今日过咗嚟铜锣湾行街，行经京都广场，见到呢间老锅台式火锅好吸引，见到个麻辣火锅即刻好有食欲，所以上咗去食lunch☺️

汤底方面拣咗老锅秘制麻辣锅 ($158)，非常有质素，同想像中一样咁好食，一上台麻辣嘅香味已经扑面而来，未食已经留晒口水🤤汤底辣得好味，麻得好过瘾，仲有满满嘅蜂巢豆腐同鸭血，索晒香浓嘅辣汤，超级惹味，同埋好推荐动L动L嘅鸭血，超超超好食，同麻辣锅简直系perfect match💛

火锅料方面叫咗美国梅花猪肉($118)，切片厚薄适中，令到咬落去嘅口感好丰富又唔会太over😋，而且肉味都好浓郁；老锅丸饺井字盘B[蛋饺、墨鱼丸各四粒]($98)都好高质，蛋饺皮薄，内馅入味，另外墨鱼丸新鲜弹牙，煮耐咗都唔会好老🤤；宽粉条($48)同松叶蟹棒($58)都系麻辣底嘅必选，挂汁能力一流，香浓惹味，一啖接一啖停唔到手🥰

饮品方面叫咗两罐健康啲嘅选择——冷泡白桃乌龙茶($28/1)，淡淡嘅白桃香完美融入到乌龙茶底，中和咗茶底嘅浓烈，配搭麻辣火锅都系一个nice choice ，同埋啱晒茶迷嘅我🍵

餐厅空间感好足够，卡位嘅分隔做得好好，私隐度好高，可以放心食，而且台面同用具非常干净，食得好舒服，staff都好好人，服务态度一流，会再encore👍🏻

老饕酸菜白肉锅
佢哋有秘方醃制东方大白菜丶极品猪王花腩丶寛粉条丶粟米丶蕃茄丶香菇丶葱段；宽粉条同酸汤好夹，不其然一碗再一碗。

涮锅小羊肉片
拣羊肉，因为唔易致肥，小羊肉片肉质软嫩，少少膻，放入酸锅涮涮，再轻点酱料，不错

老锅丸饺井字盘
虾丸丶鱼肉小汤包丶鲜虾云吞丶鱼皮饺
各2件

台湾蒜香肠
好有台湾风味，口感较港式香肠紥实，蒜味适中

乌梅汁
味道浓，生津止渴，消暑开胃，乌梅有抗菌作用，有助降血压血脂，消除胆固醇，打边炉饮就最啱喇

杭菊露
味道清甜，清热解毒，明目养肝

台式火锅这几年大行其道，己深入港人心。今晚约了友人去了一间台式火锅店，位置于铜锣湾，非常方便。
平时食开的鸡锅，美人锅，感觉己闷闷地，今晚试了新嘢「酸菜白肉锅」。
材料有酸菜，粟米，菇菌，薯粉，酒香白肉⋯⋯好丰富啊！
汤底酸酸咪咪好开胃，尤其薯粉吸尽汤底精华，滋味。
梅菜猪肉丸有嚼口，梅菜的咸香跟猪肉夹味。
响铃水准不错，不油不腻。
又试了一款台湾面，原来有两种面质，粗幼不一，吃起来有点似米线，不防试吓！
食火锅点都会燥热，饮番一杯杭菊露立即下火。

入座前先量体温，设有酒精搓手液，检查有无检疫手带，有的话恕不招呼

枱与枱之间距离有1.5米，安全措施做到足

仲提供热水冲洗餐具，令客人食得安心

呢排无得去做Facial，想皮肤质素唔太大变化，唯有要从饮食入手! 火锅都可以令你变靓D，女士们诚意推介呢个胶原蛋白美人锅，材料相当丰富，包括原只乌鸡配以桃胶，杞子，红枣，南枣等药材材料及金华火腿老火肴制汤底

桃胶含丰富胶原蛋白，多食对皮肤好，另外乌鸡滋阴补虚劳，侍应帮忙剪开一件件，连汤一齐食，啖啖药膳味道，好食又好饮!

呢客美国梅花猪肉，排列成卷状，肉色靓仔，脂肪分布比例为三七

由于切成薄片，猪肉都无需烚好耐，入口肉质松化，食到脂肪嘅甘香味道又唔会太过份

每只都涨卜卜嘅鱼皮饺，放入汤底浮起就食得

外皮烟韧，配埋葱粒加添清新味道

食到兴合合，当然要有杯冻饮缓冲一下，唔想饮汽水，就试下呢杯杭菊露及樱花茶，味道甜甜地，点都健康正气过饮汽水啦!

呢度有多款小食提供，呢客夜市炸臭豆腐，配以甜酱及酸菜伴食

热辣辣炸起，先点甜酱，入口唔会油腻，"臭"嘅指数轻微，但好味指数就好高

侍应话夹酸菜一齐食可中和腻感，豆腐热与酸菜嘅冻感，双重味道与温度，又掂㖞!

即叫即炸嘅响铃卷 (唔记得影相)........放入汤几秒就食得，外软内脆，火锅必备!

今晚嘅蔬菜类由呢客降火冬瓜片做代表，切成一定厚度，唔会烚熟后变碎件

冬瓜片变腍后索入汤，食时汤汁咇入口中，原来都相当好味道㖞，又有下火作用

台湾有名嘅新竹米粉，呢度都食到，用够味汤底就咁烚黎食都好味，够口感又饱肚

疫情严峻之下， 与妈咪到铜锣湾买些日用品， 顺便食埋晚饭就赶快回家。 到地点方便的骆克道京都广场老锅台式火锅， 入到餐厅门口店员非常谨慎做足防疫措施👍🏻， 首先有酒精消毒双手，体温测试， 再检查我们有没有手带， 最后还要擦一擦鞋底才进入店内， 在这段时期做足卫生措施，感觉非常细心和安全。

其实之前都食过老锅台式火锅， 就是因为地点方便，所以今次又来。 首先就点了一个美人锅， 因为太肚饿的关系，所以点了款小食盐酥一口豆腐， 然后到火锅配料和饮品～美国梅花猪肉， 墨鱼丸， 千张豆叶纸， 唐生菜，王子面， 冬瓜茶和樱花茶。

🔴美人锅～ 锅底有原只乌鸡， 桃胶，杞子，南枣和金华火腿淆制而成， 滋阴养颜， 啱晒女士们。

🔴盐酥一口豆腐～ 外层酥脆里面软腍， 一啖一口，正！

🔴美国梅花猪肉～ 打边炉经常都会点牛肉， 有时食到闷都可以转下， 梅花猪肉肉质新鲜， 嫩口好味。

🔴墨鱼丸～ 手打墨鱼丸口感烟韧。

🔴千张豆叶纸～ 味道有点似腐皮， 放入汤底大约用十秒时间已经可以吸晒汤底的味道， 第一次吃这一款，味道唔错。

🔴唐生菜～ 打边炉点少得吃菜呢， 唐生菜新鲜爽口， 打边炉必备。

🔴王子面～ 今次试下王子面， 跟公仔面的感觉差不多。

🔴冬瓜茶和樱花茶～ 两款茶都不算太甜， 入口清凉解渴， 打边炉一流。

间中都会约朋友到老锅台式火锅打边炉， 个人感觉价钱经济，食物质素又几好， 今次仲见到防疫措施做得好足，令客人食得放心。😚

老锅台式火锅
地址: 铜锣湾骆克道491-499号京都广场2楼