好挂住好挂住好挂住日本啊！而家观望下半年可以起行啦✈️

未去到都要解乡愁，真日本无得去，就去个港版日本居酒屋顶住先~

位于尖沙咀南瀛水产，美食选择繁多，食个靓LUNCH都拣到我花多眼乱，大量新鲜海鲜选择，即拣即整够哂鲜味，千拣万拣终于拣咗好几样精选慢慢叹

先来前菜 #海鲜沙律，第一次食鱼生沙律，好新鲜好好味啊，估唔到角切鱼生用嚟整沙律几正，食完真系好开胃，准备好味蕾品尝接落嚟的美食～

然后上枱的是 #黑松露鳗鱼卷，黑松露酱配肥美鳗鱼，钟意食鳗鱼真系唔可以错过，味道层次丰富，切好的鳗鱼形状完美配搭寿司卷，夹起都唔会咁易同旧饭分离，易食又好味。

食完味道丰富的鳗鱼，接住是 #平目刺身，味道清淡，但鱼质弹牙爽口，记得配合餐厅特有酸酸的酱汁，酸酸甜甜突显平目鱼鲜美。

最惊喜是紫菜包裹着的 #海胆天妇罗，人生中第一次食如此煮法的海胆，非常特别，平时食海胆我都好惊会腥，但用海胆来整大妇罗就唔需要担心呢个问题嘞，完全无腥味之余，仲好香口，食落口后再慢慢涌现海胆鲜味，好正!

来到南瀛必点 #蚧味噌甲罗烧，蟹盖上有蟹膏、蟹肉、蟹籽加埋鹌鹑蛋，相机先食，然后店员再直接系你面前上炉烧热， 未食已闻到浓郁蟹味，我至爱食蟹，未食已流哂口水，煮好放响面前啖啖蟹膏蟹肉，简直是享受

水产当然唔小得食烧海鲜，超新鲜劲大只 #生蠔，生猛 #活鲍鱼即烧即食，日本回忆返哂嚟，新鲜海鲜唔洗点调味已非常鲜味可口，日本菜食环境食味道，南瀛通通都做到，日本就未去到，南瀛止下渴完美胜任❤️!

如果只可以俾你拣食一样嘢
你第一时间谂到嘅系咪同我一样
都系最想食日本菜呢
上星期去左食南瀛水产
最心心眼嘅 当然系矶烧海鲜啦
·
软壳蟹沙律  HKD$98
首先梗系要食返个沙律清清味蕾先，哩个沙律好开胃呀 加左醋同沙律酱，味道酸酸甜甜，即刻醒神哂 软壳蟹炸得酥酥脆脆，好大只而且啖啖肉~
·
真鲷刺身  HKD$238
真鲷鱼肉切得超薄片 晶莹剔透薄到可以透光，可见师傅既刀功手巧
·
活贝盛合  HKD$428
食豪啲叫左个活贝盛合 有齐鲍鱼、生蠔、扇贝及蚬 一上台已经俾佢吸引住，就咁望已经feel到佢有几新鲜，仲要全部都系大大只size 有店员帮手烧最贴心❤ 店员同样系手巧俐落，唔洗三两下已经几佢地烧好 鲍鱼烧完都仲咁弹牙 烧生蠔啖啖肉好鲜甜 食完个心即时溶化了，依家都好挂住呀
·
蚧味噌甲罗烧  HKD$156
甲罗烧永远系我至爱❤ 蟹膏、蟹籽同蟹肉加埋鹌鹑蛋，简直系完美既组合混合埋一齐烧到少少起泡，超级creamy 加入蟹籽口感更佳，矶烧后蟹膏味道更加突出，好幸福呀
·
黑松露鳗鱼卷  HKD$268
卖相吸睛既卷物 厚切鳗鱼舖喺表面，感觉好澎湃 清新爽脆既青瓜搭配甘香软腍既鳗鱼，好好味呀
·
唐扬炸鸡  HKD$68
炸鸡整成超大粒波状⚪ 咬开热辣辣仲冒紧烟，里面既鸡肉份量好多，脆卜卜且肉质鲜嫩，正呀
·
牛肉乌冬   HKD$78
好大碗，够2个人食！热腾腾既乌冬♨️ 秋冬食佢啱哂，乌冬若果硬身啲口感会更好呢~
·
乳酸梳打 $58
白桃梳打 $58
·
南瀛水产
尖沙咀金马伦道5号太兴广场5楼

这次去到一家人气不错的日料店舖吃东西，连静静的朋友们也推介的❤。餐厅位于尖沙咀金马伦道，店舖环境挻大而且挻美的，近厨房位置还会看到一大座鱼缸养活着各款新鲜生猛的水产。
-
东瀛五点盛 HKD$368，食物包括：三文鱼/油甘鱼/吞拿鱼/带子/赤虾。鱼生卖相新鲜，味道鲜甜挻好。不配酱汁吃也吃得到鲜甜，静静最喜欢吃油甘鱼和三文鱼呢。
-
矶烧水产 HKD$68/起，我们点了活鲍鱼/帆立贝/大虾各2只，职员会代为弄熟食物。桌子的另一边就有炉具，看着食物慢慢熟透，香气慢慢飘出来。食物新鲜所以简单的调味，然后再直接食用已经很棒了❤。
-
唐扬炸鸡 HKD$68，一份有4件炸鸡，卖相是圆碌碌挻特别的。炸鸡外样香脆，肉质嫰滑不油腻。底下还有沙律酱可以拌著来吃。
-
野菜乌冬 HKD$68，这个乌冬很大碗，可以两个人分享来吃。面头铺满野菜和野菌，味道虽然简单但感觉不错，乌冬口感适中挻烟韧。
-
自选饮品 HKD$58起，点了巨蜂提子啤酒和白桃梳打，两杯饮品味道也挻好。吃日料来杯冰冷的饮品挻不错，虽然天气转凉，但间中来一杯也不太过份吧。

星期日终于抽到时间嚟食南瀛水产啦 食物高质，款式丰富，烧海鲜、刺身、寿司、佐酒小食、天妇罗、丼饭、炒饭、沙律等⋯通通都有！

柚子梳打（$58）
巨峰梳打（$58）
一坐下首先叫两杯嘢饮，冰爽清凉，柚子和巨峰味都突出而且，佢哋仲有好多不同饮品、酒类

冲绳烟肉菠菜沙律（$88）
菠菜新鲜爽脆，轻怡沙律，冲绳风味，清新可口

黑松露鳗鱼卷（ $268）
一味很出色的熟寿司，成条鳗鱼舖在上面， 口感和味，鳗鱼超厚，豪华澎湃，中间青瓜爽脆，一流卷物！配搭一百分！

蚧味增甲罗烧（$156/2只）
必叫！我最喜爱的甲罗烧，蟹盖上放满蟹膏、蟹子、蟹膏、鹌鹑蛋和青葱 ，店员会在食客面前直接烧，味道十分香甜浓郁！

烧活鲍鱼（$156/2只）
食店内有个鱼缸，养了满满的活鲍鱼，鲍鱼上桌时还在动！店员会在食客面前以味碄和清酒烹调活鲍鱼 ，爽滑弹牙，味道极之鲜甜！推荐！

杂锦天妇罗盛合（$198）
超出色炸天妇罗，炸衣羽毛般轻薄，脆口
除了炸虾，最喜出望外是吃到炸鱼，鱼香口中四溢

鳗鱼炒饭（$168）
珍珠米吸收鳗鱼汁，同时保持粒粒分明，酱汁包裹着每颗饭粒，鳗鱼量多，啖啖足料

能够做到一人之境既精要，首先你对凡尘再无牵挂，
无欲则无求；你会开始发现所有野都可以用
平常心黎看待，一切是与非、喜与乐都唔再
重要。唔好FF咁多啦…到日日宅系屋企，
食好野既机会都无，咁高境界我真系做唔到。
好似呢间「南 瀛 水 产」咁高质素既日式
居酒屋，试问一人之境又点会体会到
果种喜悦同快感呢？
-
サ ラ ダ -
▪ 海 鲜 サ ラ ダ - $88
▫ 先黎个「海 鲜 沙 律」有助消化之余，
仲可以为之后既美食打返个底。用上大量
三文鱼切粒配上柚子醋，入口酸酸甜甜，
好清新既一道开胃菜，唔错。
-
渔 师 の 刺 し -
▪ ひ ら め 薄 作 り 刺 身 - $238
▫ 再黎来自北海道既「平 目 薄 切 刺 身」，
师傅刀工细腻，表面睇落透光度高，
每一片厚薄均一。而食落鱼肉味道清甜，
配上三文鱼籽多左一份咸香既层次，
相当好食！
-
乌 冬 -
▪ 牛 肉 う ビ ん 荞 麦 - $78
▫ 热食黎讲我几钟意呢个「牛 肉 荞 麦」，
先讲每一块牛肉厚度十足，生熟程度
岩岩好，唔会话太韧亦唔会太干身；
荞麦面亦唔错，入口滑溜，配搭汤底既
加持，入口特别鲜甜，食得过。
-
炉 端 焼 き -
▪ カ ニ 味 噌 甲 罗 焼 き - $78
▪ 大 え び 焼 き - $68
▪ ホ タ テ 焼 き - $78
▫ 每次黎到居酒屋我都必点既「蟹 味
噌 甲 罗 烧」，呢到亦无令我失望。
同样Staff帮我地将蟹膏、蟹籽、鹌鹑蛋、
葱花一路搅拌同埋全程细心咁来回帮我地烧，
呢个已经抵赞。食落蟹味浓郁，咸鲜味丰富；
另外嗌多份「大 海 老 壳 烧」、「帆 立 贝
壳 烧」，大虾烧过质感爽弹，亦唔会太老，
Staff烧惯烧熟，无难度；而帆立贝相当新鲜，
系烧既过程Staff已经帮我地调味好，
唔需要额外点酱汁入口已经好好食，
保留原始鲜味无得顶！
-
酒 肴 一 览 -
▪ ほ た ろ 乌 贼 冲 渍 け - $58
▫ 令人精神一振既佐酒小食「酒 酿 蛍
乌 贼」，入口润滑鲜嫩，每一啖都食到
果份鲜味，一啖鱿鱼一啖梅酒，
口感可以话系最夹既！
-
特 色 卷 -
▪ う に か に 身 卷 き - $228
▫ 充满日式风味既特色卷「云 丹 蟹 肉 卷」，
用左海胆覆住系卷物上面，就咁睇已经
好吸晴，海胆食落浓郁鲜甜；而蟹肉
连埋珍珠饭一齐放入口，果种满足感
真系食过你就知咩料！
-
天 ぷ ら -
▪ 天 妇 罗 盛 り 合 わ せ - $198
▫ 炸物亦有惊喜，呢个「什 锦 天 妇 罗
盛 合」，包括大虾、秋葵、鱼、茄子、
冬菇。每一款都炸得相当薄脆，入口
脆卜卜之余，唔会有好油腻既感觉；
配上自家制既天妇罗酱汁，
真系食到停唔到口呀！
-
梅 酒 · 烧 酎-
▪ 梅 酒 ソ ー ダ - $58
▪ 梅 干 し 烧 酎 - $68
▫ 饮品我地分别拣左「梅 酒 梳 打」、
「梅 干 烧 酎」，前者梅酒梳打头果啖
清清地，慢慢渗透住梅酒既香甜，好特别；
以Highball杯盛载既烧酎充满住梅干既香气，
酸甜味适中，几易入口，认真唔错。
-
南 瀛 水 产
尖沙咀金马伦道5号太兴广场5楼