今日lunchtime去左北角个边觅食，点知周围都劲多人，同行4人见呢间有位就即刻入左去，费事要等位
——————
原来餐厅有两层，我地张枱系间房仔入面都几好坐，亦唔算太嘈🙆🏼♀️
🥡泰式炒金边粉+热柠茶$63🥡 (7/10)
佢地lunch set都几多选择，价钱多数都系50-60之间，不过就净系包碗汤，冻饮热饮都系要加5蚊。我就叫左个pad thai炒金边粉加杯热柠茶🤓🤓～先上左个汤，个汤就麻麻地啦，偏咸，我就饮唔晒🙈不过估唔到个pad thai食落都几唔错，面身唔会太淋，味道都够，系偏甜偏蕃茄酱味既个种pad thai，虾唔算好弹牙但系都比得多👶🏻overall真系唔错，要嫌既就系佢冇比辣粉我地自己选择捞唔捞入粉到，所以冇得比我加辣😂
价钱正路，位置阔落，系午餐不错既选择👍🏻
———————
😋味道：6.5/10
🤵🏻服务：6/10
💰抵食：6.5/10
⏳排队时间：0分钟
1 - 5 条点评，共 9 条
路过渣华道，被餐厅里面一张poster吸引左，所以就入咗嚟食晚餐,入到去才知道原来铺头嘅名，係因为餐牌入边可以叫到不同种类嘅东南亚美食见称的
入到黎座位嘅舒服，牆上亦有悉心的佈置,餐牌亦是特别设计，仲响第一版就介绍咗乜嘢係为之东南亚食品,一坐低未点菜之前，已经听到隔离枱嘅外国人，不断称赞啲嘢好好食，都几期待啦呢
最后点左：软壳蟹捞檬$68 (另可选择捞麵),马拉盏炒贵妃苗$48 (另可以改蒜蓉炒）, 巴东牛肉配印度酥饼$68 (另可配白饭), 同埋芒果糯米饭$48
第一次食贵妃苗，其实唔知係咩菜，但个好惊好似幼条既芽菜,未到就有啲似豆苗，都几得意，平时出面食嘅马拉盏味道都比较浓，但今次呢个贵妃苗味道不会太浓烈，可以食返菜嘅味道，几适合香港人口味
另外值得一赞嘅係印度酥饼，虽然成个菜式好邪恶，但係酥饼发出阵阵的牛油香，点埋咖喱汁真係绝配呀🤩
甜品亦列出心思要雪糕杯装上芒果糯米饭，芒果冻既，糯米饭同椰汁佢出奇地热腾腾，加上浓郁嘅椰汁浸住饭，卖相真係好似雪糕呀，舀一匙羹先见到入边嘅饭粒，味道不错呢
总括而言这是一间味道不错，价钱相宜的餐厅，值得推介
小弟喜欢试新野，今晚就在北角渣华道90号地下试试新开张约5个月的南洋面屋美食。南洋面屋近北角地铁站和书局街，交通方便，游人如鲫。餐厅地方宽敞，布置简洁，墙身有大小挂画，感觉新鲜，环境舒适，而且还有阁楼雅座。南洋面屋主打南洋美食，有一本像小图书的餐牌，外型美观吸引，印刷精美。
南洋面屋有多款饭类，如泰式海南鸡饭、泰式猪手饭、马沙文咖哩牛腩配饭或印度酥饼、南洋肉骨茶、菜类、招牌自选汤粉、捞面/捞檬、小食、沙律、甜品和饮品等等，选择丰富。坐下叫了泰式海南鸡饭，半价追加椰汁冰，另叫了一客小食焗蒜蓉包。
泰式冇骨海南鸡饭套餐配例汤和油饭，海南鸡经上汤浸熟，鸡肉嫩滑入味，鸡皮肥美，不觉腻口，鸡味丰富，配上酱料，更加惹味。油饭够亁身够油水，饭粒晶莹剔透，饭香扑鼻兼有嚼口。例汤热烫，入口润喉。
小食焗蒜蓉包一客有4块，虽然大块兼厚身，一样焗得金黄松脆，加上阵阵牛油蒜香，热辣辣的焗蒜蓉包，吃不停口。
半价追加的饮品椰汁冰，椰子味浓郁香甜，冰冻解渴。最贴心的是餐后还有精美好味的小甜品泰式大菜糕奉送。
南洋面屋的食物水平不错，而且都是街坊价，真是经济抵食。
自从调咗去新蒲岗上班后，已经有接近两年无返过嚟总部，趁这天要来北角上 Seminar，下课后，决定先到区内逛逛，然后再去附近吃点东西才回家。沿着渣华道往前走，喺「日本城」旁边发现这间「南洋面屋」，见门外的木架放有餐牌，走近细看，原来餐厅主打东南亚菜，有海南鸡、叻沙、冬荫功、檬粉类同多款小食可供选择，而且价钱颇经济，几十蚊已经有交易，一于内进试试。
餐厅位于渣华道市政大厦对面，店内地方不大，属小店格局，但设计富心思，墙身上挂有色彩缤纷的画作和装饰，富东南亚风味。
餐牌设计得非常精美，尤其是那些菜肴，拍摄得栩栩如生，令人食指大动。另外凡惠顾餐牌上的所有食品，都可以用半价点饮品，非常抵食。一个人吃得不多，一菜一肉，再加杯饮品，已经足够。
先来的马沙文咖喱牛腩 ($68) 以托盘呈上，牛腩可以配白饭或印度酥饼，选了后者。成品上桌时还附有冬瓜汤，汤品微暖，入口清甜不腻。牛腩大约有 6 件，份量不少，而且焖得火候十足，入口极软腍，食落啖啖肉。至于配料方面就有薯仔、洋葱同红椒。咖喱汁香味四溢，辣度不强，味道毫不攻鼻，反而带浓烈的椰香，十分好吃。印度酥饼新鲜出炉，外脆而内烟韧，牛油味很浓，用来蘸点咖喱汁吃，非常美味。
马拉盏炒贵妃苗 ($48)，贵妃苗非常翠绿养眼，幼嫩新鲜，加上用马拉盏炒，咸香惹味，令人吃不停口。
食完饭饮番杯咸柠檬七喜 (+$13) 成个人爽晒。虽然这晚吃得不多，但两款菜式都做得不错，睇得出店主很用心去经营，而且店员亦很随和有礼，服务态度很好，绝对值得支持。
