每次经过La Famille的蛋糕柜都会被吸引过去，原来用玻璃瓶盖著蛋糕是有保持戚风蛋糕湿润和干净的作用，也实在增添不少颜值 :P 这次终于忍不住买了一人一个奖励自己和家人！本以为戚风蛋糕会像空气一般，但这里的质感软绵得来不会轻飘飘，而且上面的水果或脆饼等配料十分真材实料，一个蛋糕其实可供二至三人分享，非常抵吃！味道方面也十分特别，每一款也会有特制口味的忌廉去配搭，实在有心思<3

其实呢间戚风蛋糕专门店la familie 既小蛋糕我谂大家都买过，因为好精致而且CP值高～
佢哋嘅戚风蛋糕松软而且有回弹感，软绵绵空气感十足！今次行过IFC又忍唔到买左几个返屋企食🤤🤤

今次拣左白桃，法国玫瑰、青森苹果吉士红茶同榛果咖啡朱古力呢五款。

法国玫瑰： 真系好浓玫瑰味而且卖相好靓~~~至于味道同土耳其啲turkish delight 玫瑰糖味一样！ 两老话有啲过浓，我就觉得几清香hahaha!

白桃：上面好多桃肉，一啖桃肉加北海道忌廉，好香一啲都唔腻，正呀～～

开心果：呢个大人气item, 梗系一定要试啦！入口真系好有开心果味，再加埋士多啤梨 好好味呀～～～

青森苹果吉士红茶：其实我系冲住青森苹果而拣佢，上面好多苹果肉，同下面红茶底好夹 两者一甜一淡茶香 刚好互补返～～
榛果咖啡朱古力：两老就最钟意呢个味，因为好浓咖啡味！再加埋榛果好鬼香！

前排连续几日早餐都食大大旧台式古早味蛋糕，食到厌，要过一过冷河先掂，今次黎到La Famille，食返d无咁腻嘅戚风蛋糕。蛋糕轻盈松软，味道较清新，食两个都唔会饱，仲不时有期间限定味道，可惜下午去到已经卖晒，唯有食其他常驻口味。

🍴焦糖完熟香蕉 HK$54
焦糖配香蕉，仲要系完熟香蕉，睇个名都觉得甜死，食落又唔系㖞，淡淡焦糖甜味加上香蕉香气，仲食到d香蕉蓉，比例刚刚好。

🍴英国伯爵茶 HK$54
伯爵茶味道唔算浓，茶味唔系一啖就爆出，茶香较甘醇，要一啖一啖品尝先渗出芳香，记得慢慢细味。

🍴双重朱古力 HK$54
食完两款味道较低调嘅蛋糕之后，轮到浓厚朱古力出场。用左两种唔同浓度嘅朱古力制成，蛋糕底味系无咁浓嘅朱古力，再加上较浓郁嘅冧酒朱古力忌廉，甘甜配酒香，令人陶醉，表面嘅朱古力脆脆亦都增添不少口感。

🍴盛莓蓝蝶 HK$54
名符其实，「盛莓」由士多啤梨、蓝莓、覆盆子等多种莓类制成，不过我就唔太好莓类所以无食，朋友就话酸酸甜甜，味道几有层次，而夺目嘅紫红色系来自天然蝶豆花同紫罗兰，可以放心食。

📍La Famille
中环港景街1号国际金融中心商场3楼3098B号舖

La Famille近年系香港愈开愈多分店，以轻形、清新的戚风蛋糕取胜，玻璃柜内一个个蛋糕用高身保湿玻璃罩盖著，有一份华丽典雅之余，从味道上是希望可以保持最佳的口感🤤

今次去到中环IFC分店，不设堂食，店方没有附上冰袋或冰包，建议室温放1小时内就食，虽然是外卖店，但好多人光顾，我4点左右去到，大部分既款式已经清空，好在早一步到，如果唔系连朱古力味都冇埋🙈
－－－－－－
1. 榛果咖啡朱古力 $54
外型非常精致😍仲有一粒榛果朱古力上面，蛋糕咖啡味比较重，钟意咖啡既朋友一定很喜欢，香醇咖啡再配上榛子坚果的香气，两者相当之夹，而且整体甜度唔高，唔会好腻

2. 英国伯爵茶 $54
伯爵茶系其中一款很受欢迎既款式，蛋糕内有伯爵茶碎屑，充斥住伯爵茶香☺️清香而不涩，奶油忌廉轻滑不会过甜，蛋糕绵密湿润，仲有马卡龙做装饰，低调而典雅

3. 香浓开心果 $64
整个蛋糕都系绿色，蛋糕内有一粒粒开心果碎屑，提升了开心果味道之余，又增添左不少口感，蛋糕上仲有士多啤梨作点缀，万绿丛中一点红，简单得黎又几突出😌

4. 双重朱古力 $54
作为朱古力控不能不叫双重朱古力🥰真系好好食，一切开蛋糕里面有一层朱古力馅，有点似幕斯，质地软滑，朱古力味香浓，仲有一粒粒既朱古力脆脆，口感丰富，必试呢款👍🏻

最近朋友同我一齐去咗位于中环 IFC 嘅 La Famille 拣蛋糕🎂
.
我哋谂咗好耐，最后拣咗莓莓恩泽(稀少糖)1.0LB款 15cm🎂有好多款唔同嘅新鲜水果😍红桑子、蓝莓、桔子🍊奇异果🥝士多啤梨🍓酸甜得尼又清新😆仲有朱古力🍫表面嘅忌廉轻盈软滑🤍味道微甜又细腻😋牛奶味浓郁🥛里面系戚风蛋糕🍰质感软绵🤤由于蛋糕系用咗稀有糖😌所以食落无咁甜之外😉又健康一啲💪🏻仲有附送一个生日牌☺️