真系唔知点解会咁好味⼜滑又软冇雪味。 至于⽺肉⽚，一样冇雪味但就有少少可以接受嘅⽺肉羶味。鸡⾁片呢，正常野。
如果唔怕肥，呢度有雪糕柜同有甜品架。
食到最后个肚好饱，有成120分钟时间食㖞; 最后系要赞吓侍应哥哥姐姐，好进取做野，劲快⼿又主动加汤，执枱唔洗叫全程自动波，个埸光猛企理干净亦要赞吓。
埋单前会每⼈送一个雪糕，食完火锅有雪糕降温，爽！
同朋友唔想食肉，所以嚟咗食海鲜放题，$249呢个价钱可以无限追加，我觉得都几抵呀！一去到坐低拣咗个昆布汤底，因为比较清淡，唔会盖过咗海鲜嘅味道！
海鲜拼盘嘅帆立贝同埋北寄贝虽然冇得再refill,其他嘅海鲜例如青口,虾,螺，蚬等等就可以无限refill !海鲜虽然应该系急冻，但系就十分之鲜甜，唔会话好银好难咬，无雪味之余味道都爽口，有不同海鲜同open bar，材料10分丰富，海鲜令你唔会食到闷！我觉得日式放题来讲十分之唔错，无限追加嘅青口同蚬我中爱！煮煮下令到个汤底好甜添！
由于唔系太想食肉，所以即使佢可以无限追加鸡肉猪肉同埋羊肉，我都系叫咗一次咋，肉质方面无太大嘅特别，都几新鲜，我觉得最特别嘅一个地方就系有一个烧物站，可以自己拣已经穿好的材料去炸天妇罗，好特别！10分值得推介嘅系甜番薯！系火锅咸食之中个甜甜地，外皮香脆内面香软嘅番薯真系好refresh！呢间可以encore !
