我们不支持您使用的这种浏览器。TripAdvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.
TripAdvisor
香港
发布
收件箱
搜索

“隐蔽的食堂”

发哥粥底海鲜火锅
香港排名第6,456 (共13,951家美食)
餐厅详细资料
2019年8月25日点评

今朝睇完医生,来到九龙湾打算去工厂区取我之前订落的货品,拎完后还有时间,就打算快快脆揾个地方医肚,行下睇到一张海报,以为有粥食,就跟着个海报的地址去,兜兜转转,入左去一幢工厦,入到去仲要有度门出返去,跟着好似去到一个似后巷地方,见到张海报有度门,入到去,原来系一间茶餐厅而已。再睇清海报,原来唔系有粥食,只系佢有粥底火锅,系自己搞错左。不过算啦,既然黎到就去试下啦。

地方都几大,仲好多人帮衬,所以呢度都系要搭枱食饭,我就安排左去一个卡位同人搭枱,呢度环境光猛,真系如果唔系地头虫都应该唔知有呢间野。

见餐牌有汤饭食,就叫汤饭啦,我叫左个方鱼肉碎汤饭和餐跟一杯饮品,我就叫了一杯柠檬水。柠檬水有三片柠檬,份量都够。

方鱼肉碎汤饭都几大碗,但方鱼只系切到一条条,咬落好硬,肉碎都算多,汤底我唔觉得系用方鱼一齐煲,因为汤底冇方鱼鲜味,只系一碗平平凡凡的汤饭,今日病病地,觉得汤饭都算清,病食都唔错,如果平常食就觉得佢唔合格了。

其实一碗汤饭加一杯饮品都系咁既价钱,都OK啦 !

感谢 3point3
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
撰写点评点评 (4)
旅行者评分
旅行者类型
时节
语言
2019年6月26日点评 通过移动设备发表

同老公行街街,路经这间发哥粥底海鲜火锅,见价钱都系二百几蚊,价钱合理,于是就两个人去打边炉。他的海鲜很新鲜甜,粥很甜,不错呀!

感谢 JoyceW2056
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2018年12月21日点评

前两日喺 MegaBox 食晏,回程时发现路口附近有间食粥底海鲜火锅嘅店舖,原来餐厅系新开嘅,最平 $198 已经有交易,而且新张期内仲有优惠,加送三文鱼刺身。老公一向钟意食海鲜,所以即时订咗台,趁星期五小鬼考完试,一家人嚟打边炉。

餐厅位于九龙湾宏开道景发工业中心地下,入面的装修虽然系茶记格局,但地方好大,光猛阔落,如果人多的话亦可以订房。唔好以为餐厅无人帮衬,其实系因为我地好早到,唔够 7 点已经全场满座,非常热闹。

先细心研究一下餐牌,海鲜火锅共有两款可供选择,A 餐 $258、B 餐 $198,价钱较贵嘅有生猛龙虾同蛏子皇、而较平嘅就包奄仔肉蟹同海沙白、另外仲有顶级肥牛、八款自选配料、粥底及任饮各式汽水同竹蔗茅根。问过店员,就算系两个人嚟食嘅话,都可以一个拣 A、一个拣 B,做法非常灵活,跟出面嘅餐厅好唔同。如果唔食海鲜,当然亦可以拣招牌麻辣鸡煲。一心嚟食海鲜,加上庆祝小鬼考完试,今次就一于食豪啲。

点完餐后,趁汤底未上,先外出「混酱」及自取饮品。返埋位后,刺身、粥底同海鲜都已经全部送上,哗,好丰富呀,马上开餐!主食共有 8 款,包括有龙虾、多宝鱼、海虾、鲍鱼、贵妃蚌,纽西兰蛏子皇、黄金蚬及顶级肥牛。

为保海鲜及火锅配料能以最佳口味示人,店方会于餐牌列出正确食法,而且每张台更附有三个漏斗用作计时器,做法认真细心。

龙虾非常新鲜,即叫即㓥,每位有半只,Size 比男人手掌还要大,肉质肥厚,入口弹牙爽嫩,鲜味又有膏。

至于其他海鲜亦十分对办,蛏子皇肉质鲜甜烟韧、鲍鱼大大只Q弹鲜味、贵妃蚌既爽滑又有嚼头、海虾爽口弹牙、黄金蚬很干净,食落无沙,粒粒清甜爆汁、而多宝鱼肉质亦软滑饱满,全部都货真价实。渌完咁多海鲜,整个粥底都变得劲鲜甜。

另外顶级肥牛,水准亦唔错,色泽红润,而且油脂分布均匀,食落牛味颇香,松软不韧。

至于自选8款配料方面,就拣咗日本黑豚肉、云吞、乌冬、唐生菜、顺德酿冬菇、 鲩鱼骨腩片、即炸响铃同滋补花胶。黑豚肉肉味非常浓郁、云吞皮薄饀靓又多料,粒粒都有番咁上下份量。花胶厚身软滑,入口不腥不潺。

食到最后就轮到系食粥底,店员会送芋头粒、南瓜粒、粟米粒同米饭。而烹煮方法就系先将配料下锅,煮至腍身,然后再加入粥胆。原本已经有点饱意,但见到个粥底咁绵密,亦忍唔住食咗两碗。

总结:以每位 $258 的价钱就可以食到咁多新鲜高质的海鲜,加上还有火锅配料同精华粥底,实在超值,下个月围内人饭局,一于班齐马再嚟 Encore!

感谢 mjqueen7e
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文

去过发哥粥底海鲜火锅吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页