#cassiegotsuenwan
-
相信大家每区都会有自己个饭堂，即系习惯左一去个区就食果间餐厅。瘦编系荃湾嘅饭当就系「韩阁」，位置近荃湾地铁站，又系瘦编至爱嘅韩国菜，价钱又好抵食！
-
依间系荃湾好受欢迎，夜晚好多人光顾，想黎食嘅朋友真系要早啲排队。今次瘦编同朋友黎食，前菜叫左玫瑰真露鸡翼($68 6只)，系新菜式，之前未见过，都几多食，唔重酒味，有阵玫瑰蜜嘅甜味，甜甜地几开胃。
-
主菜叫左份大韩无骨猪手($92)同韩阁杂锦蛋卷($62)。韩式猪手好正，炆得好入味，肉质爽口，用生菜包住来吃好清新，可以去除油腻感。而杂锦蛋卷嘅组合都好特别，系鸡蛋卷上面加上芝士同泡菜，成个组合好match，一咬落口有丰富嘅口感。
-
味道评分▶️ (4.5)
抵食评分▶️ (4.5)
回购评分▶️ (4)
-
➡️ 韩阁 (荃湾) 荃湾青山公路275号富裕楼地下G4-6号舖
-
IG: @cassiecwy/ @cassiegetfat
FB: @cassiegotravel
OP: cuisine_revolution (Lv4)
DianPing: cassiegetfat (Lv6)
TripAdvisor: cwycassie

去唔到韩国旅行，来食韩国嘢补数呢间韩阁一到晚餐时间就针都插唔入，所以今日午饭时间来✌️呢度的店员好有礼貌，令到我哋食得更开心花多眼乱，好多午市精选套餐，价钱合理
芝士岩浆炒饭✨份量都几多吓啱晒大胃王，满满的芝士围住炒饭，佢用铁板上的，可以保持热度，芝士味浓郁又有拉丝效果
玫瑰真露翼✨卖相虽然不是很吸引，但味道非常吸引，食落有好香的玫瑰味鸡翼够滑够入味
紫菜肉松蛋卷✨表面铺满紫菜，浓浓的蛋香味

最近喺宝琳发现一间好扺食嘅韩国菜
唔只选择丰富，真材实料
仲好适合打卡

一放工去到已经有少少人龙
不过好彩仲算早
等咗一阵就入到去

芝士岩浆炒饭
炒饭落左酱油
煮到好香
饭既旁边围满咗芝士蛋
俾客人捞埋一齐食
拉丝芝士劲足料
又唔会好咸
最开心嘅就系食到最后一啖仲系热㗎

拼拼面（韩式百搭车仔面）
韩国餐厅都可以食咗车仔面
汤底，面底同都可以自己拣

叫左个蟹柳年糕拉面（蕃茄汤底）
拉面底煮得啱啱好
有口感
蕃茄汤底好香
食得出落左唔少新鲜蕃茄去煲
推介蟹柳，大件又好食

传统豆腐海鲜汤（走辣）
豆腐海鲜汤系韩国出名的名菜
惊喜嘅系呢个汤嘅海鲜味好重
而且啲虾非常大只
鲜甜爽脆
仲有蚬，鱿鱼，青口，豆腐，蛋同野菜
相当足料
所以叫左走辣都咁好饮

梦幻蝶豆花特饮
特饮冇想像中咁甜
带阵阵柠檬香味
都几清新
不过记得搅匀先饮呀

食左咁多野人均只系一百多少少
质素高又有得打卡
扺到烂

餐厅新开左冇耐
坐得好舒服
员工服务相当亲切友善
野食都好快黎到
值得再去

《芝士岩浆炒饭 $98》
个个都试招牌菜式，所以叫左2款。炒饭加入泡菜、猪腩肉、蛋、洋葱等配料，再捞匀多到好似岩浆的半溶芝士，未食已经觉得好肥仔。微辣的泡菜，半咸半甜的芝士，加埋嫩滑的腩肉片，口味好丰富。可能因为呢个加左蛋浆，食落无平时d咁腻，而且铁板够热，可以Keep住暖暖地食，怕肥都要试返次。

《邪恶拉丝猪仔脾 $98》
芝士碎同猪仔脾分开上，猪仔脾淋上蜜糖同芝麻，4件都好多肉，不过就整得干左少少，然后可以卷起半溶的芝士拉丝，软绵绵有咸香，一咸一甜真系几好食。

《传统甜辣炸鸡 $118》
叫左半份，有5件鸡胸加鸡脾，每件都大大只。觉得酱汁还好，甜辣偏甜，不嗜辣的人食呢个岩晒。可能酱汁的关系，炸皮可以再脆身d，反而鸡胸有惊喜，啖啖肉唔干唔鞋口。

《上汤牛排饺 $12》
另一张Menu有唔少特价小食，叫左款上汤牛排饺，$12有3只都抵食，馅料胜在够多有肉汁。

呢间小店提供多款传统同新派韩食，更获得2020年优秀开饭热店、最优秀韩国菜餐厅同荃湾葵青开饭热店食客落完order后就会送泡菜同醃青瓜
芝士拉芝猪仔脾($98)
猪仔脾先用黑胡椒同蜜糖醃制，再放入焗炉烤以锁紧肉汁肉质结实弹牙，完全唔韧，食落有香甜嘅蜜糖味火炉上热住4款Mix咗嘅芝士：水牛芝士、车打芝士、巴马臣芝士同奶油芝士，所以充满咸香之余仲可以拉丝，卷落猪仔脾到一齐食更加香口惹味
大韩无骨猪手($92/ 例牌)
猪手以秘制韩式卤水汁炆得好入味，食落有肉味香浓，带酱油甜味猪皮Q弹充满骨胶原，可惜猪毛未清理得干净。肉质软嫩，无骨啖啖肉超方便。可以用生菜、醃萝卜、生蒜同豆瓣酱夹住一齐食，令味道更丰富外，减低油腻感。
传统豆腐海鲜汤($52)
汤底拣咗正常辣度，饮落香辣醒胃，充满海鲜嘅鲜甜入面有大量洋葱、豆味香浓嘅嫩豆腐、弹牙嘅虾仁、鲜甜嘅蚬同青口、爽口嘅翠肉瓜片，非常足料。
秘制水梨辛辣冷面 ($58)
用咗韩国幼身荞麦面，但食落唔够弹牙而且黏埋一旧本身以为好似水冷面咁有冰凉清爽嘅汤水浸住，点知系用韩式辣酱同醋拌面，味道带微酸但唔够清新解腻。旁边有酸辣嘅泡菜、清甜嘅梨片同半只熟蛋