星期五奖励自己食一餐好的，见到八幡屋第二位半价而且食足180分钟，正。当时去到座无虚席，人间烟火。
.
我们食了最tip tier的套餐，咁就可以一次过食所有肉类，包括澳洲M5和牛、牛肩胛、美国进口牛肉、黑豚肉、豚腩片。牛肉质素高，堪称靓牛牛，鲜红色，有好靓靓的雪花纹即油脂均匀。澳洲M5和牛很鲜美，较滑；而牛肩胛肉口感较扎实，牛肉味更香浓。
.
而且可以任点刺身：珍宝带子，赤虾，鲍片，吞拿鱼，希灵鱼，荣螺，马刀贝，赤贝，剑鱼腩，三文鱼，甜虾，八爪鱼，鲷鱼...... 都十分新鲜，上菜上得好快，正呀。
.
爱食海鲜的朋友不能错过！一入座会先送一个海鲜拼盘，唔够自己再点，有多款海鲜可以食海虾、广岛蠔、帆立贝、墨鱼滑、象拔蚌、海蚬、蛏子、日本鱿鱼、东风螺。
.
自助区火锅款式也很多，有超多款丸款，蔬菜，菇类，粉面，也有生鸡蛋哈哈！见到林林类类的食物，真的未食先兴奋呀。
.
熟食区有天妇罗及港式小食（咖哩鱼蛋、碗仔翅、肥牛），也有寿司，哗哗哗我的胃可以容纳到咁多美食吧？
服务态度几好，特别是帮手收碟的姨姨，好nice又勤快。
放题当然少不了任饮饮品、甜品雪糕，也有酒类，今晚由心甘情愿由小肚腩变大肚腩！ #八幡屋

Blue Monday 收工去旺角食好野 旺角最多就系放题 可以任饮任食用食物去减压 收工前就上网揾食边间放题好 比我揾到八幡屋经Whatapps订位有和牛买1送1 优惠 咁抵当然即刻book位啦

收工就立即落旺角 去到系门口先选择好汤底 鸳鸯锅+$20 我同朋友拣左沙嗲汤同冬瓜薏米汤 拣好量埋体温就可以入去啦 侍应先为我地落左1碟和牛同一盘海鲜仲有刺身 太贴心啦 如果再落第二转就用QR code 落单好方便另外其他丸类同蔬菜就自己拎☺️

衬水未滚 就出拎d野食同饮品先 饮品好多选择 仲有啤酒任饮 喜欢饮酒既朋友一定饮返够本 纸包、罐装、樽装样样都有满足到全部人

野食方面除左QR code 落单都仲有劲多选择！ 各式各样既丸类、面类都有！ 放晒系雪柜入面 方便拎又卫生 钟意食几多就拎几多 另一个区就有蔬菜类 同菇类

先食左第一转刺身 好新鲜三文鱼非常肥美 虽然甜虾比红虾细只 但甜虾好鲜甜好好味！ 鲍片同螺片好爽口弹牙

海鲜有海虾、青口、扇贝、象拔蚌仔、鱿鱼、螺、生蠔都系任食任叫又新鲜 叫几多真系黎几多绝对无揸摊 我地都忍唔住叫多左几转☺️

当然仲有主角澳洲M5和牛 油脂分布平均唔会太肥 因为太肥好快食到好腻 又食唔得多

除左以上呢d当然仲有炸物、烧物同天妇罗 炸物我地叫左薯角同香芋波波 薯角新鲜炸出黎 香芋波波就外脆内软 好香又好多芋泥 烧物我地就叫左番薯BB、金菇肥牛卷、烧菠萝 最出色最惊喜系烧菠萝 外面有d蕉糖 脆脆地入面就劲多汁 一咬就b晒出黎 劲juice 最后自己一个食左8件 仲有食左2件虾天妇罗作结尾 呢餐真系非常满足 为呢个星期作一个好既开始

差不多都有一段时间没有到八幡屋涮涮锅， 今天下午心血来潮与妈咪即兴去吃。 原来中午做紧优惠， 我点的和牛刺身盛宴原本每位$368＋10％✨， 现在买一送一， 非常抵吃。 首先一坐低就点我至喜爱的寿喜烧火锅汤底， 然后店员好快为我们送上一碟M5澳洲和牛、 海鲜和刺身。还可以用q r code落单或自助吧台任选食物，非常方便。食物种类有肥牛、豚肉、丸类、炸物、串烧、蔬菜、刺身，寿司、熟食，甜品、雪糕和饮品。

最令我惊喜的是薄切M5澳洲和牛肉质鲜嫩和 牛肩胛牛味浓厚，喜欢吃牛的一定要试下。 美国黑豚肉鲜味细嫩， 肉类质素很好。 海鲜类最喜欢蚬肉， 鲜甜美味。 串烧类喜欢麻吉烧， 口感烟韧。 最后甜品一定要试下港式奶茶雪糕， 奶茶味浓郁， 超正！

整体来说我都几喜欢八幡屋涮涮锅， 一次可以满足两个愿望～打边炉和刺身， 今次甜品仲比以前进步了不少。

八幡屋涮涮锅
地址: 旺角弥敦道628号琼华中心12楼

平日收费＄368。重点系买一送一！任食3小时澳洲M5和牛、牛肩胛、美国进口肥牛⋯⋯海鲜火锅•刺身放题 可以选择12:00入枱至19:00前离座。今次唔食午餐四点入座可以慢慢叹！所以真系几爽！
M5和牛真系好食，牛肉呈鲜红色，肉质均匀，记得渌3秒就OK！
其实重点系可任饮任食3小时，任食和牛火锅放题，任食牛肩胛火锅放题，任食海虾，帆立贝，广岛蠔等海鲜，任食新鲜带子，赤虾，赤贝、甜虾等10款以上刺身，仲有即叫即烧大虎虾，烧多春鱼、甜番薯、牛舌等多款日式烧物，仲有好多天妇罗选择。

3 hours All You Can Eat + Shabushabu
.
.
一间涮涮锅套餐，有齐任食放题+火锅，真系岩晒香港人口味。呢日出左旺角，晚餐突然火锅瘾起，一search之下，发现呢间日式火锅料理店，位于楼上舖都咁多人食，质素应该不差吧，充冒险精神既吃货既我 当然要去试试。
.
一坐底，店员‍♂️ 已经送上一盘刺身拼盘 (三文鱼、希灵鱼、牡丹虾、玻璃虾、带子、螺肉) & 海鲜拼盘(鲍鱼、鱿鱼、鲜虾、大蚬、蛏子、扇贝、青口) ，仲有一碟牛，超级丰富，效率真系好快呢。
.
汤底种类都好多，今次食清一点，试左冬瓜薏米汤底，满有冬瓜香既清汤底，估唔到都唔错喔，可以先喝一口汤甜。而且海鲜、肉类，仲可以不断再落单encore，出面自助区域 食材亦不段refill。仲有寿司、熟食可以自己夹。烧物 天妇罗 同样可以任食，真系一个价钱任你吃饱饱。
.
最后最后，雪糕都好多选择，有杯装 亦有雪条装。榴梿雪条、香芋椰子雪条，都系我既favor，好好味 好香浓 又重奶味。
.
.
仲比我发现 而家餐厅仲做紧优惠啊啊啊
星期一至四 $368/位
星期五至日 $388/位
.
19：00前离座 或者21：00后入座，会有买一送一和牛餐 (需收正价加一服务费)。仲唔快d 约埋朋友一齐食，来个疯狂吃火锅。
.
.
×××[八幡屋涮涮锅 -Yahataya Shabu Shabu]×××
©旺角弥敦道628号琼华中心12楼
.
.