我们不支持您使用的这种浏览器。TripAdvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.
TripAdvisor
香港
发布
收件箱
搜索

“中环茶记够怀旧,皇牌杂扒够大旧”
中环茶记的点评

中环茶记
在线下单
香港排名第2,549 (共13,951家美食)
餐厅详细资料
5周前点评 通过移动设备发表

餐厅:中环茶记 (中环)
地址:中环威灵顿66号裕荣大厦地舖

唔好以为系中环食野一定系高尚又贵格,其实中环都有好多传统同有手特色嘅餐厅,而价钱亦都较为宜人同大众化,讲紧嘅系中环茶记

皇牌杂扒 $128
$128一个价钱有齐猪牛鸡扒,仲有烟肉同珍宝肠,同点少得杂菜同薯条伴碟,每块扒都大大件,仲要每一款都肉汁多而不韧,切得好轻松,食又食得好滋味,即叫即整够哂新鲜入味,肉汁都爆哂出黎

瑶柱上汤浸菜心 $68
一碟简单嘅小菜却睇得出唔少嘅心思,除左有茶餐厅嘅味道之余,菜嘅铺排亦相当整齐,上枱时汁亦都唔会浅到碟嘅周围,剩系呢一点都值得加分啦,汤汁加上蠔油令每条菜心都入味,又唔会过浓咸,果然够水准

怀旧红荳冰 $30
一杯红荳冰除左睇佢红豆嘅份量之余,另外一样重要嘅系奶香同椰汁香嘅比重,中环茶记嘅红豆份量唔算多,但系椰香就非常突出香浓,甜滑得黎红豆香亦无被盖过,系怀旧嘅滋味

另外仲跟餐叫左杯热奶茶少奶,要知道一间茶餐厅嘅水准去到边,香港地道嘅香滑奶茶又点少得成为评分嘅准则之一呢,呢到嘅奶茶茶香醇而不涩,茶色吸引鲜明,而奶茶用嘅杯亦都无平时出面一般茶餐厅咁有崩角崩口嘅情况,抵赞

感谢 hinsonfoodhk
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.co.uk 查看原文
撰写点评点评 (19)
旅行者评分
旅行者类型
时节
语言

4 - 8 条点评,共 19 条

2019年7月30日点评

喺中环返左好多年工,最近一年先搬离此地,但依然挂住呢区既美食。话说中环美食选择多,但价码同地价成正比,要揾到CP值高既餐厅并唔易。

近日同女友返来行下,发觉X华条街多左间几有趣既茶餐厅。近年好多茶餐厅都愈来愈注重装潢,但好多食物水准一般,好多都系得个样!

但呢间就完全唔同,系从内涵上convince到我。

呢间野既舖位以前系一家占地3层既餐厅酒吧,冇做后原址全部变成呢间茶餐厅,所以净系讲面积都大过人。怀旧得过份既装修好似带我返去80、90年代黄金时期既香港,倍感亲切;更值得表扬既系连餐牌上所有食物都仿佛时光倒流咁,我可以食返果阵时周街都系、但依家近乎没落既鼓油西餐。

经典之一系果时好兴既铁板牛扒餐——女友叫左一份香煎西冷扒5成熟,厚切既西冷用铁板上,Waiter会喺你面前淋黑椒汁,即时烟冒弥漫,块扒腍得来质感很好,浓郁既肉汁非常入到块牛扒,肉香亦不俗,绝对高质过以前既扒X之王,薯条系用旧酒楼食到既扭纹粗薯条,炸得香脆可口。整体对得住个价钱。

另一经典系小弟叫既肉丝炒面,同样系用铁板上!面饼炸到脆一脆,正!令我惊喜既系啲银芽全部都搣得干净,呢点好多高级餐厅都做唔到。肉丝、冬菇、韮王等材料都好传统,如果有芥辣酱就Perfect。

要讲怀旧,呢度既饮品更有Feel。我试下嗌左杯「薄荷朱古力」相信依家好少地方有得饮。睇卖相已非常IGable,饮啖真系不得了,平时唔系太好薄荷既我都觉得好饮,两种带苦既野冲出来既饮品,竟然完全唔苦,而系衍生出另一种甜。从来唔知薄荷同朱古力可以咁水乳交融!

感谢 jinjer0715
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年7月28日点评 通过移动设备发表

最近去左中环茶记食晚饭,呢间茶记原来除左有一般茶餐厅食物,好似常餐,西多士d之外,仲有小菜食架
今次就叫左以下几个小菜
麻辣鸡煲- 鸡够滑,麻味都够,少少辣,几惹味
瑶柱上汤浸时蔬- 有得拣白菜仔或者芥兰,我地就拣左白菜仔,有少少瑶柱丝,上汤都有瑶柱味架
美极大虾- 个虾头好大呀,只虾炸过好香
咖哩牛肉配葱油饼- 咖哩唔太辣,但够香,配埋薄饼好食呀
另外仲叫左例汤,青红萝卜猪骨汤
同埋饮热柚子蜜☕️

感谢 bobochan111
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年7月20日点评 通过移动设备发表

中环茶记- 怀旧茶记风

中环老兰附近的一间茶记,特别的是怀旧的装潢,例如招牌霓虹灯光、香港旧照片、复古的墙身地板等等,完美表现出老香港的特色。

香煎美国西冷牛扒
皇牌铁板餐系列,五成熟的西冷牛扒,牛扒厚度十足,啖啖肉,肉质腍身,油脂分布好,再配上蒜蓉汁和脆炸薯角,令铁板餐更加完满。

秘制无骨猪手饭
偏向泰式的猪手饭,切片的猪手,连皮的猪手入口溶化,再配上酸菜和三色酱料,分别是甜豉油、姜蓉和泰式酸辣酱。

照烧鸡扒饭
香煎过的大大块鸡扒,鸡皮煎得脆身可口,内里鸡肉嫩滑,再配上惹味的照烧鸡汁。

冻奶茶、龙凤懧碧
经典饮品,咸柠和柠檬加上雪碧的特饮。

1  感谢 justforshan
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年6月8日点评 通过移动设备发表

喺好耐好耐之前,我哋成班男仔放工会落兰桂芳Happy Hour,饮吓酒,倾吓计。到依家,我哋拍拖嘅拍拖,成家立室嘅成家立室,做爸爸嘅做爸爸,所以依家嚟兰桂芳系去中环茶记Happy Hour,饮吓柠茶咖啡,再边食港式炒粉面饭,再详谈近况,开心其实可以好简单。

香煎美国西冷牛扒
牛扒叫咗三成熟,靠热辣辣嘅铁板烧到五成熟,牛肉厚切抵食,鲜嫩多汁。配菜有薯条及蔬菜,好丰富。

咖喱鸡球配葱油饼
咖喱嘅椰香味浓,好香滑又唔会太辣;而鸡肉份量多,够嫩滑,仲有索晒味嘅薯仔,好腍好入味。而葱油饼就同咖哩系最夹。

芥兰炒肉片饭
中式选择都唔少,我哋就叫咗芥兰炒肉片饭。估唔到芥兰份量好多,而即即叫即炒,够晒镬气。

咸鱼鸡粒炒饭
咸鱼咸香味够晒惹味,咸香味道啱啱好,饭底干爽够镬气。

怀旧雪兔
大家都由大男孩变成大男人,当一人一杯咖啡奶茶嘅时候,最童真嘅我就饮雪兔,雪兔其实即系杂果宾治,够解喝。

中环茶记
地址:中环威灵顿66号裕荣大厦地舖
电话:+852 2387 2002

(记住Like同Share畀朋友)

想紧贴A姐M佬嘅吃喝玩乐资讯,快啲Follow埋下面嘅Channel啦!
Facebook:A姐M佬 玩乐日记
Instagram:AandMDiary

感谢 aandmdiary
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文

去过中环茶记吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页