手摇饮品黎讲，【茶墨】可以讲系比较有心思的一间，卖相带点创意又好饮，实在值得支持下。

选择不少，水墨风/Smoothie/芝士奶盖/纯茶/冰摇茶/奶茶系列，仲可以选择牛奶或者素食豆乳。

干柠柚子茶蜜 $34
原本想试皇牌芝麻乌龙麻糬鲜奶，但系食完Dinner无耐真系饮唔落，最后拣左杯比较清爽的夏日饮品 - 干柠柚子茶蜜，Menu写住系饭后之选，味道先系带少少干柠的苦涩同微酸，后有柚子茶蜜的甜味，两者互相中和，确实系几解腻。

麻糬芋泥茉莉鲜奶绿 $39
芋泥控朋友必点之选，近排身边多左好多Friend中意食芋泥，咁就一定唔可以错过呢杯喇！芋泥口感绵密，微甜程度好香滑，仲有烟烟韧韧的麻糬，配搭一流，同埋饮完好饱肚。

已经并非首次帮衬茶墨，除了饮品款式别树一帜之外更加是值得支持的良心店舖。

比起初初开业时餐牌略有不同，但依然以一系列墨水风饮品最为特别；另外亦不少得其他蛋糕及雪糕可以加配。

虽然以外卖为主，但旁边亦有少量座位及立食位；下单付款后便可以待提示器响起再取餐。

麻糬芋泥茉莉鲜奶绿 ($39) 以芋泥挂杯营造泼墨效果，茉莉鲜奶绿茶香清幽，相对之下奶香则较为薄弱。芋泥质感顺滑但甜度稍高，不过由于茶底本身比较清新所以两者配搭起来则恰到好处，底层麻糬口感软糯并富米香。

伯爵茶意式雪糕 ($39) 口感与上次品尝的玄米抹茶味有所不同，相对蓬松而较少烟韧感，但同样软滑细腻。伯爵茶味浓厚馥郁，肉眼可见当中加入大量伯爵茶叶碎，香气扑鼻。

琴日同妈咪行街，行完就带咗佢饮茶墨。之前饮过佢最出名啲，今次就试下佢嘅奶盖。Menu有好多选择，大家不妨试试。

我地叫左焦糖芝士玫瑰茉莉花茶（少甜少冰）。佢啲奶盖同一般系出面饮嘅唔同，佢有浸焦糖香！奶盖质地好厚，好creamy。茉莉花茶好清香，同奶盖一齐饮就啱啱好，唔会太腻。奶盖亦比足3分1杯。整体嚟讲，佢嘅奶盖都几特别，可以一试～

同妈咪一人一啖，5分钟就清晒，笑左。

地址：茶墨 (尖沙咀)
尖沙咀弥敦道100号The ONE 4楼L411号舖 地铁B出口步行五分钟
麻薯芋圆茉莉鲜奶绿
麻薯同芋圆咁甜品既配搭，饮落去唔会漏，几惊喜。芋圆弹牙，口感好过珍珠。
以后又多一个选择啦

夜晚约咗闺蜜喺佐敦食饭，反正需要打发下时间咁就早啲出嚟自己行下尖沙咀！行完惊安殿堂之后攰攰地就过黎The One睇下有无地方可以坐下，因为本身想食甜品所以上到4楼见到茶墨有我钟意嘅芋泥同芝士蛋糕即刻俾佢吸引咗

麻糬芋泥茉莉鲜奶绿(少甜少冰/$39):
饮品可以拣法国牛乳或者素食豆乳，呢点对素食人仕好贴心！
我拣咗牛奶，芋泥甜度刚刚好食得到芋头嘅颗粒，麻糬烟韧有弹性，好有嚼劲鲜奶香醇带有淡淡嘅茉莉花香☺️

梳芙厘芝士蛋糕(饮品追加+$28):
蛋糕creamy又充满空气感，奶味香浓带有淡淡芝士香味，轻盈又不会太腻，好适合下午茶时间食嘅甜品