甜记饺子🥟早前系旺角开新分店，忠实粉丝的我当然要来朝一朝圣，同大家再介绍下佢💁🏻♀️
👉 双并汤饺
(椰菜冬菇云耳并韭菜猪肉+蕃茄🍅薯仔🥔鱼汤)
餐厅的饺子一向都够晒足料大只，夹埋自家煲的无味精蕃茄薯仔鱼汤🥣，真系令人念念水😍
椰菜冬菇云耳饺🥟偏清但每样材料都非常丰富，啱晒钟意食清清地的你😋
必试的韭菜饺皮薄饺靓，不过如果钟意食特色的就会更推荐大家食芝士鸡肉煎饺😎
👉麻辣云耳
份量超多，麻辣味都非常够😂钟意食辣的你就唔好错过啦🙆🏻♀️
备注：旺角分店一向都大排长龙同好快卖晒😌，如果要食就要早d来啦😉
1 - 5 条点评，共 12 条
呢间饺子铺每次经过都排晒长龙，堂食嘅又有外卖嘅又有，今日就外卖支持下先。
买了菠菜猪肉饺（汤饺），汤底有得简鸡汤或者番茄薯仔鱼汤，每只饺子都胀卜卜，皮薄馅足，啖汤好鲜甜好有鱼味，外卖都会附赠1小盒自家制辣菜脯，食落好刺激味蕾，正呀，食完包你饱肚，仲好满足。
********************************************
甜记饺子
长沙湾昌华街23号富华广场19号地舖
********************************************
有别普通饺子店，小店主要用木系同白灰墙黎装潢，感觉简约得黎好文青，仲好光猛同舒服😌净系饺子🥟款式已经有11款🤤汤饺同煎饺一样咁受欢迎😍另外仲有面set同小食～～
.
◽️双并汤饺10甩 $46
双拼都唔使加钱啱晒我呢啲选择困难🥰汤底可以简鸡汤或者蕃茄🍅薯仔鱼汤～我简佐后者🤤每碗都会再加一匙薯仔蕃茄蓉系面😚再带啲鱼既味🙈饮落好鲜甜！虽然唔系话真系超级浓味～但觉得衬饺子岩岩好🥰仲要咁大碗!! 真系好住家feel～～完全无味精既感觉！
讲完汤底终于到主角🥟！！分别要咗frd强推既粟米芝士鸡肉饺🥟同西洋菜猪肉饺🥟😍粒粒都劲大甩劲饱满～同埋个皮唔会话好厚岩岩好🙆🏼♀️前者每啖都咬到啲粟米粒🌽好甜🥰芝士味唔会特别话好出，但真系食到啖啖都好足料同juicy🤤🤤西洋菜饺都一样55比例咁澎湃😚重点系每粒饺都会有汤底既余韵～～真系好好饮haha🙈
.
◽️煎饺子🥟面 $46
依碗就简佐鸡汤同台湾面，饮落比前者较清淡，有啲葱花调味咁～但重口味人士既我🙈再加佐啲自家制既菜莆中和返😍有少少麻辣，落完之后更加惹味🤤系我钟意既味道！面质都几爽口同有弹性～～配鱼汤应该会入味啲🤔下次试下先🙈
煎饺要佐洋葱牛肉饺🥟觉得几有惊喜😳食落牛肉味几重～带点洋葱🧅既香气！煎到金黄色😍食落外脆内软仲爆晒汁🤤点埋个酱醋真系perfert池🤤🙈
.
总结，真系甩甩饺都劲足料😍个人力推粟米同牛肉饺🤤汤底就蕃茄薯仔🥔够住家I like 🥰 出街食唔等于要热气架嘛！重点系抵食又local～
2018 即将进入尾声，在此先祝大家新年进步，身体健康，勇往向前。唔知各位计划好除夕夜去边度玩兼 Countdown 未呢？其实笔者今晚一早就已经约好咗小鬼去铜锣湾倒数庆祝，不过由于时间尚早，所以决定先去长沙湾接老公放工，然后去吃点轻食，再继续行程。
老公提议带我去吃饺子，原来佢之前嚟食过，觉得店里的饺子味道唔错，不但口味有创意，而且粒粒饱满，加上定价相宜，所以想带我嚟试下。店子喺昌华街，位置都几隐蔽下，好彩有老公带路。
餐厅设计呈长方形，店内面积不大，座位分成左右两排，左手边以四人方桌为主，而右手边就摆放了长台櫈，配上水泥墙身，装潢简洁，感觉企理舒服。
入座后先拿起餐牌细看，饺子款式都几多，有成 8 款口味，包括椰菜冬菇云耳猪肉饺、香芹芫荽猪肉饺、粟米芝士鸡肉饺、白菜猪肉饺、菜心猪肉饺、韭菜猪肉饺、洋葱牛肉饺及京葱羊肉饺，另外亦有一款季节限定的西洋菜猪肉饺。除此之外，店子亦有面餐、特色小食同饮品等供应，选择不少。原来仲可以用 QR code 扫描程式登入点餐，非常先进。
饺子全部自家制，见到阿姐坐喺度密密手包；新鲜现包的饺子果然零舍唔同，看起来粒粒饱满，既丰满又有弹性。
选了两款汤饺、两款煎饺，另外再加咗几款小食。双拼汤饺拣咗：椰菜冬菇云耳猪肉饺拼菜心猪肉饺 ($42/10只)，汤底预设为自家制鲜鸡汤，亦可以转做番茄薯仔鱼汤。据说鸡汤系用咗大量鸡壳、鸡脚同金华火腿等熬成，入口非常鲜甜，既顺喉又不油腻。椰菜冬菇云耳猪肉饺用料十足，食落爽口清新；而菜心猪肉饺亦做得很有水准，猪肉和蔬菜比例平均，不会过于松散，啱晒我口味。
至于双拼煎饺方面就拣咗：白菜猪肉饺拼韭菜猪肉饺 ($44/10只)，两款饺子都煎得金黄香脆，猪肉唔干身，食落超 juicy，吃时可蘸点桌上的秘制虾米辣菜脯，入口辛而不辣，带醃菜特有的咸香，配上油香丰富的猪肉饺子，味道一流！
食完饺子就轮到试下店里的小食，选了醉猪手 ($45)、卤水牛展、虾籽蠔油菜心同饮品热豆浆。醉猪手以鸡汤慢煮而成，皮肉嫩滑，筋位爽弹腍软，充满骨胶原，入口带馥郁酒香，非常滋味。
卤水牛展 ($38) 切成薄片，中间带少许筋膜，肉质肥瘦适中，煮得入味又够腍，入口软熟，咬开不费劲亦不黏牙。至于虾籽蠔油菜心 ($20)，条条望落去都色泽翠绿，食落唔太老，亦无灼得过火，入口清甜无渣，配上蠔油同虾籽，带渔村风味。食完饮番杯香醇的热豆浆 ($8@)，成个人都暖笠笠，感觉很窝心！
唯一可惜系今次试唔到洋葱猪肉饺同京葱羊肉饺，因为店员话呢两款饺子一早已经售罄，唯有下次再嚟碰下运气。
